ತಮ್ಮ ಸಿನಿಮಾಗೆ ಪ್ರಚಾರ ಸಿಗಲಿ ಎಂದು, ಸಿನಿಮಾ ರಿಲೀಸ್ ಗೂ ಮುನ್ನ ನೆಗೆಟಿವ್ ಸುದ್ದಿ ಹರಡಲಿ ಎಂದು ಸ್ವತಃ ಆಮೀರ್ ಖಾನ್ ಅವರೇ ಈ ರೀತಿ ಸಂಚು ಮಾಡಿದ್ದಾರೆ ಎಂದು ಬಾಲಿವುಡ್ ನಟಿ ಕಂಗನಾ ರಣಾವತ್ ಆರೋಪಿಸಿದ್ದಾರೆ. ಈ ವರ್ಷ ರಿಲೀಸ್ ಆದ ಬಾಲಿವುಡ್ ಸಿನಿಮಾಗಳಲ್ಲಿ ಗೆದ್ದಿರುವುದು ಕೇವಲ ಮೂರೇ ಮೂರು ಸಿನಿಮಾಗಳು. ಈ ಭಯ ಇರುವುದರಿಂದಲೇ ಆಮೀರ್ ಖಾನ್ ನೆಗೆಟಿವ್ ಪಬ್ಲಿಸಿಟಿ ಮಾಡುತ್ತಿದ್ದಾರೆ ಎಂದಿದ್ದಾರೆ ಕಂಗನಾ.
ಲಾಲ್ ಸಿಂಗ್ ಚಡ್ಡಾ ಸಿನಿಮಾ ಇದೊಂದು ರೀಮೇಕ್ ಚಿತ್ರ. ಈ ಕುರಿತೂ ಕಂಗನಾ ಲೇವಡಿ ಮಾಡಿದ್ದು, ಬಾಲಿವುಡ್ ನಲ್ಲಿ ರೀಮೇಕ್ ಸಿನಿಮಾಗಳು ವರ್ಕ್ ಆಗುವುದಿಲ್ಲ. ಈ ನೆಲದ ಕಥೆ ಮತ್ತು ಸಂಸ್ಕೃತಿಯನ್ನು ಬಿಂಬಿಸುವ ಚಿತ್ರಗಳನ್ನು ಮಾಡಲಿ. ಹಿಂದೂ ದೇವರನ್ನು ಹೀಯಾಳಿಸಿ ಮಾಡಿದ ಪಿಕೆ ಚಿತ್ರವೇ ಸೂಪರ್ ಹಿಟ್ ಸಿನಿಮಾ ಎನ್ನುವಂತೆ ಬಿಂಬಿಸಲಾಗುತ್ತಿದೆ. ಅದರಿಂದ ಆಚೆ ಬಂದು ಈ ಸಮಾಜಕ್ಕೆ ಉತ್ತಮ ಸಿನಿಮಾ ಕೊಟ್ಟೆ ಎನ್ನುವ ಸಮಾಧಾನ ಅವರಿಗೆ ಬರಬೇಕು ಎಂದು ಹೇಳಿದ್ದಾರೆ. ಇದನ್ನೂ ಓದಿ:ಉಗ್ರರಿಂದ ಹತ್ಯೆಯಾಗಿದ್ದ ಕಾಶ್ಮೀರಿ ಗಾಯಕಿಯ ಪಾತ್ರದಲ್ಲಿ ಕಂಗನಾ ರಣಾವತ್
ಗಂಗೂಬಾಯಿ ಕಾಥಿಯಾವಾಡಿ, ದಿ ಕಾಶ್ಮೀರ್ ಫೈಲ್ಸ್, ಭೂಲ್ ಭುಲಯ್ಯ ಸಿನಿಮಾಗಳನ್ನು ಹೆಸರಿಸಿರುವ ಕಂಗನಾ, ಈ ಚಿತ್ರಗಳಷ್ಟೇ ಬಾಲಿವುಡ್ ನಲ್ಲಿ ಗೆದ್ದಿವೆ. ದಿ ಕಾಶ್ಮೀರ್ ಫೈಲ್ಸ್ ಸತ್ಯದ ಅನಾವರಣಕ್ಕೆ ಸಾಕ್ಷಿ ಆಯಿತು. ಇನ್ನೊಂದು ಸಿನಿಮಾ ನೈಜ ಕಥೆಯನ್ನು ಆಧರಿಸಿತ್ತು. ಮತ್ತೊಂದು ಕಾಮಿಡಿ. ಕಾಮಿಡಿ ಸಿನಿಮಾವಾಗಿದ್ದರೂ, ಅಲ್ಲಿ ಯಾರ ಮನಸ್ಸಿಗೂ ನೋವನ್ನುಂಟು ಮಾಡುವಂತಹ ಕಥೆ ಇರಲಿಲ್ಲವೆಂದು ಆಮೀರ್ ಖಾನ್ ಅವರನ್ನು ಕಾಲೆಳೆದಿದ್ದಾರೆ ಕಂಗನಾ.
