ಮುಂಬೈ: ದೀಪಿಕಾಳಲ್ಲಿ ಮಗುವಿನಂತಹ ಮುಗ್ಧತೆ ಇದೆ. ಇದು ಕೇವಲ ನಾನು ಮಾತ್ರ ನೋಡಬಲ್ಲೆ ಎಂದು ಬಾಲಿವುಡ್ ನಟ ರಣ್‍ವೀರ್ ಸಿಂಗ್ ಹೇಳಿದ್ದಾರೆ.
ಇತ್ತೀಚೆಗೆ ರಣ್‍ವೀರ್ ಸಿಂಗ್ ಫೆಮಿನಾ ಮ್ಯಾಗಜೀನ್‍ಗೆ ಸಂದರ್ಶನ ನೀಡಿದ್ದರು. ಈ ವೇಳೆ ನೀವು ದೀಪಿಕಾ ಜೊತೆ ಜಗಳವಾಡುತ್ತೀರಾ ಎಂದು ಪ್ರಶ್ನೆ ಕೇಳಲಾಯಿತು. ಆಗ ರಣ್‍ವೀರ್ ಸಿಂಗ್, ನಾವಿಬ್ಬರು ಎಂದಿಗೂ ಜಗಳವಾಡುವುದಿಲ್ಲ. ನಮ್ಮಿಬ್ಬರ ಸಂಬಂಧ ಸಮಯದ ಜೊತೆ ಉತ್ತಮವಾಗುತ್ತೆ. ನಮ್ಮಿಬ್ಬರ ನಡುವೆ ಕೇವಲ ಪ್ರೀತಿ ಇದೆ. ಸಂಶಯಕ್ಕೆ ನಮ್ಮಿಬ್ಬರ ಮಧ್ಯೆ ಜಾಗ ಇಲ್ಲ. ನಾವಿಬ್ಬರು ತುಂಬಾ ಖುಷಿಯಾಗಿದ್ದೇವೆ. ನಾವಿಬ್ಬರು ನಮ್ಮ ಅನುಭವವನ್ನು ಹಂಚಿಕೊಂಡು ತುಂಬಾ ನಗುತ್ತೇವೆ ಎಂದರು.
ಬಳಿಕ ರಣ್‍ವೀರ್, ದೀಪಿಕಾ ಒಳಗೆ ಮಗುವಿನ ಮುಗ್ಧತೆ ಇದೆ. ಇದು ಕೇವಲ ನಾನು ನೋಡಬಹುದೇ ಹೊರತು ಯಾರು ನೋಡಲು ಸಾಧ್ಯವಿಲ್ಲ. ದೀಪಿಕಾ ನನ್ನ ಜೀವನದ ಮುಖ್ಯ ವ್ಯಕ್ತಿ ಎಂದು ಪತ್ನಿ ದೀಪಿಕಾ ಪಡುಕೋಣೆ ಅವರನ್ನು ಹೊಗಳಿದ್ದಾರೆ.
ಇತ್ತೀಚೆಗೆ ದೀಪಿಕಾ ತಮ್ಮ ಪತಿ ರಣ್‍ವೀರ್ ಅವರ 34ನೇ ಹುಟ್ಟುಹಬ್ಬವನ್ನು ಲಂಡನ್‍ನಲ್ಲಿ ಆಚರಿಸಿಕೊಂಡರು. ಈ ವೇಳೆ ದೀಪಿಕಾ, ರಣ್‍ವೀರ್ ಬಾಲ್ಯದಲ್ಲಿ ಐಸ್ ತಿನ್ನುತ್ತಿರುವ ಫೋಟೋವನ್ನು ಇನ್‍ಸ್ಟಾಗ್ರಾಂನಲ್ಲಿ ಹಾಕಿ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದರು. ಲಂಡನ್‍ನಲ್ಲಿ ದೀಪಿಕಾ ಹಾಗೂ ರಣ್‍ವೀರ್ ’83’ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರದ ಬಿಡುವಿನ ಸಮಯದಲ್ಲಿ ರಣ್‍ವೀರ್, ದೀಪಿಕಾ ಫೋಟೋವನ್ನು ಕ್ಲಿಕ್ಕಿಸಿ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
