ಹೈದರಾಬಾದ್: ಪಶು ವೈದ್ಯೆ ಅತ್ಯಾಚಾರ, ಕೊಲೆ ಪ್ರಕರಣ ಮಾಸುವ ಮುನ್ನವೇ ಹೈದರಾಬಾದಿನಲ್ಲಿ ಮತ್ತೊಂದು ಅತ್ಯಾಚಾರ ಪ್ರಕರಣ ನಡೆದಿದ್ದು, 18 ವರ್ಷದ ಯುವತಿ ಮೇಲೆ ಆಟೋ ಚಾಲಕ ಅತ್ಯಾಚಾರ ಎಸಗಿದ್ದಾನೆ.
ನಗರದ ಚಂದ್ರಯಂಗುಟ್ಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಡಿಸೆಂಬರ್ 8ರಂದು ಪ್ರಕರಣ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಯುವತಿ ಹಾಗೂ 10 ವರ್ಷದ ಸಹೋದರಿ ಇಬ್ಬರೂ ಡಿಸೆಂಬರ್ 8ರ ರಾತ್ರಿ ತಮ್ಮ ಮನೆಯಿಂದ ಅಜ್ಜಿ ಮನೆಗೆ ತೆರಳುವಾಗ ದಾರಿ ತಪ್ಪಿದ್ದಾರೆ. ಆಟೋರಿಕ್ಷಾ ಚಾಲಕನಾಗಿದ್ದ ವ್ಯಕ್ತಿಯ ಹಿರಿಯ ಸಹೋದರ ಹುಡುಗಿಯರನ್ನು ಗುರುತಿಸಿ ಮನೆಗೆ ಕರೆದೊಯ್ದಿದ್ದಾನೆ. ಇದನ್ನು ಕಂಡ ಆರೋಪಿಗಳ ತಾಯಿ, ಮಕ್ಕಳನ್ನು ಅವರ ಮನೆಗೆ ಬಿಡುವಂತೆ ಕಿರಿಯ ಮಗನಿಗೆ ಹೇಳಿದ್ದಾರೆ. ಆದರೆ ಕಾಮುಕ ಯುವತಿಯನ್ನು ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸರು ವಿವರಿಸಿದ್ದಾರೆ. ಇದನ್ನೂ ಓದಿ: ಪಶುವೈದ್ಯೆ ಅತ್ಯಾಚಾರ, ಕೊಲೆ ಪ್ರಕರಣ- ಅತ್ಯಾಚಾರಿಗಳನ್ನು ಎನ್‍ಕೌಂಟರ್ ಮಾಡಿದ ಪೊಲೀಸರು
ವ್ಯಕ್ತಿ ನಾಂಪಲ್ಲಿಯ ಪ್ರದೇಶದ ಲಾಡ್ಜಿಗೆ ಇಬ್ಬರೂ ಹುಡುಗಿಯರನ್ನು ಕರೆದೊಯ್ದಿದ್ದಾನೆ. ಕಿರಿಯ ಸಹೋದರಿ ನಿದ್ದೆ ಮಾಡುತ್ತಿದ್ದು, ಅವಳನ್ನು ಬಿಟ್ಟು 18 ವರ್ಷದ ಯುವತಿಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ಮರುದಿನ ಇಬ್ಬರನ್ನೂ ಫಲಕ್ನುಮಾ ರೈಲು ನಿಲ್ದಾಣದ ಬಳಿ ಇಳಿಸಿ ಪರಾರಿಯಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇದನ್ನೂ ಓದಿ: ಕಾಮುಕರ ಹುಟ್ಟಡಗಿಸಿದ ವೀರ ಕನ್ನಡಿಗ – ಎನ್‌ಕೌಂಟರ್‌ಗೆ ವಿಶ್ವನಾಥ್ ಸಜ್ಜನರ್ ನೇತೃತ್ವ
ನಂತರ ಹುಡುಗಿಯರು ತಮ್ಮ ಸಂಬಂಧಿಕರಿಗೆ ಕರೆ ಮಾಡುವಲ್ಲಿ ಯಶಸ್ವಿಯಾಗಿದ್ದು, ಮತ್ತೆ ಕುಟುಂಬದವರನ್ನು ಸೇರಿದ್ದಾರೆ.
