ಬಾಲಿವುಡ್ ನಟ, ನಿರ್ಮಾಪಕ ಕಮಾಲ್ ಖಾನ್ (Kamal Khan) ಅವರನ್ನು ಜೈಲಿನಲ್ಲೇ ಕೊಲ್ಲಲು ಪ್ಲ್ಯಾನ್ ಮಾಡಲಾಗಿತ್ತು ಎಂದು ಕಮಾಲ್ ಪುತ್ರ ಫೈಸಲ್ ಕಮಾಲ್ ಗಂಭೀರ ಆರೋಪ ಮಾಡಿದ್ದಾರೆ. ಲಂಡನ್ ನಿಂದಲೇ ಅಪ್ಪನ ಟ್ವಿಟರ್ ಖಾತೆಯ ಮೂಲಕ ಟ್ವಿಟ್ ಮಾಡಿರುವ ಪುತ್ರ ಫೈಸಲ್, ತಮ್ಮ ತಂದೆಯ ರಕ್ಷಣೆಗೆ ಬರುವಂತೆ ಹಲವು ನಟರನ್ನೂ ಕೇಳಿಕೊಂಡಿದ್ದಾರೆ. ಅಪ್ಪನ ಹತ್ಯೆ ಮಾಡಲು ಮುಂಬೈನಲ್ಲಿ ಭಾರೀ ಸಂಚು ನಡೆದಿರುವ ಕುರಿತೂ ಅವರು ಹೇಳಿದ್ದಾರೆ.
ಕಮಾಲ್ ರಷಿದ್ ಕುಮಾರ್ ಟ್ವಿಟರ್ ಖಾತೆಯಿಂದ ಪುತ್ರ ಫೈಸಲ್ (Faisal Khan) ಈ ಸಂದೇಶವನ್ನು ಬರೆದಿದ್ದು, ನನ್ನ ತಂದೆಯನ್ನು ಮುಂಬೈನಲ್ಲಿ ಕೊಲ್ಲಲು ಟಾರ್ಚರ್ ಮಾಡಲಾಗುತ್ತಿದೆ. ನಾನು ಲಂಡನ್ ನಲ್ಲಿ (London) ಇರುವೆ. ಅಪ್ಪನನ್ನು ಹೇಗೆ ಉಳಿಸಿಕೊಳ್ಳಬೇಕು ಅಂತ ಗೊತ್ತಾಗುತ್ತಿಲ್ಲ. ನನ್ನ ತಂದೆಗೆ ಏನಾದರೂ ಆದರೆ, ನಾನು ನನ್ನ ತಂಗಿ ಇಬ್ಬರೂ ಸಾಯಬೇಕಾಗುತ್ತದೆ. ಹಾಗಾಗಿ ನನ್ನ ತಂದೆಯನ್ನು ಉಳಿಸಿಕೊಡಿ, ಅವರಿಗೆ ಏನೂ ಆಗದಂತೆ ನೋಡಿಕೊಳ್ಳಿ’ ಎಂದು ಫೈಸಲ್ ಮನವಿ ಮಾಡಿದ್ದಾರೆ. ಇದನ್ನೂ ಓದಿ:‘ಈ ಶನಿವಾರ ನಿನ್ನ ಮನೆಗೆ ಕಳಿಸ್ತಾರೆ’ ಎಂದು ಗುರೂಜಿಗೆ ಭವಿಷ್ಯ ನುಡಿದ ಸೋನು ಶ್ರೀನಿವಾಸ್ ಗೌಡ
ಸಾಮಾಜಿಕ ಜಾಲತಾಣದಲ್ಲಿ ಹಲವರಿಗೆ ಅವಮಾನ ಮಾಡುತ್ತಲೇ ಬಂದಿರುವ ಕಮಾಲ್, ಇದೇ ಕಾರಣಕ್ಕಾಗಿ ಜೈಲು ಸೇರಿದ್ದಾರೆ. ಜೈಲಿನಲ್ಲಿರುವಾಗಲೇ ನಟಿಯೊಬ್ಬಳಿಗೆ ಲೈಂಗಿಕ ಕಿರುಕುಳ ಕೊಟ್ಟಿದ್ದಾರೆ ಎನ್ನುವ ಕಾರಣಕ್ಕಾಗಿ ಮತ್ತೆ ಅರೆಸ್ಟ್ ಆಗಿ ಜೈಲಿನಲ್ಲಿದ್ದರು (Jail) ಕಮಾಲ್. ಈ ವೇಳೆಯಲ್ಲಿ ಅಲ್ಲಿಯೇ ಅವರನ್ನು ಹತ್ಯೆ ಮಾಡುವ ಪ್ಲ್ಯಾನ್ ಆಗಿತ್ತಾ? ಈ ಕುರಿತು ಪೊಲೀಸ್ ಅಧಿಕಾರಿಗಳು ತನಿಖೆ ನಡೆಸಬೇಕು ಎಂದು ಅವರು ಕೋರಿದ್ದಾರೆ.
ತಮ್ಮ ತಂದೆಯ ರಕ್ಷಣೆಗೆ ಬರುವಂತೆ ದೇವೇಂದ್ರ ಫಡ್ನಿಸ್ (Devendra Fadnis), ಅಭಿಷೇಕ್ ಬಚ್ಚನ್ (Abhishek Bachchan), ರಿತೇಶ್ ದೇಶಮುಖ ಅವರಿಗೆ ಟ್ವಿಟರ್ ಮೂಲಕವೇ ಮನವಿ ಮಾಡಿರುವ ಫೈಸಲ್, ತಂದೆಗೆ ಏನಾದರೂ ತೊಂದರೆ ಆದರೆ, ತಂಗಿಯೊಂದಿಗೆ ತಾನೂ ಸಾಯಬೇಕಾಗುತ್ತದೆ ಎಂದು ತಿಳಿಸಿದ್ದಾರೆ. ತಮ್ಮ ತಂದೆಯ ಟ್ವಿಟರ್ ಖಾತೆಯಿಂದಲೇ ಇದೆಲ್ಲವನ್ನೂ ಅವರು ಬರೆದಿದ್ದಾರೆ.
