ವಿವಾದಕ್ಕೆ ಕಾರಣವಾಯ್ತು ಮಂಗ್ಳೂರು ಕಾಲೇಜು ವಿದ್ಯಾರ್ಥಿನಿಯರ ಡ್ಯಾನ್ಸ್: ವಿಡಿಯೋ ನೋಡಿ

ಮಂಗಳೂರು: ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ ರಸ್ತೆ ತಡೆದು ಕಾಲೇಜು ಹುಡುಗಿಯರು ಕುಣಿದು ಕುಪ್ಪಳಿಸಿದ್ದು ಈಗ ವಿವಾದಕ್ಕೆ ಕಾರಣವಾಗಿದೆ.

ಶುಕ್ರವಾರ ಮಂಗಳೂರಿನ ಸೆಂಟ್ ಆಗ್ನೆಸ್ ಕಾಲೇಜಿನ ವಾರ್ಷಿಕೋತ್ಸವ ನಡೆದಿತ್ತು. ಈ ವಾರ್ಷಿಕೋತ್ಸವ ಆಚರಣೆಯ ಅಂಗವಾಗಿ ವಿದ್ಯಾರ್ಥಿನಿಯರು ಪೂರ್ತಿಯಾಗಿ ರಸ್ತೆ ಮಧ್ಯೆ ಬಸ್, ಇನ್ನಿತರ ವಾಹನಗಳ ಸಂಚಾರ ತಡೆದು ನೃತ್ಯ ಮಾಡಿದ್ದಾರೆ.

ಸಾಮಾನ್ಯವಾಗಿ ರಸ್ತೆ ತಡೆದು ಪ್ರತಿಭಟಿಸುವುದಕ್ಕೆ ಅವಕಾಶ ಇಲ್ಲ. 10 ನಿಮಿಷ ಹೆಚ್ಚು ಕಾಲ ರಸ್ತೆ ತಡೆದರೆ ಪೊಲೀಸರು ಬಂಧಿಸುತ್ತಾರೆ. ಅಂಥದ್ರಲ್ಲಿ ಕಾಲೇಜು ಹುಡುಗಿಯರ ಫ್ಲಾಶ್ ಮಾಬ್ ಗೆ ಅತಿ ಹೆಚ್ಚು ವಾಹನ ದಟ್ಟಣೆ ಇರುವ ರಸ್ತೆಯಲ್ಲಿ ಅವಕಾಶ ನೀಡಿದ್ದು ಚರ್ಚೆಗೆ ಗ್ರಾಸವಾಗಿದೆ.

ಅದರಲ್ಲಿಯೂ ಮಧ್ಯಾಹ್ನ ಮೂರು ಗಂಟೆಗೆ ಆರಂಭಗೊಂಡ ಈ ಕಾಲೇಜು ಕನ್ಯೆಯರ ಡಿಜೆ ಕುಣಿತ ಸಂಜೆವರೆಗೂ ಮುಂದುವರಿದಿತ್ತು. ಕಾಲೇಜು ಆಡಳಿತ ಮಂಡಳಿ ಸದಸ್ಯರು ಪಾಲ್ಗೊಂಡಿದ್ದರು. ಸ್ಥಳೀಯ ಶಾಸಕ ಜೆ.ಆರ್ ಲೋಬೊ ಕೃಪೆಯಿಂದ ಕಾಲೇಜಿಗೆ ಈ ಅವಕಾಶ ಸಿಕ್ಕಿದ್ದಿರಬೇಕು ಎನ್ನುವ ಮಾತು ಕೇಳಿಬರುತ್ತಿದೆ.