ಈ ಕುರಿತು ಹುಡುಗಿಯರು ಕುಟುಂಬಸ್ಥರಿಗೆ ತಿಳಿಸಿದ್ದು, ಸಂಬಂಧಿಕರು ದೂರು ದಾಖಲಿಸಿದ್ದಾರೆ. ನಂತರ ಆಟೋ ಚಾಲಕ ಹಾಗೂ ಆತನ ಸಹೋದರನ ವಿರುದ್ಧ ಐಪಿಸಿ ಸೆಕ್ಷನ್‍ನ ಸಂಬಂಧಿಸಿದ ವಿಭಾಗಗಳಡಿ ಪ್ರಕರಣ ದಾಖಲಿಸಲಾಗಿದೆ. ಪರಾರಿಯಾಗಿರುವ ಸಹೋದರರ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ. ಬಾಲಕಿಯರು ತಮ್ಮ ಅಜ್ಜಿ ಮನೆಗೆ ತಲುಪದ್ದನ್ನು ಕಂಡು ಕುಟುಂಬಸ್ಥರು ಮಕ್ಕಳು ಕಾಣೆಯಾಗಿರುವ ಕುರಿತು ಇದಕ್ಕೂ ಮೊದಲು ದೂರು ದಾಖಲಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಇದನ್ನೂ ಓದಿ: ಎನ್‍ಕೌಂಟರ್ ‘ಯೋಜಿತ ಕೊಲೆ’, ಅಂಗಾಂಗಳ ಮೇಲೆ ಶೂಟ್ ಮಾಡಿದ್ದು ಯಾಕೆ – 4 ಪ್ರಶ್ನೆ ಮುಂದಿಟ್ಟ ಮಾನವಹಕ್ಕುಗಳ ಸಂಸ್ಥೆ
ಹೈದರಾಬಾದ್‍ನ ಶಂಶಾಬಾದ್ ಔಟರ್ ರಿಂಗ್‍ರೋಡ್‍ನಲ್ಲಿ ನವೆಂಬರ್ 27ರಂದು 26 ವರ್ಷದ ಪಶುವೈದ್ಯೆಯ ಸ್ಕೂಟಿ ಪಂಕ್ಚರ್ ಮಾಡಿ, ಸಹಾಯದ ನೆಪದಲ್ಲಿ ಬಂದು, ಕಿಡ್ನಾಪ್ ಮಾಡಿ, ವಿಸ್ಕಿ ಕುಡಿಸಿ, ಮೃಗೀಯವಾಗಿ ಅತ್ಯಾಚಾರಗೈದು, ಸಜೀವ ದಹನ ಮಾಡಿದ್ದರು. ಈ ಪ್ರಕರಣದ ತನಿಖೆ ನಡೆಸಲು ಕೊಲೆ ಎಸಗಿದ ಜಾಗಕ್ಕೆ ಕರೆತಂದಾಗ ಪರಾರಿಯಾಗಲು ಯತ್ನಿಸಿದ್ದಕ್ಕೆ ನಾಲ್ವರು ರೇಪಿಸ್ಟ್ ಗಳಾದ ಮೊಹಮದ್ ಆರಿಫ್(26), ಜೊಲ್ಲು ಶಿವ(20), ಜೊಲ್ಲು ನವೀನ್(20) ಮತ್ತು ಚನ್ನಕೇಶವುಲು(20)ನನ್ನು ಪೊಲೀಸರು ಎನ್‍ಕೌಂಟರ್ ಮಾಡಿ ಹತ್ಯೆ ಮಾಡಿದ್ದರು.
