ತೈವಾನ್: ಚೀನಾದ ಮಹಿಳೆಯೊಬ್ಬರು ತನ್ನ ವಯಸ್ಸಿಗಿಂತ 15 ವರ್ಷ ಕಡಿಮೆ ವಯಸ್ಸಿನ ಯುವಕನ ಜೊತೆ ಮದುವೆ ಆಗಲು ಬರೋಬ್ಬರಿ ಅರ್ಧ ಕೋಟಿ ರೂ. ಖರ್ಚು ಮಾಡಿದ್ದಾರೆ.
38 ವರ್ಷದ ಮಹಿಳೆಯೊಬ್ಬರು ಬರೋಬ್ಬರು 50 ಲಕ್ಷ ರೂ. ವರದಕ್ಷಿಣೆ ನೀಡಿ 23 ವರ್ಷದ ಯುವಕನೊಬ್ಬನನ್ನು ಜನವರಿ 10 ರಂದು ಮದುವೆಯಾಗಿದ್ದಾರೆ. ಮಹಿಳೆಗೆ ಈಗಾಗಲೇ ಮದುವೆಯಾಗಿದ್ದು, 14 ವರ್ಷದ ಮಗನಿದ್ದಾನೆ. ಆದರೆ ಈಕೆಗೆ ತನಗಿಂತ ಸಣ್ಣ ವಯಸ್ಸಿನವನ ಜೊತೆಗೆ ಮದುವೆಯಾಗಬೇಕು ಎಂದು ಇಷ್ಟಪಟ್ಟಿದ್ದರು. ಆದ್ದರಿಂದ ತನಗಿಂತ 15 ವರ್ಷ ಕಡಿಮೆ ವಯಸ್ಸಿನ ಯುವಕನಿಗೆ ಮದುವೆಯ ಪ್ರಸ್ತಾಪ ಇಟ್ಟಿದ್ದಾರೆ.
ಯುವಕ ಕೂಡ 38 ವರ್ಷದ ಆಕೆಯನ್ನು ಮದುವೆಯಾಗಲು ಒಪ್ಪಿದ್ದನು. ಆದರೆ ಮೊದಲಿಗೆ ಯುವಕನ ಪೋಷಕರು ಒಪ್ಪಿರಲಿಲ್ಲ. ಬಳಿಕ ಮಹಿಳೆ 50 ಲಕ್ಷ ರೂ. ಮೌಲ್ಯದ ಆಸ್ತಿ ಕೊಡುವುದಾಗಿ ಹೇಳಿದ್ದಾರೆ. ಆ ನಂತರ ಯುವಕನ ಪೋಷಕರು ಮದುವೆಗೆ ಒಪ್ಪಿದ್ದಾರೆ. ಇಬ್ಬರು ಪರಸ್ಪರ ಒಪ್ಪಿ ಜನವರಿ 10ರಂದು ಅದ್ಧೂರಿಯಾಗಿ ಮದುವೆ ಮಾಡಿಕೊಂಡಿದ್ದಾರೆ.
ಈ ಜೋಡಿಯ ಮದುವೆಯ ವಿಡಿಯೋವನ್ನು ಆಪಲ್ ಡೈಲ್ ಸಾಮಾಜಿಕ ಜಾಲತಾಣಗಳಿಗೆ ಪೋಸ್ಟ್ ಮಾಡಿದ್ದು, ವಧು ಬಿಳಿ ಬಣ್ಣದ ಗೌನ ಧರಿಸಿದ್ದಾರೆ. ಜೊತೆಗೆ ಚಿನ್ನದ ಬಳೆಗಳು, ನೆಕ್ಲೇಸ್ ಮತ್ತು ಓಲೆಯನ್ನು ಧರಿಸಿದ್ದಾರೆ. ಇವರಿಬ್ಬರು ಕೆಂಪು ಸ್ಪೋರ್ಟ್ಸ್ ಕಾರಿನಲ್ಲಿ ಕುಳಿತು ಮೆರವಣೆಗೆ ಹೊರಟಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.
