ಮುಂಬೈ: ಪತ್ನಿ ಕರೀನಾ ಕಪೂರ್ ಖಾನ್ ಹಾಗೂ ಮಗ ತೈಮೂರ್ ನನಗೆ ಮುತ್ತು ನೀಡುತ್ತಿಲ್ಲ ಎಂದು ಅಭಿಮಾನಿಗಳಿಗೆ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ದೂರು ನೀಡಿದ್ದಾರೆ.
ಕಾರ್ಯಕ್ರಮವೊಂದರಲ್ಲಿ ಸೈಫ್ ಅಲಿ ಖಾನ್ ನನ್ನ ಪತ್ನಿ ಇನ್ನುಂದೆ ನನಗೆ ಮುತ್ತು ನೀಡುವುದಿಲ್ಲ ಎಂದು ಹೇಳಿದ್ದಾರೆ. ಇದನ್ನು ಕೇಳಿ ಅಲ್ಲಿದ್ದ ಅಭಿಮಾನಿಗಳು ಒಂದು ಕ್ಷಣ ದಂಗಾಗಿದ್ದಾರೆ.
ನಾನು ತೈಮೂರ್ ಗೆ ಒಂದು ಮುತ್ತು ನೀಡು ಎಂದು ಕೇಳಿದರೆ, ಆತ ನನ್ನ ಕೈಗೆ ಮತ್ತು ನೀಡುತ್ತಾನೆ. ಕೆನ್ನೆಗೆ ನೀಡು ಎಂದಾಗ ಆತ ಕೆನ್ನೆಗೆ ಮುತ್ತು ನೀಡುವ ರೀತಿ ನಾಟಕವಾಡುತ್ತಾನೆ. ಅಲ್ಲದೇ ಕರೀನಾ ಕೂಡ ಇದೇ ರೀತಿ ಮಾಡುತ್ತಾಳೆ ಎಂದು ಸೈಫ್ ಅಲಿ ಖಾನ್ ತಮ್ಮ ಅಭಿಮಾನಿಗಳಲ್ಲಿ ಹೇಳಿದ್ದಾರೆ.
ಕಿಸ್ ಯಾಕೆ ಕೊಡುತ್ತಿಲ್ಲ ಎನ್ನುವುದನ್ನು ಹೇಳಿದ ಅವರು, ನನ್ನ ಮುಂದಿನ ಚಿತ್ರಕ್ಕೆ ಗಡ್ಡ ಬಿಟ್ಟಿದ್ದೇನೆ. ಈ ಕಾರಣಕ್ಕೆ ಪತ್ನಿ ಮತ್ತು ಮಗ ಮುತ್ತು ನೀಡುತ್ತಿಲ್ಲ ಎಂದು ತಿಳಿಸಿದ್ದಾರೆ. ಗಡ್ಡ ಬಿಡುವುದರ ಜೊತೆಗೆ ಕೂದಲಿಗೆ ಸೈಫ್ ಡ್ರೆಡ್ ಲಾಕ್ ಕೂಡ ಮಾಡಿಸಿದ್ದಾರೆ.
ಮುಂದಿನ ಚಿತ್ರದಲ್ಲಿ ನಾನು ನಾಗಾ ಸಾಧು ಹಂಟರ್ ಪಾತ್ರದಲ್ಲಿ ಅಭಿನಯಿಸಲಿದ್ದೇನೆ. ಹಾಗಾಗಿ ನನಗೆ ಉದ್ದ ಗಡ್ಡ ಬೇಕಾಗಿದೆ ಎಂದು ಸೈಫ್ ಹೇಳಿದ್ದಾರೆ.
