ಲಂಡನ್‌: ಐಪಿಎಲ್‌ನಲ್ಲಿ (IPL) 18 ವರ್ಷದ ಬಳಿಕ ಆರ್‌ಸಿಬಿ (RCB) ಚಾಂಪಿಯನ್‌ ಆಗಿತ್ತು. ಈಗ ದಕ್ಷಿಣ ಆಫ್ರಿಕಾ (South Africa) ತಂಡ ತನಗೆ ಅಂಟಿದ್ದ ಚೋಕರ್ಸ್ (Chokers) ಪಟ್ಟವನ್ನು ಕಳಚಿ ಚಾಂಪಿಯನ್‌ ಪಟ್ಟ ಅಲಂಕರಿಸುವ ಎಲ್ಲಾ ಸಾಧ್ಯತೆಯಿದೆ. ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ನಲ್ಲಿ (WTC Final) ಕಳೆದ ಬಾರಿ ಚಾಂಪಿಯನ್‌ ಆಸ್ಟ್ರೇಲಿಯಾವನ್ನು (Australia ಸೋಲಿಸಿ ಐತಿಹಾಸಿಕ ಸಾಧನೆ ನಿರ್ಮಿಸಲು ಕೇವಲ 69 ರನ್‌ಗಳ ಅಗತ್ಯವಿದೆ.
ಎರಡನೇ ಇನ್ನಿಂಗ್ಸ್‌ನಲ್ಲಿ 282 ರನ್‌ಗಳ ಗುರಿಯನ್ನು ಪಡೆದ ಆಫ್ರಿಕಾ ಮೂರನೇ ದಿನದಾಟದ ಅಂತ್ಯಕ್ಕೆ 2 ವಿಕೆಟ್‌ ನಷ್ಟಕ್ಕೆ 213 ರನ್ ಗಳಿಸಿ ಸುಭದ್ರ ಸ್ಥಿತಿಯಲ್ಲಿದೆ. ಐಡೆನ್ ಮಾರ್ಕ್ರಾಮ್ (Aiden Markram) ಔಟಾಗದೇ 102 ರನ್ (159 ಎಸೆತ, 11ಬೌಂಡರಿ) ಹೊಡೆದರೆ ನಾಯಕ ಟೆಂಬ ಬವುಮಾ (Temba Bavuma) ಔಟಾಗದೇ 65 ರನ್(121 ಎಸೆತ, 5 ಬೌಂಡರಿ) ಹೊಡೆದು ಕ್ರೀಸ್‌ನಲ್ಲಿದ್ದಾರೆ. ಇನ್ನು 8 ವಿಕೆಟ್‌ಗಳಿದ್ದು ನಾಳೆ ಯಾವುದೇ ಪವಾಡ ನಡೆಯದೇ ಇದ್ದರೆ, ಮಳೆಯಿಂದ ಪಂದ್ಯ ರದ್ದಾಗದೇ ಇದ್ದರೆ ಮೊದಲ ಬಾರಿಗೆ ಆಫ್ರಿಕಾ ಐಸಿಸಿ ಟ್ರೋಫಿಗೆ ಮುತ್ತಿಕ್ಕಲಿದೆ.
Markram’s masterclass! 🎯#AidenMarkram slams a stunning century as South Africa roar back into the #WTCFinal
Will this be the knock that leads them to glory?
WATCH DAY 4 👉🏻 #WTCFinal | #SAvAUS | SAT, JUN 14, 2.30 PM onwards on Star Sports 1, Star Sports 1 Hindi & JioHotstar pic.twitter.com/FPRmbmvkrU
— Star Sports (@StarSportsIndia) June 13, 2025
ಆಫ್ರಿಕಾ ಆರಂಭದಲ್ಲೇ ರಿಕೆಲ್ಟನ್ 9 ರನ್ ಗಳಿಸಿ ಔಟಾದಾಗ ಆಘಾತ ಎದುರಿಸಿತ್ತು. ಆದರೆ ಎರಡನೇ ವಿಕೆಟಿಗೆ ಮಾರ್ಕ್ರಾಮ್ ಮತ್ತು ಮುಲ್ಡರ್ 93 ಎಸೆತಗಳಲ್ಲಿ 61 ರನ್ ಜೊತೆಯಾಟ ನಡೆಸಿ ಚೇತರಿಕೆ ನೀಡಿದರು. ಈ ನಡುವೆ ಮುಲ್ಡರ್ 27 ರನ್ ಗಳಿಸಿ ಔಟಾದರು. ನಂತರ ಮುರಿಯದ ಮೂರನೇ ವಿಕೆಟಿಗೆ ಮಾರ್ಕ್ರಾಮ್ ಮತ್ತು ಬವುಮಾ 232 ಎಸೆತಗಳಲ್ಲಿ 143 ರನ್ ಜೊತೆಯಾಟವಾಡಿ ಗೆಲುವಿನ ಹತ್ತಿರಕ್ಕೆ ತಂಡವನ್ನು ತಂದಿದ್ದಾರೆ.
