ಬೆಂಗಳೂರು: ತಮಾಷೆ ಮಾಡಲು ಹೋದ ಸ್ಪರ್ಧಿ ಹರೀಶ್ ರಾಜ್‍ಗೆ ಬಿಗ್ ಬಾಸ್ ಶಾಕ್ ನೀಡಿದ್ದಾರೆ.
ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ವಾಸುಕಿ ಹಾಗೂ ಹರೀಶ್ ಅವರನ್ನು ಸ್ಟೋರ್ ರೂಮಿಗೆ ಕರೆಯುತ್ತಾರೆ. ಈ ವೇಳೆ ಬಿಗ್ ಬಾಸ್ ಹರೀಶ್‍ಗೆ ಕ್ಯಾಮೆರಾ ನೀಡುತ್ತಾರೆ. ಕ್ಯಾಮೆರಾ ಎತ್ತುಕೊಂಡು ಹೋಗುವುದರ ಬದಲು ಹರೀಶ್, ವಾಸುಕಿ ಅವರಿಗೆ ಹೊರಗೆ ಕಳುಹಿಸಿ ಸ್ಟೋರ್ ರೂಮಿನಲ್ಲಿಯೇ ಇರುತ್ತಾರೆ. ಅಲ್ಲದೆ ನನಗೆ ಸ್ಟೋರ್ ರೂಮಿನ ಮೂಲಕ ಹೊರಗೆ ಕಳುಹಿಸಿದ್ದಾರೆ ಎಂದು ಮನೆಯ ಅವರ ಬಳಿ ಹೇಳಲು ಹರೀಶ್, ವಾಸುಕಿ ಅವರಿಗೆ ಹೇಳುತ್ತಾರೆ.
ವಾಸುಕಿ, ಮನೆಯವರಿಗೆ ಹರೀಶ್ ಸ್ಟೋರ್ ರೂಮಿನಿಂದ ಹೊರಟು ಹೋದರು ಎಂದು ಹೇಳಿದ್ದಾರೆ. ಈ ರೀತಿ ಹೇಳುತ್ತಿದ್ದಂತೆ ಬಿಗ್ ಬಾಸ್ ಸ್ಟೋರ್ ರೂಮನ್ನು ಲಾಕ್ ಮಾಡಿದ್ದಾರೆ. ಹರೀಶ್ ಸ್ಟೋರ್ ರೂಮಿನೊಳಗೆ ಸಿಕ್ಕಿ ಹಾಕಿಕೊಳ್ಳುತ್ತಾರೆ. ನಂತರ ಹರೀಶ್ ಜೋರಾಗಿ ಕಿರುಚುತ್ತಾ ನನ್ನನ್ನು ಹೊರಗೆ ಕರೆಸಿ ನಾನು ಇಲ್ಲಿ ಲಾಕ್ ಆಗಿದ್ದೇನೆ ಎಂದು ಹೇಳಿದ್ದಾರೆ. ಅಲ್ಲದೆ ಬಿಗ್ ಬಾಸ್ ಬಳಿ ಕ್ಷಮೆ ಕೇಳಿದ್ದಾರೆ. ಕ್ಷಮೆ ಕೇಳುತ್ತಿದ್ದಂತೆ ಬಿಗ್ ಬಾಸ್ ಸ್ಟೋರ್ ರೂಮಿನ ಬಾಗಿಲು ಓಪನ್ ಮಾಡಿದ್ದಾರೆ.
