ಧಾರವಾಡ: ಮದ್ಯದ ಅಮಲಿನಲ್ಲಿ ತೇಲಾಡುತ್ತಿದ್ದ ಮಹಿಳೆಯೊಬ್ಬಳು ನಗರದ ಹೃದಯ ಭಾಗದಲ್ಲಿರುವ ಜ್ಯೂಬಿಲಿ ಸರ್ಕಲ್ ರಸ್ತೆಯಲ್ಲಿ ಡ್ಯಾನ್ಸ್ ಮಾಡುವ ಮೂಲಕ ಮನರಂಜನೆ ನೀಡಿದ್ದಾಳೆ.
ಆದ್ರೆ ಮಹಿಳೆ ಯಾರೆಂದು ಗೊತ್ತಿಲ್ಲ, ಆದರೆ ನಗರದ ಜುಬ್ಲಿ ವೃತ್ತದಲ್ಲಿ ಮಹಿಳೆಯರ ಜೊತೆ ಮತ್ತು ಪ್ರಯಾಣಿಕರ ಜೊತೆ ಅನುಚಿತ ವರ್ತನೆ ಮಾಡುತ್ತಿರೋ ಈಕೆ, ನಡು ರಸ್ತೆಯಲ್ಲೇ ಕುಣಿಯುತ್ತಿದ್ದಳು.
ಯಾವತ್ತೂ ಜನನಿಬಿಡ ಜನದಟ್ಟಣೆ ಇರುವ ಈ ವೃತ್ತದಲ್ಲಿ ಬರುವ ವಾಹನಗಳ ಮುಂದೆಯೇ ಡ್ಯಾನ್ಸ್ ಮಾಡುತ್ತಿದ್ದಳು. ತಲೆ ಮೇಲೆ ಟೋಪಿ ಹಾಕಿಕೊಂಡಿದ್ದ ಈ ಮಹಿಳೆ ಕೈಯಲ್ಲಿ ಬಾಳೆಹಣ್ಣು ಕೂಡಾ ಹಿಡಿದುಕೊಂಡಿದ್ದಳು.
ಈ ದೃಶ್ಯವನ್ನು ಅಲ್ಲೆ ನಿಂತು ನೋಡುತ್ತಿದ್ದ ಪೊಲೀಸರು ಕೂಡಾ ನೋಡಿಯೂ ನೋಡದಂತೆ ಇದ್ದರು. ಕೆಲ ಸಮಯದ ನಂತರ ಇವಳು ಡಾನ್ಸ್ ಮಾಡುತ್ತಲೇ ಬೇರೆ ಕಡೆ ಹೋಗಿದ್ದಾಳೆ ಎಂಬುದಾಗಿ ವರದಿಯಾಗಿದೆ.
