ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ ರಾತ್ರಿ ಸುರಿದ ಧಾರಾಕಾರ ಮಳೆಯಿಂದಾಗಿ 40 ವರ್ಷಗಳ ಬಳಿಕ ಇತಿಹಾಸ ಪ್ರಸಿದ್ಧವಾದ ಗಣಪತಿ ಕೊಳ ತುಂಬಿದೆ.
ಮಳೆ ನೀರಿನಿಂದ ಈ ಕೊಳ ತುಂಬದ ಕಾರಣ ಜನರು ಕಳೆದ 40 ವರ್ಷಗಳಿಂದ ಬೋರ್ ಮೂಲಕ ಈ ಕೊಳಕ್ಕೆ ನೀರು ತುಂಬಿಸುತ್ತಿದ್ದರು. ಇದೀಗ ರಾತ್ರಿ ಸುರಿದ ಮಳೆಯಿಂದ ಈ ಕೊಳ ತುಂಬಿ ತುಳುಕುತ್ತಿರುವುದರಿಂದ ಜನರ ಮುಖದಲ್ಲಿ ಮಂದಹಾಸ ಮೂಡಿದೆ.
ಅಷ್ಟೇ ಅಲ್ಲದೇ ಈ ಕೊಳ ತುಂಬಿರುವುದರಿಂದ ಚಾಮರಾಜನಗರಕ್ಕೆ ಅಂಟಿದ್ದ ಬರ ಹೊರಟು ಹೋಗಿದೆ. ಮುಂದಿನ ದಿನಗಳಲ್ಲಿ ಜಿಲ್ಲೆಯಲ್ಲಿ ಉತ್ತಮ ಮಳೆಯಾಗಿ ಜನರು ಸಮೃದ್ಧಿಯಲ್ಲಿ ಇರುತ್ತಾರೆ ಎಂದು ಜನ ಸಂತೋಷ ವ್ಯಕ್ತಪಡಿಸಿದ್ದಾರೆ.
