ಕೊಚ್ಚಿ: ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿದ್ದ ಬಹುಭಾಷಾ ನಟಿ ಮೌನ ಮುರಿದಿದ್ದು, ನನ್ನ ಜೀವನದಲ್ಲಿ ಏನು ನೋಡಬಾರದಿತ್ತೋ ಅದನ್ನೇ ನನ್ನ ಬದುಕು ತೋರಿಸಿದೆ. ಆದರೆ ನಾನು ಅದನ್ನು ಮೆಟ್ಟಿ ನಿಲ್ತೀನಿ ಎಂಬ ವಿಶ್ವಾಸವಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ.
ತನಗೆ ಬೆಂಬಲ ನೀಡಿದ ಎಲ್ಲರಿಗೂ ಧನ್ಯವಾದ ತಿಳಿಸಿರುವ ನಟಿ, ಬದುಕು ಹಲವು ಬಾರಿ ನನ್ನನ್ನು ಕುಗ್ಗುವಂತೆ ಮಾಡಿದೆ. ನಾನು ಏನು ನೋಡಬಾರದಿತ್ತೋ ಅದನ್ನು ತೋರಿಸಿದೆ. ದುಃಖ ಮತ್ತು ಸೋಲಿನ ಅನುಭವ ನನಗಾಗಿದೆ. ಆದ್ರೆ ಒಂದು ಮಾತ್ರ ಸತ್ಯ. ನಾನು ಯಾವಾಗಲೂ ಎಲ್ಲವನ್ನೂ ಮೆಟ್ಟಿ ನಿಲ್ಲುತ್ತೀನಿ. ನಿಮ್ಮ ಪ್ರೀತಿಗೆ, ಹಾರೈಕೆಗೆ ಧನ್ಯವಾದ ಎಂದು ಇನ್ಸ್ಟಾಗ್ರಾಮ್‍ನಲ್ಲಿ ಬರೆದುಕೊಂಡಿದ್ದಾರೆ. ಈ ಪೋಸ್ಟನ್ನು ಮಲಯಾಳಂ ನಟ ಪೃಥ್ವಿರಾಜ್ ಫೇಸ್‍ಬುಕ್‍ನಲ್ಲಿ ಹಂಚಿಕೊಂಡಿದ್ದಾರೆ.
ಫೆಬ್ರವರಿ 17ರಂದು ಕೇರಳದ ತ್ರಿಶೂರ್‍ನಿಂದ ಶೂಟಿಂಗ್ ಮುಗಿಸಿ ಹಿಂದಿರುಗುತ್ತಿದ್ದ ಬಹುಭಾಷಾ ನಟಿಯ ಮೇಲೆ ಆಕೆಯ ಮಾಜಿ ಡ್ರೈವರ್ ಮತ್ತು ಆತನ ತಂಡದಿಂದ ಲೈಂಗಿಕ ದೌರ್ಜನ್ಯ ನಡೆದಿತ್ತು.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರಮುಖ ಆರೋಪಿ ಪಲ್ಸರ್ ಸುನಿ ಸೇರಿದಂತೆ ಒಟ್ಟು 6 ಮಂದಿಯನ್ನು ಪೊಲೀಸರು ಬಂಧಿಸಿದ್ದು, ತನಿಖೆ ಮುಂದುವರೆಸಿದ್ದಾರೆ.
