ತುಮಕೂರು: ಚೀಟಿ ವ್ಯವಹಾರದಲ್ಲಿ ಸುಮಾರು 18 ಕೋಟಿ ರೂ. ಮೋಸ ಮಾಡಿದ ಮಹಿಳೆಯ ಮನೆಗೆ ಮೋಸ ಹೋದವರು ನುಗ್ಗಿ ಮನೆಮಂದಿಗೆಲ್ಲಾ ತರಾಟೆ ತೆಗೆದುಕೊಂಡ ಘಟನೆ ತುಮಕೂರು ನಗರದ ವಿಜಯನಗರದಲ್ಲಿ ನಡೆದಿದೆ.
ನಿವೃತ್ತ ಅರಣ್ಯ ಇಲಾಖೆ ನೌಕರ ಪುಟ್ಟಣ್ಣ ಪತ್ನಿ ನಿರ್ಮಲಾ ಮೋಸ ಮಾಡಿದ ಮಹಿಳೆ. ಚೀಟಿ ಮಾಡುವ ನೆಪದಲ್ಲಿ ಸುಮಾರು 80 ಜನರಿಂದ 18 ಕೋಟಿಯಷ್ಟು ಹಣ ಸಂಗ್ರಹಿಸಿ ವಾಪಸ್ ಕೊಡದೇ ಮೋಸ ಮಾಡಿದ್ದಾಳೆ. ಕೇಳಲು ಹೋದಾಗ ಇಂದಲ್ಲಾ ನಾಳೆ ಬನ್ನಿ ಎಂದು ತಪ್ಪಿಸಿಕೊಳ್ಳುತಿದ್ದಳು.
ಮಂಗಳವಾರ ರಾತ್ರಿ ಮೋಸ ಹೋದ ಮಹಿಳೆಯರೆಲ್ಲಾ ಸೇರಿ ನಿರ್ಮಲಾ ಮನೆಗೆ ನುಗ್ಗಿ ಮನೆಯನೆಲ್ಲಾ ಶೋಧ ನಡೆಸಿದ್ದಾರೆ. ಎಲ್ಲಿಯೂ ನಿರ್ಮಲಾ ಪತ್ತೆಯಾಗಿಲ್ಲ. ಹೀಗಾಗಿ ನಿರ್ಮಲಾ ಪತಿ ಪುಟ್ಟಣ್ಣ ರನ್ನು ತರಾಟೆ ತೆಗೆದುಕೊಂಡಿದ್ದಾರೆ. ನಿರ್ಮಲಾ ಸಿಗದೇ ಇದ್ದುದರಿಂದ ಬರಿಗೈಯಲ್ಲಿ ವಾಪಸ್ ಆಗಿದ್ದಾರೆ.
