ಮುಂಬೈ: ಬಾಲಿವುಡ್ ಬ್ಯೂಟಿ ಕ್ವೀನ್ ಐಶ್ವರ್ಯ ರೈ ಸಾರ್ವಜನಿಕ ಸಮಾರಂಭದಲ್ಲಿ ಕಣ್ಣೀರು ಹಾಕಿರುವ ವಿಡಿಯೋ ವೈರಲ್ ಆಗಿದೆ.
ಇತ್ತೀಚೆಗೆ ನಡೆದ ಖಾಸಗಿ ಕಾರ್ಯಕ್ರಮದಲ್ಲಿ ಐಶ್ವರ್ಯ ರೈ ಭಾಗಿಯಾಗಿದ್ದರು. ಈ ವೇಳೆ ಕಾರ್ಯಕ್ರಮದಲ್ಲಿ ರಾಷ್ಟ್ರಗೀತೆ ಮೊಳಗಿತ್ತು. ಸಹಜವಾಗಿ ಐಶ್ವರ್ಯ ಸೇರಿದಂತೆ ಎಲ್ಲರೂ ಎದ್ದು ನಿಂತು ರಾಷ್ಟ್ರಗೀತೆಗೆ ಗೌರವ ಸಲ್ಲಿಸಿದರು. ಈ ವೇಳೆ ರಾಷ್ಟ್ರಗೀತೆ ಕೇಳುತ್ತಾ ಭಾವುಕರಾದ ಐಶ್ ಕಣ್ಣಂಚಲಿ ಕಂಬನಿ ಜಿನುಗಿದೆ. ಐಶ್ವರ್ಯರ ಅಭಿಮಾನಿಗಳು ಈ ವಿಡಿಯೋವನ್ನು ತಮ್ಮ ಫೇಸ್‍ಬುಕ್, ಇನ್ ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿಕೊಳ್ಳುತ್ತಿದ್ದಾರೆ.
ಸೆಪ್ಟೆಂಬರ್ 5ರಂದು ನಡೆದ ಕಾರ್ಯಕ್ರಮದಲ್ಲಿ ಐಶ್ವರ್ಯರ ತಾಯಿ ವೃಂದಾ ರೈ, ಗಾಯಕ ಸೋನು ನಿಗಮ್, ಪೂನಂ ಮಹಾಜನ್, ರೊನಿತ್ ರಾಯ್, ಸಂಗೀತಾ ಜಿಂದಾಲ್, ಕೋಕಿಲಾಬೆನ್ ಅಂಬಾಮಿ, ರೆಶ್ಮಿ ಠಾಕ್ರೆ ಸೇರಿದಂತೆ ಹಲವು ಗಣ್ಯಾತೀಗಣ್ಯರು ಸಹ ಭಾಗಿಯಾಗಿದ್ದರು.
ಅನಿಲ್ ಕಪೂರ್ ಜೊತೆಯಾಗಿ ನಟಿಸಿದ್ದ ‘ಫೆನ್ನೆ ಖಾನ್’ ಬಿಡುಗಡೆಯಾಗಿತ್ತು. ಬಿಡುಗಡೆ ಮುನ್ನ ಕುತೂಹಲ ಹುಟ್ಟಿಸಿದ್ದ ಫೆನ್ನೆ ಖಾನ್ ಬಾಕ್ಸ್ ಆಫೀಸ್ ಕೊಳ್ಳೆಹೊಡೆಯುವದರಲ್ಲಿ ವಿಫಲವಾಗಿದೆ. ಸದ್ಯ ಐಶ್ವರ್ಯ ಪತಿ ಅಭಿಷೇಕ್ ಜೊತೆಯಾಗಿ ‘ಗುಲಾಮ್ ಜಾಮೂನ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
