ಚಿತ್ರರಂಗದಲ್ಲಿ ಈ ಸದ್ದು ಸುದ್ದಿ ಎಲ್ಲಾ ಕನ್ನಡ ಸಿನಿಮಾಗಳದ್ದೇ. ಅದೇ ಹಾದಿಯಲ್ಲೀಗ ಕಿಚ್ಚ ಸುದೀಪ್ ನಟನೆಯ `ವಿಕ್ರಾಂತ್ ರೋಣ’ ಸಿನಿಮಾ ಕೂಡ ಸಾಗುತ್ತಿದೆ. ಇನ್ನು ಜಾಕ್ವೆಲಿನ್ ಫರ್ನಾಂಡೀಸ್‌ಗೆ ವಿಡಿಯೋ ಕರೆ ಮಾಡಿ ಮಾತನಾಡಿರುವ ಸುದೀಪ್, ನಟಿಯನ್ನು ಕನ್ನಡದಲ್ಲೇ ಮಾತನಾಡಿಸಿದ್ದಾರೆ. ಶ್ರೀಲಂಕಾ ಬ್ಯೂಟಿ ಜಾಕ್ವೆಲಿನ್ ಕೋರಿಕೆಯಂತೆ `ರಾ ರಾ ರಕ್ಕಮ್ಮ’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಸದ್ಯ ಕಿಚ್ಚನ ರೀಲ್ಸ್ ಸಖತ್ ವೈರಲ್ ಆಗುತ್ತಿದೆ.
ಕಿಚ್ಚನ ಸಿನಿಮಾ `ವಿಕ್ರಾಂತ್‌ರೋಣ’ ರಿಲೀಸ್‌ಗೆ ಹತ್ತಿರ ಬರುತ್ತಿದ್ದಂತೆ ಒಂದಲ್ಲಾ ಒಂದು ವಿಚಾರವಾಗಿ ಈ ಚಿತ್ರ ಸೌಂಡ್ ಮಾಡುತ್ತಿದೆ. ಇಷ್ಟುದಿನವಾದ್ರೂ ಯಾವುದೇ ರೀಲ್ಸ್ ಮಾಡಿರಲಿಲ್ಲ ಸುದೀಪ್, ಆದರೆ ಇದೀಗ ಜಾಕ್ವಲೀನ್ ಕೋರಿಕೆಗೆ ಮಣಿದು `ರಾ ರಾ ರಕ್ಕಮ್ಮ’ ಸಾಂಗ್‌ಗೆ ರೀಲ್ಸ್ ಮಾಡಿದ್ದಾರೆ. ರಕ್ಕಮ್ಮ ಹಾಡಿಗೆ ಕಿಚ್ಚ ಜಬರ್‌ದಸ್ತ್ ಆಗಿ ಡ್ಯಾನ್ಸ್ ಮಾಡಿದ್ದಾರೆ. ಕಿಚ್ಚನ ಫಸ್ಟ್ ರೀಲ್ ಗೆ ಫ್ಯಾನ್ಸ್ ಪಿಧಾ ಆಗಿದ್ದಾರೆ.
ಇನ್ನು ಜಾಕ್ವೆಲಿನ್‌ಗೆ ವಿಡಿಯೋ ಕರೆ ಮಾಡಿ ಮಾತನಾಡಿರುವ ಕಿಚ್ಚ, ನಟಿಗೆ ಕನ್ನಡದಲ್ಲಿ ಮಾತನಾಡುವ ಸವಾಲನ್ನ ಕೊಟ್ಟಿದ್ದರು. ಕಿಚ್ಚನಿಗೆ ಪ್ರತಿಸವಾಲಾಗಿ `ರಾ ರಾ ರಕ್ಕಮ್ಮ’ ಹಾಡಿಗೆ ರೀಲ್ಸ್ ಮಾಡಿದ್ದಾರೆ.
View this post on Instagram
ಕರ್ನಾಟಕದ ನನ್ನ ಎಲ್ಲಾ ಸ್ನೇಹಿತರಿಗೆ ನನ್ನ ನಮಸ್ಕಾರಗಳು. ರಕ್ಕಮ್ಮ ಬೇಗ ಬರ್ತಾ ಇದೀನಿ ಅಂತಾ ಹೇಳುವಂತೆ ಸುದೀಪ್, ನಟಿಗೆ ಹೇಳಿದ್ದರು. ನಂತರ ಸುದೀಪ್ ಸವಾಲಿನಂತೆ ಫಟ್ ಅಂತಾ ಜಾಕ್ವೆಲಿನ್ ಕೂಡ ಕನ್ನಡದಲ್ಲೇ ಮಾತನಾಡಿದ್ದಾರೆ. ಸದ್ಯ ಶ್ರೀಲಂಕಾ ಬ್ಯೂಟಿ ಜಾಕ್ವೆಲಿನ್ ಕನ್ನಡದ ಪ್ರೇಮಕ್ಕೆ ಮತ್ತು ಕಿಚ್ಚನ ರೀಲ್ಸ್ ನೋಡಿ ಅಭಿಮಾನಿಗಳು ಮೆಚ್ಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ಫಿಲ್ಮ್ ಚೇಂಬರ್ ನಲ್ಲಿ ಅಕ್ರಮ : ಬಾಂಬ್ ಸಿಡಿಸಿದ ರಾಜೇಂದ್ರ ಸಿಂಗ್ ಬಾಬು
View this post on Instagram
ಚಿತ್ರದ ಟೀಸರ್ ಮತ್ತು `ರಾ ರಾ ರಕ್ಕಮ್ಮ’ ಹಾಡಿನ ಮೂಲಕ ಗಮನ ಸೆಳೆದಿರೋ `ವಿಕ್ರಾಂತ್ ರೋಣ’ ಚಿತ್ರ ಜುಲೈ 28ಕ್ಕೆ ಬಹುಭಾಷೆಗಳಲ್ಲಿ ತೆರೆ ಕಾಣುತ್ತಿದೆ. ಸಿನಿಮಾಗಾಗಿ ಫ್ಯಾನ್ಸ್ ಕಾಯ್ತಿದ್ದಾರೆ.
