ಯುವ ಸಾಮ್ರಾಟ್ ಚಿರಂಜೀವಿ ಸರ್ಜಾ ಅಭಿನಯದ ಮೋಸ್ಟ್ ಎಕ್ಸ್ ಪೆಕ್ಟೆಡ್ ಖಾಕಿ ಚಿತ್ರದ ಟೈಲರ್ ಔಟ್ ಆಗಿದೆ. ರಿಯಲ್ ಸ್ಟಾರ್ ಉಪೇಂದ್ರ ಟ್ರೈಲರ್ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ಪಕ್ಕಾ ಮಾಸ್ ಕಂಟೆಂಟ್ ಇರೋ ಟ್ರೈಲರ್ ಯೂಟ್ಯೂಬ್‍ನಲ್ಲಿ ಬೇಜಾನ್ ಸೌಂಡ್ ಮಾಡ್ತಿದೆ. ಚಿರು ಅಭಿಮಾನಿಗಳು ಮಾಸ್ ಟ್ರೈಲರ್ ಗೆ ಫಿದಾ ಆಗಿದ್ದು ರಿಪೀಟ್ ಮೂಡ್ ನಲ್ಲಿ ಸಖತ್ ಎಂಜಾಯ್ ಮಾಡ್ತಿದ್ದಾರೆ.
‘ಸಿಂಗ’ ಚಿತ್ರದಲ್ಲಿ ಅಬ್ಬರಿಸಿದ್ದ ಚಿರು ಖಾಕಿ ಚಿತ್ರದಲ್ಲಿಯೂ ಸಕತ್ ಖದರ್ ನೊಂದಿಗೆ ಘರ್ಜಿಸಿದ್ದಾರೆ. ಸಾಮಾನ್ಯ ಹುಡುಗನೊಬ್ಬ ಸಮಾಜದ ಭ್ರಷ್ಟ ವ್ಯವಸ್ಥೆ ವಿರುದ್ಧ ತಿರುಗಿ ನಿಂತು ಹೇಗೆ ಹೋರಾಡುತ್ತಾನೆ ಎಂಬುದು ಚಿತ್ರದ ಒನ್ ಲೈನ್ ಸ್ಟೋರಿ. ಚಿತ್ರದಲ್ಲಿ ಚಿರು ಕೇಬಲ್ ಆಪರೇಟರ್ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಇನ್ನು, ಯುವ ಸಾಮ್ರಾಟ್ ಜೋಡಿಯಾಗಿ ತಾನ್ಯಾ ಹೋಪ್ ಸ್ಕೀನ್ ಶೇರ್ ಮಾಡಿದ್ದಾರೆ. ಚಿತ್ರದ ಹಾಡುಗಳ ಮೂಲಕ ಗಮನ ಸೆಳೆದಿರುವ ಈ ಜೋಡಿ ಸ್ಕ್ರೀನ್ ನಲ್ಲಿ ಮುದ್ದಾಗಿ ಕಾಣಿಸಿಕೊಂಡಿದೆ.
ಬಿ. ನವೀನ್ ರೆಡ್ಡಿ ಆಕ್ಷನ್ ಕಟ್ ಹೇಳಿರೋ ಈ ಚಿತ್ರಕ್ಕೆ ತರುಣ್ ಶಿವಪ್ಪ ಬಂಡವಾಳ ಹೂಡಿದ್ದಾರೆ. ರಿತ್ವಿಕ್ ಮುರಳೀಧರ್ ಸಂಗೀತ, ಬಾಲಾ ಅವರ ಕ್ಯಾಮೆರಾ ವರ್ಕ್ ಖಾಕಿ ಚಿತ್ರಕ್ಕಿದೆ. ದೇವ್ ಗಿಲ್, ಶಿವಮಣಿ, ಛಾಯಾಸಿಂಗ್ ಖಾಕಿ ತಾರಾಬಳಗದಲ್ಲಿದ್ದಾರೆ. ಇದೇ ತಿಂಗಳ 24ಕ್ಕೆ ಖಾಕಿ ಖದರ್ ಚಿತ್ರಮಂದಿರದಲ್ಲಿ ಅನಾವರಣವಾಗಲಿದೆ. ಸದ್ಯಕ್ಕಂತೂ ಸೋಶಿಯಲ್ ಮೀಡಿಯಾದಲ್ಲಿ ಖಾಕಿಯದ್ದೇ ದರ್ಬಾರ್ ಅಂದ್ರೆ ತಪ್ಪಾಗೊಲ್ಲ.
