ಕಾರವಾರ: ಗೋವಾ ಮೂಲಕ ಅಕ್ರಮವಾಗಿ ಮದ್ಯ ಸಾಗಿಸುತಿದ್ದ ವಾಹನವನ್ನು ಕಾರವಾರ ನಗರ ಪೊಲೀಸರು ಜಪ್ತಿ ಮಾಡಿದ್ದು, ವಾಹನದಲ್ಲಿದ್ದ ಒಟ್ಟು ಅಂದಾಜು 76,080 ರೂ.ಗಳ ದಾಖಲೆ ರಹಿತ ಗೋವಾ ಮದ್ಯವನ್ನು ವಶಕ್ಕೆ ಪಡೆದಿದ್ದಾರೆ.
ಆಟೋದಲ್ಲಿ ಮದ್ಯ ತುಂಬಿಕೊಂಡು ಹೋಗುತ್ತಿರುವಾಗ ಕಾರವಾರ ಶಹರ ಠಾಣಾ ವ್ಯಾಪ್ತಿಯ ಚಂದ್ರ ದೇವಿವಾಡ ಹಿರೇಶಿಟ್ಟಾ ಬಾಡದ ಬಳಿ ಪೊಲೀಸರು ದಾಳಿ ನಡೆಸಿ, ಮದ್ಯವನ್ನು ವಶಕ್ಕೆ ಪಡೆದಿದ್ದಾರೆ. ದಾಳಿ ವೇಳೆ ಆರೋಪಿ ವಾಹನವನ್ನು ಸ್ಥಳದಲ್ಲೇ ಬಿಟ್ಟು ಪರಾರಿಯಾಗಿದ್ದಾನೆ. ಕಾರವಾರದ ಹಿರೇಶಿಟ್ಟಾ ಬಾಡದ ನಿವಾಸಿ ಶ್ರೀಪಾದ್ ಪರಾರಿಯಾದ ಆರೋಪಿಯಾಗಿದ್ದಾನೆ.
ಖಚಿತ ಮಾಹಿತಿ ಮೇರೆಗೆ ಸಿಪಿಐ ಸಂತೋಷ್ ಶಟ್ಟಿ ಮಾರ್ಗದರ್ಶನದಲ್ಲಿ ಪಿಎಸ್‍ಐ ಸಂತೋಷ್ ಕುಮಾರ್.ಎಮ್ ಹಾಗೂ ಡಿ.ವೈಎಸ್.ಪಿ ಅರವಿಂದ್ ಕಲ್ಲಗುಜ್ಜಿ ದಾಳಿ ನಡೆಸಿದ್ದಾರೆ. ಘಟನೆ ಸಂಬಂಧ ಕಾರವಾರ ಶಹರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