ಇದಕ್ಕೂ ಮೊದಲು ಬ್ಯಾಟ್‌ ಬೀಸಿದ ಆಸ್ಟ್ರೇಲಿಯಾ ಎರಡನೇ ಇನ್ನಿಂಗ್ಸ್‌ನಲ್ಲಿ 207 ರನ್‌ಗಳಿಗೆ ಆಲೌಟ್‌ ಆಗಿತ್ತು. ಮಿಚೆಲ್‌ ಸ್ಟ್ರಾರ್ಕ್‌ 58 ರನ್ ಹೊಡೆದರೆ ಹೇಜಲ್‌ವುಡ್‌ 17 ರನ್ ಹೊಡೆದು ಔಟಾದರು.
ಕಗಿಸೊ ರಬಾಡ 4 ವಿಕೆಟ್‌, ಲುಂಗಿ ಎನ್‌ಗಿಡಿ 3 ವಿಕೆಟ್‌ ಪಡೆದರು. ಜಾನ್‌ಸೆನ್‌, ಮುಲ್ಡರ್, ಮಾರ್ಕ್ರಾಮ್ ತಲಾ ಒಂದೊಂದು ವಿಕೆಟ್‌ ಪಡೆದರು. ಇದನ್ನೂ ಓದಿ: ಏರ್ ಇಂಡಿಯಾ ವಿಮಾನ ದುರಂತ – ಕಪ್ಪು ಪಟ್ಟಿ ಧರಿಸಿ ಟೀಂ ಇಂಡಿಯಾ ಆಟಗಾರರಿಂದ ಮೌನಾಚರಣೆ
Classy from the captain! ✨
Bavuma shows the way with a cracking straight drive – pure leadership on display! 💪
LIVE NOW 👉 https://t.co/PT5JiWpOzV#WTCFinal | #SAvAUS | Day 3, LIVE NOW on Star Sports 1, Star Sports 1 Hindi & JioHotstar pic.twitter.com/KFtiG9DbyW
— Star Sports (@StarSportsIndia) June 13, 2025
ಚೋಕರ್ಸ್ ಪಟ್ಟ
ದಕ್ಷಿಣ ಆಫ್ರಿಕಾ ತಂಡ ಇಲ್ಲಿಯವರೆಗೆ ವಿಶ್ವಕಪ್‌, ಟಿ 20 ಲೀಗ್‌ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿ ಆಫ್ರಿಕಾ ಸೆಮಿಫೈನಲ್‌ ಪ್ರವೇಶಿಸುತ್ತಿತ್ತು. ಆದರೆ ಸೆಮಿಫೈನಲ್‌ನಲ್ಲಿ ಪ್ರತಿ ಬಾರಿಯೂ ಸೋಲು ಕಾಣುತ್ತಿತ್ತು.
ಐಸಿಸಿ ಏಕದಿನ ವಿಶ್ವಕಪ್‌ನಲ್ಲಿ 5 ಬಾರಿ ಸೆಮಿಫೈನಲ್‌ನಲ್ಲೇ ಸೋತಿತ್ತು. 1992, 1999, 2007, 2015, 2023 ರಲ್ಲಿ ಸೋಲು ಕಂಡಿತ್ತು. ವಿಶ್ವಕಪ್‌ನ ಲೀಗ್‌ ಹಂತದಲ್ಲಿ ಅದ್ಭುತ ಪ್ರದರ್ಶನ ತೋರಿ ಪದೇ ಪದೆ ನಾಕೌಟ್ ಪಂದ್ಯಗಳಲ್ಲಿ ಎಡವುತ್ತಿರುವ ಕಾರಣ ಆಫ್ರಿಕಾಗೆ ಚೋಕರ್ಸ್ ಪಟ್ಟ ಅಂಟಿಕೊಂಡಿತ್ತು.
