ಮುಂಬೈ: ಬಹುಭಾಷಾ ನಟಿ ಇಲಿಯಾನಾ ಡಿ ಕ್ರೂಝ್ ಅವರು ತಮ್ಮ ಬಹುಕಾಲದ ಆಸ್ಟ್ರೇಲಿಯಾ ಗೆಳೆಯನ ಜೊತೆ ಬ್ರೇಕಪ್ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಬಿ-ಟೌನ್‍ನಲ್ಲಿ ಹರಿದಾಡುತ್ತಿದೆ.
ಮಾಧ್ಯಮಗಳ ಪ್ರಕಾರ ಸಾಮಾಜಿಕ ಜಾಲತಾಣದಲ್ಲಿ ಇಲಿಯಾನಾ ಹಾಗೂ ಅವರ ಗೆಳೆಯ ಆ್ಯಂಡ್ರ್ಯೂ ನೀಬೋನ್ ಪರಸ್ಪರ ಅನ್‍ಫಾಲೋ ಮಾಡಿದ್ದಾರೆ. ಅಲ್ಲದೆ ಇಬ್ಬರು ತಮ್ಮ ಸಂಬಂಧದಿಂದ ದೂರವಾಗಿದ್ದಾರೆ. ಇಲಿಯಾನಾ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಗೆಳೆಯ ಆ್ಯಂಡ್ರ್ಯೂ ಜೊತೆ ಕ್ಲಿಕ್ಕಿಸಿಕೊಂಡ ಫೋಟೋಗಳನ್ನು ಪೋಸ್ಟ್ ಮಾಡಿದ್ದರು. ಆದರೆ ಈಗ ಇಲಿಯಾನಾ, ಆ್ಯಂಡ್ರ್ಯೂ ಜೊತೆಯಿರುವ ಫೋಟೋಗಳನ್ನು ಇನ್‍ಸ್ಟಾದಲ್ಲಿ ಡಿಲೀಟ್ ಮಾಡಿದ್ದಾರೆ ಎನ್ನಲಾಗಿದೆ.
ಇದುವರೆಗೂ ಇಲಿಯಾನಾ ತಮ್ಮ ಪ್ರೀತಿ ಬಗ್ಗೆ ಎಲ್ಲಿಯೂ ಬಹಿರಂಗವಾಗಿ ತಿಳಿಸಿರಲಿಲ್ಲ. ಆದರೆ ಇಲಿಯಾನಾ, ಆ್ಯಂಡ್ರ್ಯೂ ಜೊತೆ ಹೆಚ್ಚು ಆತ್ಮೀಯರಾಗಿದ್ದರು ಎಂಬುದು ಅವರ ಪೋಸ್ಟ್ ಮೂಲಕ ತಿಳಿಯುತ್ತಿತ್ತು. 2017ರಲ್ಲಿ ಕ್ರಿಸ್‍ಮಸ್ ಹಬ್ಬದಂದು ನೀಬೋನ್ ಜೊತೆಯಿರುವ ಫೋಟೋವನ್ನು ಇಲಿಯಾನಾ ಇನ್ ಸ್ಟಾಗ್ರಾಂನಲ್ಲಿ `ಹಬ್ಬಿ’ ಎಂದು ಬರೆದು ಪೋಸ್ಟ್ ಮಾಡಿದ್ದರು. ಇದಾದ ಬಳಿಕ ಇಲಿಯಾನಾ ತಮ್ಮ ಇನ್‍ಸ್ಟಾ ಪೋಸ್ಟ್‍ನಲ್ಲಿ ಗೆಳೆಯನಿಗೆ ‘ಪತಿ’ ಎಂದು ಬರೆದು ಟ್ಯಾಗ್ ಮಾಡುತ್ತಿದ್ದರು.
