ಗದಗ: ವಿದ್ಯುತ್ ಶಾಕ್ ಹೊಡೆದು ಮಂಗ ಸಾವನ್ನಪ್ಪಿದ್ದು, ತಾಯಿ ಅಂತ್ಯ ಸಂಸ್ಕಾರಕ್ಕೆ ಮರಿ ಮಂಗ ಬಿಟ್ಟುಕೊಡದ ಹೃದಯ ವಿದ್ರಾವಕ ಘಟನೆ ಜಿಲ್ಲೆಯ ಲಕ್ಷ್ಮೇಶ್ವರ ಪಟ್ಟಣದಲ್ಲಿ ನಡೆದಿದೆ.
ಲಕ್ಷ್ಮೇಶ್ವರ ಪಟ್ಟಣದ ಶಿಗ್ಲಿ ಕ್ರಾಸ್ ಬಳಿ ವಿದ್ಯುತ್ ಸ್ಪರ್ಶದಿಂದ ಮಂಗ ಸಾವನ್ನಪ್ಪಿದೆ. ಮೃತ ಕೋತಿಗೆ ಸ್ಥಳೀಯರು ಹೂ ಮಾಲೆ ಹಾಕಿ ಪೂಜೆ ಮಾಡಿದರೂ ಮರಿ ಕೋತಿ ತಾಯಿಯನ್ನ ಬಿಟ್ಟು ಕದಲುತ್ತಿಲ್ಲ. ನೂರಾರು ಜನರಿದ್ದರೂ ಅಂತ್ಯಕ್ರಿಯೆಗೆ ಬಿಡದೇ ತಾಯಿಯನ್ನ ಅಪ್ಪಿಕೊಂಡು ಕಣ್ಣೀರು ಹಾಕುತ್ತಿದೆ.
ತಾಯಿಯನ್ನು ಒಂದು ನಿಮಿಷ ಕೂಡಾ ಬಿಟ್ಟು ಕದಲದ ಮರಿ ಮಂಗದ ದೃಶ್ಯ ಕಂಡು ಲಕ್ಷ್ಮೇಶ್ವರದ ಸಾರ್ವಜನಿಕರು ಕೂಡ ಕಣ್ಣೀರು ಹಾಕಿದ್ದಾರೆ.
