ಮುಂಬೈ: ಬಾಲಿವುಡ್ ನಟ ರಣ್‍ವೀರ್ ಸಿಂಗ್ ತಮ್ಮ ವಿಚಿತ್ರ ಉಡುಪುಗಳಿಂದಲೇ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡತ್ತಿರುತ್ತಾರೆ. ಪ್ರತಿಬಾರಿಯೂ ಭಿನ್ನ ಡ್ರೆಸ್ ಧರಿಸುವ ರಣ್‍ವೀರ್ ಅವರನ್ನು ನೆಟ್ಟಗರು ಟ್ರೋಲ್ ಮಾಡುತ್ತಿರುತ್ತಾರೆ. ಇದೀಗ ಸ್ವತಃ ರಣ್‍ವೀರ್ ಇನಸ್ಟಾಗ್ರಾಂನಲ್ಲಿ ತಮ್ಮ ಕಾಲನ್ನೇ ತಾವೇ ಎಳೆದುಕೊಂಡಿದ್ದಾರೆ.
ಖಾಸಗಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ರಣ್‍ವೀರ್ ನೀಲಿ ಮತ್ತು ಕೆಂಪು ಬಣ್ಣದ ಬಟ್ಟೆ ಧರಿಸಿದ್ದರು. ರಣ್‍ವೀರ್ ಧರಿಸಿರುವ ಬಟ್ಟೆ ನೋಡಲು ಹಾರ್ಪಿಕ್ ಬಾಟಲ್ ಹೋಲುವಂತಿತ್ತು. ರಣ್‍ವೀರ್ ಮತ್ತು ಹಾರ್ಪಿಕ್ ಬಾಟಲ್ ಫೋಟೋ ಸೇರಿಸಿ ಟ್ರೋಲ್ ಮಾಡಲಾಗಿತ್ತು. ರಣ್‍ವೀರ್ ಟ್ರೋಲ್ ಫೋಟೋ ತಮ್ಮ ಇನಸ್ಟಾಗ್ರಾಂ ಖಾತೆಯ ಸ್ಟೇಟಸ್ ಹಾಕಿಕೊಂಡಿದ್ದಾರೆ.
ಈ ಹಿಂದೆಯೂ ಹಲವು ಬಾರಿ ರಣ್‍ವೀರ್ ತಮ್ಮ ಮೀಮ್ಸ್ ಗಳನ್ನು ಸಾಮಾಜಿಕ ಖಾತೆಗಳಲ್ಲಿ ಹಂಚಿಕೊಂಡಿದ್ದರು. ಸಿಂಬಾ, ಗಲ್ಲಿ ಬಾಯ್ ಸಿನಿಮಾಗಳ ಯಶಸ್ಸಿನ ಬಳಿಕ ಕ್ರಿಕೆಟಿಗ ಕಪಿಲ್ ದೇವ್ ಜೀವನಾಧರಿತ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
