ಬೆಂಗಳೂರು: ಸಾಮಾನ್ಯವಾಗಿ ನಾವು ರೆಸ್ಟೋರೆಂಟ್‍ಗಳಿಗೆ ಹೋದ್ರೆ ನಾರ್ಥ್ ಇಂಡಿಯನ್, ಸೌತ್ ಇಂಡಿಯನ್, ರಾಜಸ್ಥಾನಿ, ಗುಜರಾತಿ ಥಾಲಿಗಳ ಬಗ್ಗೆ ಕೇಳಿರುತ್ತೇವೆ. ಬಾಯಿ ಚಪ್ಪರಿಸಿಕೊಂಡು ತಿದ್ದಿರುತ್ತೇವೆ. ಆದರೆ ಜಯನಗರದ ಖಾಸಗಿ ಹೋಟೆಲ್‍ವೊಂದರಲ್ಲಿ ಐಸ್ ಕ್ರೀಂ ಥಾಲಿಯೊಂದನ್ನು ತಯಾರಿಸಿ ಪರಿಚಯಿಸಲಾಗುತ್ತಿದೆ.
ಸುಮಾರು 10 ಬಗೆ ಬಗೆಯ ಐಸ್ ಕ್ರೀಮ್ ಫ್ಲೇವರ್ ಗಳು ಹಾಗೂ ಒಂದು ಬೌಲ್ ಪೂರ್ತಿ ಹಣ್ಣುಗಳ ಜೊತೆ ಇದನ್ನು ಸರ್ವ್ ಮಾಡಲಾಗುತ್ತೆದೆ. ಈ ಥಾಲಿ ಐಸ್ ಕ್ರೀಂನಲ್ಲಿ ಸಾವಯವ ರೀತಿಯಲ್ಲಿ ಬೆಳೆಸಿದ ಬೆರ್ರಿ ಸೇರಿದಂತೆ ವೆನಿಲ್ಲಾ, ಸ್ಟ್ರಾಬೆರಿ, ಚಾಕೊಲೇಟ್, ಪಿಸ್ತಾ, ಮ್ಯಾಂಗೋ, ಬಟರ್ ಸ್ಕಾಚ್, ಬ್ಲಾಕ್ ಕರೆಂಟ್ ಮತ್ತು ಅರೇಬಿಯನ್ ಡಿಲೈಟ್ ಐಸ್ ಕ್ರೀಂಗಳನ್ನು ಥಾಲಿಯಲ್ಲಿ ನೀಡಲಾಗುತ್ತದೆ. ಪ್ರತೀ ಫ್ಲೇವರ್ ನಲ್ಲೂ ಕೂಡ ಆಯಾ ಹಣ್ಣಿನ ತುಣುಕುಗಳು ಸಿಗುತ್ತವೆ. ಒಂದು ಐಸ್ ಕ್ರೀಂ ಥಾಲಿ 350 ರೂಪಾಯಿಗೆ ಸಿಗುತ್ತದೆ.
ಒಟ್ಟಾರೆ ಮನೆ ಮಂದಿಯಲ್ಲಾ ಊಟಕ್ಕೆ ಹೋದಾಗ ಒಬ್ಬೊಬ್ಬರು ಒಂದೊಂದು ಐಸ್ ಕ್ರೀಮ್ ಆರ್ಡರ್ ಮಾಡುವ ಬದಲು, ಡಿಫರೆಂಟ್ ಟೇಸ್ಟಿ ಮತ್ತು ಟ್ರೆಂಡಿ ಥಾಲಿ ಐಸ್ ಕ್ರೀಂಗಳನ್ನು ಸವಿಯಬಹುದು.
