ಮುಂಬೈ: ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಸೀಕ್ರೆಟ್ ಮೋಹಕ ಬೆಡಗಿ ಮಾಧುರಿ ದೀಕ್ಷಿತ್ ರಿವೀಲ್ ಮಾಡಿದ್ದಾರೆ.
ಅಕ್ಷಯ್ ಕುಮಾರ್ ಮತ್ತು ಮಾಧುರಿ ದೀಕ್ಷಿತ್ ಬಾಲಿವುಡ್ ಅಂಗಳದ ಪ್ರತಿಭಾನ್ವಿತ ಕಲಾವಿದರು. ಇಬ್ಬರು ಜೊತೆಯಾಗಿ ಆರಜೂ ಮತ್ತು ದಿಲ್ ತೋ ಪಾಗಲ್ ಹೈ ಸಿನಿಮಾದಲ್ಲಿ ಮಾತ್ರ ನಟಿಸಿದ್ದಾರೆ. ಇಬ್ಬರ ನಡುವಿನ ಸ್ನೇಹ ಇಂದಿಗೂ ಇದೆ. ಸಂದರ್ಶನದಲ್ಲಿ ಮಾತನಾಡಿದ್ದ ಮಾಧುರಿ ದೀಕ್ಷಿತ್ ಯಾರಿಗೂ ಗೊತ್ತಿರದ ಅಕ್ಷಯ್ ಕುಮಾರ್ ಸೀಕ್ರೆಟ್ ಎಲ್ಲರ ಮುಂದೆ ರಿವೀಲ್ ಮಾಡಿದ್ದರು.
ಅಕ್ಷಯ್ ಕುಮಾರ್ ಜೊತೆಯಲ್ಲಿದ್ದವರ ವಾಚ್ ಕದಿಯುತ್ತಾರೆ. ಎಲ್ಲರ ಜೊತೆಯಲ್ಲಿದ್ದಾಗಲೇ ಗಡಿಯಾರ ತೆಗೆದುಕೊಂಡಿರುತ್ತಾರೆ. ಆದ್ರೆ ಈ ವಿಷಯ ಯಾರಿಗೂ ಗೊತ್ತಾಗಿರಲಿಲ್ಲ. ಕೊನೆಗೆ ಅಕ್ಷಯ್ ಹೇಳಿದಾಗಲೇ ನಮ್ಮ ಗಡಿಯಾರ ಮಿಸ್ ಆಗಿರೋದು ಗೊತ್ತಾಗುತ್ತೆ ಎಂದು ಹೇಳಿದ್ದರು. ಇದೇ ಮಾತನ್ನು ರಿಯಾಲಿಟಿ ಶೋ ವೇದಿಕೆಯಲ್ಲಿ ಹೇಳಿ ಅಕ್ಷಯ್ ಕಾಲೆಳೆದಿದ್ದರು.
ಲಾಕ್‍ಡೌನ್ ಹಿನ್ನೆಲೆಯಲ್ಲಿ ಅಕ್ಷಯ್ ಮತ್ತು ಮಾಧುರಿ ತಮ್ಮ ಕುಟುಂಬಗಳ ಜೊತೆ ಸಮಯ ಕಳೆಯುತ್ತಿದ್ದಾರೆ. ಅಕ್ಷಯ್ ಕುಮಾರ್ ನಟನೆಯ ಸೂರ್ಯವಂಶಿ ತೆರೆ ಕಾಣಲು ಸಿದ್ಧವಾಗಿದೆ. ಬೆಲ್ ಬಾಟಂ ಸಿನಿಮಾ ಸೆಟ್ಟೇರಿದ್ದು, ಲಂಡನ್ ನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ.
