ಲಕ್ನೋ: ಚಲಿಸುತ್ತಿದ್ದ ಕಾರಿನಲ್ಲಿ ಇಬ್ಬರು ಮಹಿಳೆಯರ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿರುವ ಘಟನೆ ಉತ್ತರ ಪ್ರದೇಶದ ಕನೌಜ್ ನಲ್ಲಿ ನಡೆದಿದೆ.
ಮಹಿಳೆಯರು ಲಕ್ನೋದಿಂದ ಔಷಧಿ ತೆಗೆದುಕೊಂಡು ಕಮಾಲಗಂಜ್ ಗೆ ಬರುತ್ತಿದ್ದ ಸಂದರ್ಭದಲ್ಲಿ ಗುರುವಾರ ಈ ಘಟನೆ ನಡೆದಿದ್ದು, ಅದೇ ಗ್ರಾಮದ ಯುವಕರು ಈ ಕೃತ್ಯವೆಸಗಿದ್ದಾರೆ. ಮೂವರು ಆರೋಪಿಗಳ ವಿರುದ್ಧ ಪೊಲೀಸರು ಎಫ್‍ಐಆರ್ ದಾಖಲಿಸಿದ್ದಾರೆ.
ನಡೆದಿದ್ದೇನು?
ಸಂತ್ರಸ್ತೆ ಮಹಿಳೆಯರು ಫರೂಕಾಬಾದ್‍ನ ಮೆಹ್ರೂರ್ಪುರ್ ಕಮಾಲಗಂಜ್ ನ ನಿವಾಸಿಯಾಗಿದ್ದಾರೆ. ಅದೇ ಗ್ರಾಮದ ಯುವಕರು ಡ್ರಾಪ್ ಕೊಡುವ ನೆಪದಲ್ಲಿ ಮಹಿಳೆಯರನ್ನು ಕರೆದಿದ್ದಾರೆ. ನಂತರ ಮಹಿಳೆಯರು ಕಾರ್ ಹತ್ತಿದ್ದಾರೆ. ಈ ವೇಳೆ ಯುವಕರು ಇಬ್ಬರು ಮಹಿಳೆಯರ ಮೇಲೆ ಕಾರಿನಲ್ಲಿಯೇ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ.
ಅತ್ಯಾಚಾರದ ನಂತರ ಇಬ್ಬರು ಮಹಿಳೆಯರನ್ನು ಆರೋಪಿಗಳು ಗುರುಶಾಹಿಗಂಜ್ ರಸ್ತೆ ಬದಿಯಲ್ಲಿ ಎಸೆದು ಕಾರಿನಲ್ಲಿ ಪರಾರಿಯಾಗಿದ್ದಾರೆ. ಪ್ರಜ್ಞೆ ತಪ್ಪಿದ್ದ ಮಹಿಳೆಯರು ಪ್ರಜ್ಞೆ ಬಂದ ನಂತರ ಸ್ಥಳೀಯರ ಸಹಾಯ ಪಡೆದು ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದ್ದಾರೆ.
ಈ ಘಟನೆ ಕುರಿತು ಪೊಲೀಸರು ಮುಖ್ಯ ಆರೋಪಿ ನಿಖಿಲ್ ತಿವಾರಿ ಸೇರಿದಂತೆ ಮೂವರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿಗಳ ಹುಡುಕಾಟ ಶುರು ಮಾಡಿದ್ದಾರೆ. ಸಂತ್ರಸ್ತ ಮಹಿಳೆಯರನ್ನು ವೈದ್ಯಕೀಯ ಪರೀಕ್ಷೆಗಾಗಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ವೈದ್ಯಕೀಯ ವರದಿ ಬಂದ ನಂತರ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಲೀಸಿದ್ದಾರೆ.
Lucknow: 2 women gang-raped in a moving vehicle after they were offered a lift by a person they knew, while they were returning to Farrukhabad's Kamalganj. Case registered, investigation begins. pic.twitter.com/6QjWG0uTH8
— ANI UP/Uttarakhand (@ANINewsUP) March 15, 2018
