‘ಬಿಗ್ ಬಾಸ್ ಹಿಂದಿ ಸೀಸನ್ 17’ರ ಅಂಕಿತಾ- ವಿಕ್ಕಿ ಜೈನ್ ಜೋಡಿ ಹೊಸ ಫೋಟೋಶೂಟ್‌ನಲ್ಲಿ ಮಿಂಚಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಈ ಜೋಡಿ ಕಿತ್ತಾಡಿಕೊಂಡು ಹೈಲೆಟ್ ಆಗಿದ್ದರು. ಇದೀಗ ಮುನಿಸು ಮರೆತು ಅಂಕಿತಾ- ವಿಕ್ಕಿ ಜೈನ್ ರೊಮ್ಯಾಂಟಿಕ್ ಮೂಡ್‌ಗೆ ಜಾರಿದ್ದಾರೆ. ಈ ಜೋಡಿಯ ರೊಮ್ಯಾಂಟಿಕ್ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಇದನ್ನೂ ಓದಿ:ಅಮೃತಧಾರೆ ಸೀರಿಯಲ್‌ಗೆ ‘ಕಾಂತಾರ’ ನಟಿ ಎಂಟ್ರಿ
ವ್ಯಾಲೆಂಟೈನ್‌ ವೀಕ್‌ನಲ್ಲಿ ಅಂಕಿತಾ ಲೋಖಂಡೆ (Ankita Lokhande) ಮತ್ತು ವಿಕ್ಕಿ ಜೈನ್ (Vicky Jain) ಕಲರ್‌ಫುಲ್ ಆಗಿ ಫೋಟೋಶೂಟ್ ಮಾಡಿಸಿದ್ದಾರೆ. ಇಬ್ಬರ ಕೆಮಿಸ್ಟ್ರಿ ಹೇಗಿದೆ ಅಂದರೆ ಬಿಗ್ ಬಾಸ್ ಮನೆಯಲ್ಲಿ ಕಿತ್ತಾಡಿಕೊಂಡಿದ್ದ ಜೋಡಿ ಇವರೇನಾ ಎಂದು ಡೌಂಟ್ ಬರುವಷ್ಟು ಲವ್ಲಿ ಆಗಿ ಫೋಟೋಶೂಟ್‌ನಲ್ಲಿ ಮಿಂಚಿದ್ದಾರೆ.
ಕೆಂಪು ಬಣ್ಣದ ಸೀರೆಯಲ್ಲಿ ಅಂಕಿತಾ ಮಿಂಚಿದ್ರೆ, ವಿಕ್ಕಿ ಕಪ್ಪು ಬಣ್ಣದ ಉಡುಗೆಯಲ್ಲಿ ಹೈಲೆಟ್ ಆಗಿದ್ದಾರೆ. ಕ್ಯಾಮೆರಾಗೆ ಇಬ್ಬರು ರೊಮ್ಯಾಂಟಿಕ್ ಆಗಿ ಪೋಸ್ ನೀಡಿದ್ದಾರೆ. ಜೋಡಿಯ ಫೋಟೋ ನೋಡಿ ನೆಟ್ಟಿಗರು, ನೀವು ಬಿಗ್ ಬಾಸ್‌ನಲ್ಲಿ ಜಗಳ ಆಡಿದ್ದು ಡ್ರಾಮಾನಾ? ಎಂದು ಕಾಲೆಳೆದಿದ್ದಾರೆ.
ಹಿಂದಿ ಬಿಗ್ ಬಾಸ್‌ನಲ್ಲಿ ಅಂಕಿತಾ ಮತ್ತು ವಿಕ್ಕಿ ಜೋಡಿ ಸಣ್ಣ ಸಣ್ಣ ವಿಚಾರಕ್ಕೂ ಜಗಳ ಆಡಿದ್ದರು. ಇಬ್ಬರ ಜಗಳ ಅದೆಷ್ಟರ ಮಟ್ಟಿಗೆ ಹೋಗಿತ್ತು ಅಂದರೆ, ಪತಿಗೆ ಅಂಕಿತಾ ಚಪ್ಪಲಿ ತೋರಿಸುವ ಹಂತಕ್ಕೆ ಮುಟ್ಟಿತ್ತು. ಇದಾದ ಕೆಲವು ದಿನಗಳ ನಂತರ ಫ್ಯಾಮಿಲಿ ರೌಂಡ್‌ನಲ್ಲಿ ವಿಕ್ಕಿ ತಾಯಿ ಎಂಟ್ರಿ ಕೊಟ್ಟಿದ್ದರು. ಸೊಸೆ ಅಂಕಿತಾ ಯಾವುದಕ್ಕೂ ಅಡ್ಜಸ್ಟ್ ಆಗಲ್ಲ. ಮನೆಯಲ್ಲೂ ಕೂಡ ವಿಕ್ಕಿ ಪರ ವಹಿಸೋದಿಲ್ಲ ಎಂದೆಲ್ಲಾ ಕುಟುಕಿದ್ದರು.
ದೊಡ್ಮನೆಯಲ್ಲಿದ್ದಾಗ ಇಬ್ಬರ ಜಗಳ ಡಿವೋರ್ಸ್ ಹಂತದವರೆಗೂ ಹೋಗಿತ್ತು. ಆದರೆ ಶೋ ಮುಗಿದ ಮೇಲೆ ಎಲ್ಲವೂ ಬದಲಾಗಿದೆ. ಮುನಿಸು ಮರೆತು ಈ ಜೋಡಿ ಒಂದಾಗಿದ್ದಾರೆ. ಡಿವೋರ್ಸ್ ಬಗ್ಗೆ ಅಂದು ಹಾಗೆಲ್ಲಾ ಮಾತನಾಡಬಾರದಿತ್ತು ಎಂದು ಅಂಕಿತಾ ಪ್ರತಿಕ್ರಿಯೆ ನೀಡಿದ್ದರು.
