ಬೆಂಗಳೂರು: ಹೀರೋ ಜೊತೆ ಅಕ್ರಮ ಸಂಬಂಧ ಇದೆ. ಕನ್ಯತ್ವ ಪರೀಕ್ಷೆ ಮಾಡಿಸ್ಕೋ ಎಂದ ಪೋಷಕ ನಟ ಅರೆಸ್ಟ್ ಆಗಿರುವ ಘಟನೆ ಸಿಲಿಕಾನ್ ಸಿಟಿಯಲ್ಲಿ ನಡೆದಿದೆ.
`ಐಸ್ ಮಹಲ್’ ಚಿತ್ರದಲ್ಲಿ ಹೀರೋಯಿನ್ ತಂದೆ ಪಾತ್ರ ನಿರ್ವಹಿಸುತ್ತಿದ್ದ ರಾಜಶೇಖರ್ ಮೇಲೆ ದೂರು ದಾಖಲಾಗಿದೆ. ಸಿನಿಮಾದಲ್ಲಿ ನಾಯಕಿ ಪಾತ್ರ ಮಾಡುತ್ತಿರುವ ನಟಿಗೆ ರಾಜಶೇಖರ್, ನೀನು ನಾಯಕ ನಟನ ಜೊತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದೀಯ ಎಂದು ಕ್ಯಾತೆ ತೆಗೆದಿದ್ದಾನೆ.
ಈ ವಿಚಾರಕ್ಕೆ ಸಂಬಂಧಪಟ್ಟಂತೆ ನಟಿ, ಇಲ್ಲ ನಮ್ಮಿಬ್ಬರ ನಡುವೆ ಯಾವುದೇ ಸಂಬಂಧ ಇಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ. ಆದರೆ ರಾಜಶೇಖರ್ ಇದಕ್ಕೆ ಪ್ರತಿಯಾಗಿ ಕನ್ಯತ್ವ ಪರೀಕ್ಷೆ ಮಾಡಿಸು ಎಂದು ಅಶ್ಲೀಲವಾಗಿ ಮೆಸೇಜ್ ಮಾಡಿದ್ದಾನೆ. ಇದಕ್ಕೆ ನಟಿ ಬೈದಿದ್ದರಿಂದ ಕನ್ಯತ್ವ ಪರೀಕ್ಷೆ ಮಾಡಿದ್ರೆ ನಿಮ್ಮಿಬ್ಬರ ಅಕ್ರಮ ಸಂಬಂಧ ಬೆಳಕಿಗೆ ಬರುತ್ತೆ ಎಂದಿದ್ದಾನೆ.
ರಾಜಶೇಖರ್ ವರ್ತನೆಗೆ ಬೇಸತ್ತು ಕೊನೆಗೆ ನಟಿ ಮಾಗಡಿ ರಸ್ತೆ ಪೊಲೀಸರಿಗೆ ದೂರು ನೀಡಿದ್ದಾರೆ. ನಟಿಯ ದೂರಿನ ಮೇರೆಗೆ ರಾಜಶೇಖರ್ ನನ್ನ ಪೊಲೀಸರು ಬಂಧಿಸಿದ್ದು, ಬೇಲ್ ಮೂಲಕ ಆರೋಪಿ ರಾಜಶೇಖರ ಹೊರಗೆ ಬಂದಿದ್ದಾನೆ.
