ಹುಬ್ಬಳ್ಳಿ: ಶಾಲೆ ಹಾಗೂ ಕಾಲೇಜು ವಿದ್ಯಾರ್ಥಿನಿಯರನ್ನು ಚುಡಾಯಿಸುತ್ತಿದ್ದ ಒಂಬತ್ತು ಜನ ಯುವಕರನ್ನು ಹುಬ್ಬಳ್ಳಿಯ ಚೆನ್ನಮ್ಮ ಪಡೆಯ ಮುಫ್ತಿ ಪೊಲೀಸರು ಬಂಧಿಸಿದ್ದಾರೆ.
ನಗರದ ನಿವಾಸಿಗಳಾದ ಅಮನ್, ಇಮಾಮ್ ಗೌಸ್, ತೌಸಿಫ್, ಮೈನುದ್ದೀನ್ ಸೈಯದ್, ಮೆಹಬೂಬ್, ಜಾಕೀಸ್ ಹುಸೇನ್, ಸಲ್ಮಾನ್ ಬಂಧಿತ ಯುವಕರು. ಆರೋಪಿಗಳು ಕಾಲೇಜು ವಿದ್ಯಾರ್ಥಿಗಳಲ್ಲ, ಆದರೂ ನಗರದ ನೆಹರು ಕಾಲೇಜು ಹಾಗೂ ಬಿಡ್ನಾಳ ಆರ್.ಪಾಟೀಲ್ ಸ್ಕೂಲ್ ಬಳಿ ನಿಂತು ವಿದ್ಯಾರ್ಥಿನಿಯರನ್ನು ಚುಡಾಯಿಸುತ್ತಿದ್ದರು.
ಎಂದಿನಂತೆ ಇಂದು ಕೂಡಾ ನೆಹರು ಕಾಲೇಜಿನ ಮುಂದೆ ಬಂಧಿತ ಯುವಕರು ನಿಂತು, ಕಾಲೇಜು ವಿದ್ಯಾರ್ಥಿನಿಯರನ್ನು ಚುಡಾಯಿಸುತ್ತಿದ್ದರು. ಖಚಿತ ಮಾಹಿತಿ ಪಡೆದು ಅಲ್ಲಿಗೆ ಚನ್ನಮ್ಮ ಪಡೆಯ ಮಫ್ತಿ ಪೊಲೀಸರು ಬಂದು ಯುವಕರನ್ನು ಬಂಧಿಸಿದ್ದಾರೆ. ಈ ಸಂಬಂಧ ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
