“ಸಿಎಂ ಎಚ್‍ಡಿಕೆ ದಿನನಿತ್ಯ ಮಾಡೋದು ಮೂರೇ ಮೂರು ಕೆಲ್ಸ”

Public TV
1 Min Read

– ಸಿಎಂ ದಿನಚರಿ ಬಗ್ಗೆ ಬಿಜೆಪಿ ಕರ್ನಾಟಕ ವ್ಯಂಗ್ಯ
– ಟ್ವಿಟ್ಟರ್ ಖಾತೆಯಲ್ಲಿ ಎಚ್‍ಡಿಕೆಗೆ ಹೇಳಿಕೆಗೆ ತಿರುಗೇಟು

ಬೆಂಗಳೂರು: ಸಿಎಂ ಕುಮಾರಸ್ವಾಮಿ ಅವರು ದಿನನಿತ್ಯ ಮಾಡೋದು ಮೂರೇ ಮೂರು ಕೆಲಸ ಎಂದು ಬಿಜೆಪಿ ಕರ್ನಾಟಕ ಟ್ವೀಟ್ ಮಾಡಿ ವ್ಯಂಗ್ಯವಾಡಿದೆ.

ಟ್ವೀಟ್ ಮೊದಲ ಸಾಲಿನಲ್ಲಿ ಸಿಎಂ ಕುಮಾರಸ್ವಾಮಿ ಅವರ ದಿನಚರಿ ಪಟ್ಟಿ ಎಂದು ಆರಂಭಿಸಿ, ಬಳಿಕ ನಿತ್ಯವು ಮೂರು ಹೊತ್ತು ಸಿಎಂ ಏನೇನು ಕೆಲಸ ಮಾಡುತ್ತಾರೆ ಎನ್ನುವುದನ್ನು ವಿವರಿಸಲಾಗಿದೆ.

ಟ್ವೀಟ್‍ನಲ್ಲಿ ಏನಿದೆ?
ಕುಮಾರಸ್ವಾಮಿ ಅವರು ಬೆಳಗ್ಗೆ ಮಾಧ್ಯಮಗಳ ಎದುರು ಸುಳ್ಳು ಆಶ್ವಾಸನೆ, ಆಣೆ ಮಾತು ಹೇಳಿ ಫುಲ್ ಕವರೇಜ್ ಪಡೆದು ತಮ್ಮ ತಿಂಡಿಯನ್ನು ತಿನ್ನುತ್ತಾರೆ. ಮಧ್ಯಾಹ್ನದ ವೇಳೆ ಆಪರೇಷನ್ ಕಮಲದ ಕುರಿತು ಮಾತನಾಡಿ ಅಳುತ್ತಾರೆ. ಅಲ್ಲದೆ ತಮ್ಮ ಸರ್ಕಾರದ ವಿಫಲತೆಯನ್ನು ಮುಚ್ಚಿಟ್ಟುಕೊಂಡು ಬಿಜೆಪಿಯನ್ನು ದೂಷಿಸುತ್ತಾರೆ.

ಮತ್ತೆ ರಾತ್ರಿ ಅಧಿಕಾರಕ್ಕಾಗಿ ತಮ್ಮ ತಮ್ಮಲ್ಲೇ ಜಗಳವಾಡಿ ನಿದ್ರೆಗೆ ಜಾರುತ್ತಾರೆ. ಮರುದಿನ ಇದೇ ದಿನಚರಿ ಮುಂದುವರಿಯುತ್ತದೆ ಎಂದು ಬರೆದು ಸಿಎಂ ಅವರನ್ನು ಬಿಜೆಪಿ ಕರ್ನಾಟಕ ಕಾಲೆಳೆದಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Share This Article
Leave a Comment

Leave a Reply

Your email address will not be published. Required fields are marked *