ಬೆಂಗಳೂರು: ರೆಬೆಲ್ ಸ್ಟಾರ್ ಅಂಬರೀಶ್ ಕುರುಕ್ಷೇತ್ರ ಸಿನಿಮಾದಲ್ಲಿ ಭೀಷ್ಮಾಚಾರ್ಯರ ಲುಕ್‍ನಲ್ಲಿ ಕಾಣಿಸಿಕೊಳ್ತಾರೆ ಅಂತ ವಿಷಯ ಎಲ್ಲರಿಗೂ ಗೊತ್ತಿದೆ. ಕಲಾವಿದ ಕಮ್ ರಾಜಕಾರಣಿ ಆಗಿರುವ ಅಂಬರೀಶ್ ಅವರ ಸ್ಟೈಲ್ ಒಂಥರ ಡಿಫರೆಂಟ್. ಸಮಯಕ್ಕೆ ತಕ್ಕಂತೆ ಮ್ಯಾಚ್ ಆಗುವಂತೆ ಕಾಮಿಡಿ ಮಾಡಿ ಎಲ್ಲರನ್ನು ನಗಿಸಿ ಖುಷಿ ಖುಷಿಯಾಗಿ ಜೊತೆಯಲ್ಲಿ ಕರ್ಕೊಂಡು ಹೋಗುತ್ತಾರೆ.
ಕುರುಕ್ಷೇತ್ರದಲ್ಲಿ ಅಂಬಿ ಅವರ ಲುಕ್ ಹೇಗಿದೆ ಮತ್ತು ಭೀಷ್ಮರ ಅವತಾರದಲ್ಲಿ ರೆಡಿಯಾಗಲು ಅಂಬಿಗೆ ಬೇಕಾದ ಟೈಮ್ ಎಷ್ಟು ಎಂಬದರ ಬಗ್ಗೆ ಪ್ರಶ್ನೆ ಮಾಡಿದಾಗ ಜೇಬಿನಿಂದ ಮೊಬೈಲ್ ತೆಗೆದ ಅಂಬರೀಶ್ ಇಲ್ಲಿ ನೊಡ್ರಿ ನನ್ನ ಲುಕ್ ಹೀಗಿದೆ ಅಂತಾ ಹೇಳಿದ್ರು.
ಮೊದಲ ಬಾರಿಗೆ ಅಂಬರೀಶ್ ಅವರ ಹೊಸ ವರಸೆ ನೋಡಿ ಎಲ್ಲರಿಗೂ ವಾಹ್, ಸೂಪರ್ ಆಗಿದೆ ಅನ್ನೊ ಭಾವನೆ ಬಂದಿದೆ. ಅಂಬಿಯವರ ಲುಕ್ ನೋಡಿದ್ರೆ ಅಬ್ಬಬ್ಬಾ ಈ ಗೆಟಪ್‍ನಲ್ಲಿ ರೆಡಿಯಾಗಲು ಖಂಡಿತಾ 2 ರಿಂದ 3 ಗಂಟೆ ಬೇಕು ಅಂತ ಅನಿಸುತ್ತದೆ. ಆದರೆ ರೆಬೆಲ್ ರಿವಿಲ್ ಮಾಡಿದ ಸಿಕ್ರೆಟ್ಟೇ ಬೇರೆ. 10 ರಿಂದ 15 ನಿಮಿಷದಲ್ಲಿ ಭೀಷ್ಮನ ಅವತಾರದಲ್ಲಿ ರೆಡಿ ಆಗ್ತೇನೆ ಎಂದು ಅಂಬರೀಶ್ ಹೇಳುತ್ತಾರೆ.
ದಿನಕ್ಕೊಂದು ಬ್ರೇಕಿಂಗ್ ನ್ಯೂಸ್, ವಾರಕ್ಕೊಂದು ಬಿಗ್ ಬ್ರೇಕಿಂಗ್ ನ್ಯೂಸ್ ಕೊಡ್ತಿರೋ ಮುನಿರತ್ನ ಕುರುಕ್ಷೇತ್ರ ಟೀಮ್‍ನಿಂದ ಮತ್ತೊಂದು ಹೊಸ ಸುದ್ದಿಯನ್ನು ಅಂಬರೀಶ್ ರಿವಿಲ್ ಮಾಡಿದ್ದಾರೆ. ದರ್ಶನ್‍ರಿಂದ ಹಿಡಿದು ಭಾರತೀಯ ಚಿತ್ರರಂಗದ ಘಟಾನುಘಟಿ ಕಲಾವಿದರು ಈ ಚಿತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಸಿನಿಮಾ ಮುಂದಿನ ಮಕರ ಸಂಕ್ರಾಂತಿ ಹಬ್ಬಕ್ಕೆ ತೆರೆ ಕಾಣಲಿದೆ ಎಂದು ಚಿತ್ರತಂಡ ಹೇಳಿದೆ.
