ದೊಡ್ಮನೆಯಲ್ಲಿ ನಾವಿಬ್ಬರು ಕ್ಲೋಸ್ ಫ್ರೆಂಡ್ಸ್ ಎಂದು ಹೇಳಿಕೊಂಡು ಬರುತ್ತಿದ್ದ ರೂಪೇಶ್(Roopesh Shetty) ಮತ್ತು ಸಾನ್ಯಳ (Sanya Iyer) ಮಿತಿ ಮೀರಿದ ರೊಮ್ಯಾನ್ಸ್‌ಗೆ ಸುದೀಪ್ ಬ್ರೇಕ್ ಹಾಕಿದ್ದಾರೆ. ಕ್ಯಾಪ್ಟೆನ್ಸಿ ಅವಧಿ ಮುಗಿದ ನಂತರ ಕ್ಯಾಪ್ಟನ್ ರೂಮ್‌ನಲ್ಲಿ ಗುರೂಜಿ ಜೊತೆ ಸಾನ್ಯ, ರೂಪೇಶ್ ಇದ್ದಂತಹ ರೀತಿಗೆ ಸುದೀಪ್(Kiccha Sudeep) ಎಚ್ಚರಿಕೆ ಕೊಟ್ಟಿದ್ದಾರೆ. ಕಿಚ್ಚನ ಕ್ಲಾಸ್‌ಗೆ ರೂಪೇಶ್ ಶೆಟ್ಟಿ ಗಳಗಳನೆ ಅತ್ತಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಪ್ರೇಮ ಪಕ್ಷಿಗಳಾಗಿ ಕಾಣಿಸಿಕೊಂಡಿದ್ದ ರೂಪೇಶ್ ಮತ್ತು ಸಾನ್ಯಗೆ ಕಿಚ್ಚ ಸುದೀಪ್ ಖಡಕ್ ವಾರ್ನಿಂಗ್ ಕೊಟ್ಟಿದ್ದಾರೆ. ಕ್ಯಾಪ್ಟೆನ್ಸಿ ಅವಧಿಯ ನಂತರ ಗುರೂಜಿ ಜೊತೆ ಮಾತನಾಡುತ್ತ ಬೆಡ್ ಮೇಲೆ ರೂಪೇಶ್ ಮತ್ತು ಸಾನ್ಯ ಮಲಗಿರುವ ರೀತಿಗೆ ಸುದೀಪ್ ಕ್ಲಾಸ್ ತೆಗೆದುಕೊಂಡಿದ್ದಾರೆ. ನಾನೇನೂ ಮಾಡಿಲ್ಲ ಎಂದು ರೂಪೇಶ್ ಶೆಟ್ಟಿ ಈ ವೇಳೆ ಭಾವುಕರಾಗಿದ್ದಾರೆ.
ವೀಕೆಂಡ್‌ನಲ್ಲಿ ಸುದೀಪ್ ರೂಪೇಶ್, ಸಾನ್ಯಗೆ ಕ್ಯಾಪ್ಟೆನ್ಸಿ ಅವಧಿ ಮುಗಿದ ನಂತರ ನೀವು ಪಿಕ್‌ನಿಕ್ ಮಾಡ್ತಾ ಇದ್ರಿ. ಆ ರೂಂಗೆ ಒಂದು ಗೌರವ ಇದೆ. ಅದು ಪಿಕ್‌ನಿಕ್ ಸ್ಪಾಟ್ ಅಲ್ಲ ಎಂದರು ಸುದೀಪ್. ನಮ್ಮ ಉದ್ದೇಶ ಆ ರೀತಿ ಇರಲಿಲ್ಲ. ನಾನು ಯಾವಾಗಲೂ ಆ ರೀತಿ ಮಾಡಿಲ್ಲ ಎಂದು ಸ್ಪಷ್ಟನೆ ನೀಡಲು ಬಂದರು ರೂಪೇಶ್. ನೀವು ಮಿತಿಮೀರಿ ನಡೆದುಕೊಂಡಿದ್ದೀರಿ. ಆ ರೀತಿ ಆಗಿದ್ದಕ್ಕಾಗಿಯೇ ನಾವು ಹೇಳ್ತಿರೋದು. ನೀವು ಮಧ್ಯರಾತ್ರಿ ಹಗ್ ಮಾಡಿಕೊಳ್ತೀರಿ. ಅದಕ್ಕೆ ನಾವು ಯಾವಾಗಲೂ ಅಪಸ್ವರ ತೆಗೆದಿಲ್ಲ. ಅದು ಇಲ್ಲಿ ಸಮಸ್ಯೆ ಅಲ್ಲ. ಈ ಮೊದಲು ಅನೇಕರು ಈ ಮನೆಯಲ್ಲಿ ಕ್ಲೋಸ್ ಆಗಿದ್ದರು. ಆದರೆ, ಈಗ ಇದನ್ನು ಹೇಳ್ತಿದೀವಿ ಎಂದರೆ ಅರ್ಥ ಮಾಡಿಕೊಳ್ಳಿ. ನೀವು ಈ ರೀತಿ ಮಾಡ್ತಾ ಇರೋದ್ರಿಂದಲೇ ನಮಗೆ ಕಂಟೆಂಟ್ ಸಿಗುತ್ತಿದೆ ಎಂದುಕೊಂಡರೆ ಈ ಮನೆ ಅದಕ್ಕಲ್ಲ ಎಂದು ಸುದೀಪ್ ಎಚ್ಚರಿಕೆ ನೀಡಿದರು. ಇದನ್ನೂ ಓದಿ:ನಯನತಾರಾ- ವಿಘ್ನೇಶ್ ಶಿವನ್ ಬಾಡಿಗೆ ತಾಯ್ತನದ ಕೇಸ್‌ಗೆ ಬಿಗ್ ಟ್ವಿಸ್ಟ್
ಸುದೀಪ್ ಖಡಕ್ ಎಚ್ಚರಿಕೆ ನಂತರ ರೂಪೇಶ್ ಶೆಟ್ಟಿ ಭಾವುಕರಾಗಿದ್ದಾರೆ. ನಮ್ಮ ಉದ್ದೇಶ ಕೆಟ್ಟದಾಗಿ ಇರಲಿಲ್ಲ ನಾನು ಮನೆಯಿಂದ ವಾಕ್ ಔಟ್ ಆಗುತ್ತೇನೆ ಎಂದು ರೂಪೇಶ್ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಗೊತ್ತಿಲ್ಲ ಹೇಗೆ ಕಂಡಿದೆ ಅಂತ. ನಾನು ಆ ತರಹ ಅಲ್ಲ. ನನ್ನ ತಾಯಿಗಿಂತ ದೊಡ್ಡ ದೇವರಿಲ್ಲ. ನಾನು ಆ ತರಹ ಕಂಡಿದ್ದರೆ ಅದು ತಪ್ಪು. ಇವತ್ತೇ ವಾಕ್ ಆಫ್ ಆಗೋದಕ್ಕೆ ರೆಡಿ ಇದ್ದೇನೆ ಸರ್. ನನ್ನ ತಾಯಿ ಆಣೆಗೂ ಇಲ್ಲಿರೋರಲ್ಲಿ ಯಾರ ಮೇಲೂ ನನಗೆ ಆ ತರಹದ ಭಾವನೆ ಇಲ್ಲ. ಅದ್ಯಾಕೆ ಹಾಗೆ ಕಾಣ್ತು ಅಂತ ನನಗೆ ಗೊತ್ತಿಲ್ಲ. ಕಂಡಿದೆ ಅಂದ್ರೆ ಅದಕ್ಕೆ ನನ್ನದೇ ತಪ್ಪು. ವಾಕ್ ಆಫ್ ಆಗೋದಕ್ಕೂ ರೆಡಿ ಇದ್ದೀನಿ ಎಂದು ರೂಪೇಶ್ ಮಾತನಾಡಿದ್ದಾರೆ. ಸುದೀಪ್ ಅವರ ಮಾತುಗಳನ್ನ ಕೇಳಿದ ನಂತರ ನಾನೇನೂ ಮಾಡಿಲ್ಲ. ಹಗ್ ಕೊಡೋಕೆ ಹಿಂದೆ ಮುಂದೆ ನೋಡ್ತೀನಿ ಎಂದು ಹೇಳುತ್ತಾ ರೂಪೇಶ್ ಶೆಟ್ಟಿ ಮನೆಯವರ ಮುಂದೆ ಗಳಗಳನೆ ಅತ್ತಿದ್ದಾರೆ.
