ಇವತ್ತು ಸಂಡೇ, ಸಾಮಾನ್ಯವಾಗಿ ಬಹುತೇಕ ಮಂದಿ ವೀಕೆಂಡ್ ಮುಗಿಸಿ, ಕೆಲಸದ ಒತ್ತಡ ಬಿಟ್ಟು ಇಂದು ರಿಲ್ಯಾಕ್ಸ್ ಮೂಡ್‌ನಲ್ಲಿ ಇರುತ್ತಾರೆ. ಎಲ್ಲರೂ ಮನೆಯಲ್ಲಿದ್ದಾರೆ ಇವತ್ತೇನಾದರು ಸ್ಪೆಷಲ್ ತಿಂಡಿ ಮಾಡೋಣ ಅಂತ ಅಂದುಕೊಂಡವರಿಗೆ ಯಾವ ತಿಂಡಿ ಮಾಡೋಣ ಎಂದು ಕನ್‌ಫ್ಯೂಸ್ ಕೂಡ ಇರತ್ತದೆ. ಹೀಗಾಗಿ ಮನೆಯಲ್ಲಿ ಸುಲಭವಾಗಿ ಸ್ಪೆಷಲ್ ಮಸಾಲೆ ತ್ರಿಪಲ್ ದೋಸೆ ಮಾಡಿ ಸವಿದು ರಜಾ ದಿನವನ್ನು ಎಂಜಾಯ್ ಮಾಡಿ.
ಬೇಕಾದ ಸಾಮಾಗ್ರಿಗಳು
* ಅಕ್ಕಿ ಹಿಟ್ಟು – ಒಂದು ಸಣ್ಣ ಬಟ್ಟಲು
* ಗೋಧಿ ಹಿಟ್ಟು – ಒಂದು ಸಣ್ಣ ಬಟ್ಟಲು
* ರಾಗಿ ಹಿಟ್ಟು – ಒಂದು ಸಣ್ಣ ಬಟ್ಟಲು
* ಮೀಡಿಯಂ ರವೆ – 3-4 ಸ್ಪೂನ್
* ಈರುಳ್ಳಿ- ಮಿಡಿಯಂ ಸೈಜ್
* ಬೆಳ್ಳುಳ್ಳಿ, ಶುಂಠಿ ಪೇಸ್ಟ್ – ಅರ್ಧ ಚಮಚ
* ಚಕ್ಕೆ, ಲವಂಗ – 1-2
* ಹಸಿ ಮೆಣಸಿನಕಾಯಿ – ಖಾರಕ್ಕೆ ತಕ್ಕಷ್ಟು
* ಅರಿಶಿನ – ಚಿಟಿಕೆ
* ಕ್ಯಾರೆಟ್ ತುರಿ – ಅರ್ಧ ಬಟ್ಟಲು
* ಕಾಯಿ ತುರಿ – ಅರ್ಧ ಬಟ್ಟಲು
* ಕೊತ್ತಂಬರಿ – ಸಣ್ಣಗೆ ಹೆಚ್ಚಿದ್ದು
* ಉಪ್ಪು
* ಎಣ್ಣೆ
* ಜೀರಿಗೆ
ಮಾಡುವ ವಿಧಾನ
* ಮೊದಲು ಒಂದು ಮಿಕ್ಸಿ ಜಾರ್‌ಗೆ ಸಮ ಪ್ರಮಾಣದಲ್ಲಿ ಅಕ್ಕಿ ಹಿಟ್ಟು, ಗೋಧಿ ಹಿಟ್ಟು, ರಾಗಿ ಹಿಟ್ಟು ಹಾಕಿ ಸ್ವಲ್ಪ ಸ್ವಲ್ಪ ನೀರು ಹಾಕು ನುಣ್ಣಗೆ ರುಬ್ಬಿಕೊಳ್ಳಿ.
* ಬಳಿಕ ರುಬ್ಬಿದ ಮಿಶ್ರಣವನ್ನು ಒಂದು ಬೌಲ್‌ಗೆ ಹಾಕಿಕೊಳ್ಳಿ.
* ಆ ನಂತರ ಹಿಟ್ಟು ರುಬ್ಬಿಕೊಂಡ ಜಾರ್‌ಗೆ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಪೇಸ್ಟ್, ಚಕ್ಕೆ ಲವಂಗ, ಹಸಿ ಮೆಣಸಿನಕಾಯಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. (ನೀರು ಹಾಕಬೇಡಿ, ಈರುಳ್ಳಿ ರುಬ್ಬುವಾಗ ನೀರು ಬಿಡುತ್ತೆ) ( ಬಾಯಿಗೆ ಸಿಗುವ ತರಹ ಇರಬೇಕೆಂದರೆ ಈರುಳ್ಳಿ, ಹಸಿ ಮೆಣಸಿನಕಾಯಿಯನ್ನು ಸಣ್ಣಗೆ ಹೆಚ್ಚಿ ಹಾಕಬಹುದು)
* ರುಬ್ಬಿದ ಮಿಶ್ರಣ ಇರುವ ಬೌಲ್‌ಗೆ ಮಸಾಲೆ ಮಿಶ್ರಣ ಹಾಕಿ, ಜೊತೆಗೆ ರವೆ, ಕ್ಯಾರೆಟ್ ತುರಿ, ಅರಿಶಿನ, ಕೊತ್ತಂಬರಿ ಸೊಪ್ಪು, ಜೀರಿಗೆ, ಸೇರಿಸಿ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ದೋಸೆ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.
* ಕಲಸಿಟ್ಟುಕೊಂಡ ಹಿಟ್ಟನ್ನು 15 ರಿಂದ 30 ನಿಮಿಷ ನೆನೆಯಲು ಬಿಡಿ.
* ಬಳಿಕ ಕಾದ ತವದ ಮೇಲೆ ಸೌಟಿನಿಂದ ದೋಸೆ ಮಾಡಿ(ಆದರೆ ದೋಸೆ ರೀತಿ ಜೋರಾಗಿ ತಿರುಗಿಸಬೇಡಿ), ಎಣ್ಣೆ ಹಾಕಿ ಎರಡೂ ಕಡೆ ಬೇಯಿಸಿ.
ದೋಸೆ ತಯಾರಾದ ಬಳಿಕ ಅದನ್ನು ಪ್ಲೇಟ್‌ಗೆ ಹಾಕಿ ಬಿಸಿ ಇರುವಾಗಲೇ ಮೇಲೆ ತುಪ್ಪ ಹಾಕಿಕೊಂಡು ರುಚಿರುಚಿಯಾದ ಮಸಾಲೆ ತ್ರಿಪಲ್ ದೋಸೆ ಸವಿಯಿರಿ.
