ಜಗ್ಗೇಶ್ ಮತ್ತು ಸಂತೋಷ್ ಆನಂದ್ ರಾಮ್ ಕಾಂಬಿನೇಷನ್ ನ `ರಾಘವೇಂದ್ರ ಸ್ಟೊರ‍್ಸ್’ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದೆ. ತಮ್ಮ ಪಾಲಿನ ಡಬ್ಬಿಂಗ್ ಕೂಡ ಜಗ್ಗೇಶ್ ಮುಗಿಸಿದ್ದಾರೆ. ಕಳೆದ ತಿಂಗಳು ಜಗ್ಗೇಶ್ ಹುಟ್ಟು ಹಬ್ಬದಂದು ಸಿನಿಮಾ ಟೀಮ್ ವಿಶೇಷವಾದ ಪೋಸ್ಟರ್ ವೊಂದನ್ನು ಬಿಡುಗಡೆ ಮಾಡಿದ್ದರು. ಇದೀಗ ಟೀಸರ್ ಅನ್ನು ರಿಲೀಸ್ ಮಾಡುವ ಪ್ಲ್ಯಾನ್‌ ಮಾಡಿದ್ದಾರಂತೆ ನಿರ್ಮಾಪಕ ವಿಜಯ್ ಕಿರಗಂದೂರು.
ಹೊಂಬಾಳೆ ಫಿಲ್ಮ್ಸ್‌ಂ ಬ್ಯಾನರ್‌ನಲ್ಲಿ ಮೂಡಿ ಬರುತ್ತಿರುವ ಮೊದಲ ಸಿನಿಮಾವಿದು. ಹೊಂಬಾಳೆ ಅವರ 12ನೇ ಸಿನಿಮಾ. ಜಗ್ಗೇಶ್ ಮತ್ತು ಸಂತೋಷ್ ಆನಂದ್ ರಾಮ್ ಕಾಂಬಿನೇಷನ್‌ನ ಮೊದಲ ಚಿತ್ರ. ಹೀಗಾಗಿ ಸಿನಿಮಾದ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ. ಜಗ್ಗೇಶ್ ನಟಿಸಿದ ಸಿನಿಮಾಗಳ ಜಾನರ್ ಮತ್ತು ಸಂತೋಷ್ ಆನಂದ್ ರಾಮ್ ಅವರ ಈವರೆಗಿನ ಸಿನಿಮಾಗಳು ಒಂದಕ್ಕೊಂದು ತದ್ವಿರುದ್ಧ. ಹಾಗಾಗಿ ʻರಾಘವೇಂದ್ರ ಸ್ಟೋರ್ʼ ಸಿನಿಮಾ ಹೇಗೆ ಇರಲಿದೆ ಎನ್ನುವ ಕುತೂಹಲ ಅಭಿಮಾನಿಗಳದ್ದು.
ವಿಜಯ್ ಕಿರಗಂದೂರು ನಿರ್ಮಾಣದ `ರಾಘವೆಂದ್ರ ಸ್ಟೊರ‍್ಸ್’ 12ನೇ ಸಿನಿಮಾವಾಗಿದ್ದು, ಭಿನ್ನ ಕಥೆಯ ಮೂಲಕ ನಟ ಜಗ್ಗೇಶ್ ಕಾಣಿಸಿಕೊಂಡಿದ್ದಾರೆ. ಒಂದು ಹೋಟೆಲ್ ಸುತ್ತ ಹೆಣದಿರುವ ಈ ಕಥೆಯಲ್ಲಿ ಜಗ್ಗೇಶ್ ಅಡುಗೆ ಮಾಡುವ ಬಾಣಸಿಗನ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸದ್ಯ ಜಗ್ಗೇಶ್‌ರವರ ಬಾಣಸಿಗನ ಪಾತ್ರದ ಲುಕ್ ರಿವೀಲ್ ಆಗಿ, ಸೋಷಿಯಲ್ ಮೀಡಿಯಾ ತುಂಬೆಲ್ಲಾ ವೈರಲ್ ಆಗಿತ್ತು.
ʻರಾಜಕುಮಾರʼ, ʻಯುವರತ್ನʼ ಖ್ಯಾತಿಯ ನಿರ್ದೇಶಕ ಸಂತೋಷ್ ಆನಂದ್‌ರಾಮ್ `ರಾಘವೆಂದ್ರ ಸ್ಟೋರ‍್ಸ್ʼ ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ. ನವರಸ ನಾಯಕ ಜಗ್ಗೇಶ್‌ಗೆ ಜೋಡಿಯಾಗಿ ಶ್ವೇತಾ ಶ್ರೀವಾಸ್ತವ್ ಕಾಣಿಸಿಕೊಂಡಿದ್ದಾರೆ.ಇದನ್ನು ಓದಿ:ಡ್ರಾಮಾ ಕ್ವೀನ್ ಭಾರತಿ ಸಿಂಗ್ ಗಂಡನಿಗೆ 6 ಮಕ್ಕಳು ಬೇಕಂತೆ : ಹೆರಿಗೆ ನೋವಿನ ಕ್ಷಣಗಳನ್ನು ಹಂಚಿಕೊಂಡ ಹಾಸ್ಯ ಕಲಾವಿದೆ
`ರಾಘವೇಂದ್ರ ಸ್ಟೋರ‍್ಸ್’ ಚಿತ್ರದಲ್ಲಿ ನಾಯಕಿ ಶ್ವೇತಾ ಕೂಡ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಈಗಾಗಲೇ ಚಿತ್ರದ ಶೂಟಿಂಗ್ ಮುಗಿದಿದ್ದು, ಜಗ್ಗೇಶ್ ನಟನೆಯ ಬಹುನಿರೀಕ್ಷಿತ `ರಾಘವೆಂದ್ರ ಸ್ಟೋರ‍್ಸ್’ ಚಿತ್ರ ರಿಲೀಸ್ ಡೇಟ್‌ನ್ನ ಚಿತ್ರತಂಡ ಸದ್ಯದಲ್ಲೇ ಅನೌನ್ಸ್ ಮಾಡಲಿದ್ದಾರೆ. ಸದ್ಯ ಚಿತ್ರದ ಜಗ್ಗೇಶ್ ಅವರ ನ್ಯೂ ಲುಕ್ ನೋಡಿ ಅಭಿಮಾನಿಗಳು ಖುಷಿಪಡ್ತಿದ್ದಾರೆ.
