ಲಂಡನ್ : ಕಳೆದ ಒಂದು ವಾರದ ಹಿಂದೆ 481 ರನ್ ಸಿಡಿಸಿ ಇತಿಹಾಸ ಸೃಷ್ಟಿಸಿದ್ದ ಇಂಗ್ಲೆಂಡ್ ಕ್ರಿಕೆಟ್ ತಂಡದ ಬೆನ್ನಲ್ಲೇ ಇಂಗ್ಲೆಂಡ್ ಕ್ಲಬ್ ಕ್ರಿಕೆಟ್ ಪಂದ್ಯದಲ್ಲಿ ಮತ್ತೊಂದು ಐತಿಹಾಸಿಕ ಇನ್ನಿಂಗ್ಸ್ ದಾಖಲಾಗಿದೆ.
ಇಂಗ್ಲೆಂಡ್ ನ ಇಸಿಬಿ ನ್ಯಾಷನಲ್ ಕ್ಲಬ್ ಚಾಂಪಿಯನ್ ಶಿಪ್ ಟೂರ್ನಿಯಲ್ಲಿ ಸ್ಥಳೀಯ ತಂಡಗಳಾದ ಪೀಟರ್ ಬರೋಗ್ ಹಾಗೂ ಹೈ ವೈಕೊಂಬ್ ಸಿಟಿ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ದಾಖಲೆ ನಿರ್ಮಾಣವಾಗಿದೆ. 12 ಎಸೆತಗಳಲ್ಲಿ ಕೇವಲ 3 ರನ್ ಗಳಿಸುವ ಗುರಿಯಯನ್ನು ಹೊಂದಿದ್ದ ಹೈ ವೈಕೊಂಬ್ ಸಿಟಿ ತಂಡಗಳ ಕೇವಲ 1 ರನ್ ಗೆ 7 ರನ್ ಗೆ ಏಳು ವಿಕೆಟ್ ಕಳೆದುಕೊಂಡು ಸೋಲುಂಡಿದೆ.
ಮೊದಲು ಬ್ಯಾಟಿಂಗ್ ನಡೆಸಿದ ಪೀಟರ್ ಬರೋಗ್ ತಂಡ ಎದುರಾಳಿ ತಂಡಕ್ಕೆ 189 ರನ್ ಗುರಿ ನೀಡಿತ್ತು. ಈ ಮೊತ್ತವನ್ನು ಬೆನ್ನತ್ತಿದ್ದ ಹೈ ವೈಕೂಂಬ್ ತಂಡ 186 ರನ್ ಗಳಿಸಿ 3 ವಿಕೆಟ್ ಕಳೆದುಕೊಂಡು ಗೆಲುವಿನ ನಿರೀಕ್ಷೆಯಲ್ಲಿತ್ತು. ಆದರೆ ಈ ವೇಳೆ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಪೀಟರ್ ಬರೋಗ್ ತಂಡದ ಬೌಲರ್ ಕೀರಾನ್ ಜೋನ್ಸ್ 38 ಓವರ್ ನ ಮೊದಲ ಎಸೆತದಲ್ಲಿ 1 ರನ್ ನೀಡಿ, ಬಳಿಕ 4 ಎಸೆತಗಳಲ್ಲಿ 4 ವಿಕೆಟ್ ಪಡೆದು ತಂಡದಲ್ಲಿ ಮಿಂಚಿದ್ದರು. ಬಳಿಕ 39 ಓವರ್ ಬೌಲ್ ಮಾಡಿದ ಸ್ಪೀನ್ ಬೌಲರ್ 16 ವರ್ಷದ ದನ್ಯಾಯಾಲ್ ಮಲಿಕ್ 1 ರನ್ ಮಾತ್ರ ನೀಡಿ 3 ವಿಕೆಟ್ ಪಡೆದು ತಂಡದ ಗೆಲುವಿಗೆ ಕಾರಣರಾದರು ಎಂದು ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.
ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡುವ ಗೆಲುವು ಪಡೆದ ಪೀಟರ್ ಬರೋಗ್ ತಂಡ ಇಸಿಬಿ ಕ್ಲಬ್ ಚಾಂಪಿಯನ್ ಪಟ್ಟವನ್ನು ಪಡೆದಿದೆ. ಪಂದ್ಯದ ಕೊನೆಯ ಓವರ್ ಬೌಲ್ ಮಾಡಿದ್ದ ಇಸಿಬಿ ಕ್ಲಬ್ ಚಾಂಪಿಯನ್ ಟೂರ್ನಿಯಲ್ಲಿ ಒಟ್ಟು 13 ತಂಡಗಳು ಭಾಗವಹಿಸಿದ್ದವು.
