ಕಾರವಾರ: ಆಹಾರ ಅರಸಿಕೊಂಡು ಕಾಡಿನಿಂದ ನಾಡಿಗೆ ಬಂದಿದ್ದ 15 ಅಡಿ ಉದ್ದದ ಕಾಳಿಂಗ ಸರ್ಪವೊಂದು ಕಾರವಾರದ ಕೆರವಡಿ ಸಮೀಪದ ಕಡಿಯಾ ಗ್ರಾಮದಲ್ಲಿ ಕಂಡು ಬಂದಿದೆ.
ಗ್ರಾಮದ ಕೃಪ್ಣಪ್ಪ ಗುನಗಿ ಎಂಬುವವರ ಮನೆಯಲ್ಲಿ ಹೊರಾಂಗಣದಲ್ಲಿ ಕಾಣಿಸಿಕೊಂಡು ಕುಟುಂಬಸ್ಥರಲ್ಲಿ ಭಯ ಹುಟ್ಟಿಸಿತ್ತು. ತಕ್ಷಣ ಮನೆಯವರು ಅರಣ್ಯ ಇಲಾಖೆಗೆ ಮಾಹಿತಿ ತಿಳಿಸಿದ್ದಾರೆ.
ಸ್ಥಳಕ್ಕೆ ಆಗಮಿಸಿದ ಅರಣ್ಯಾಧಿಕಾರಿ ರಮೇಶ ಬಡಿಗೇರ ಕಾರ್ಯಪ್ರವೃತರಾಗಿ 15 ಅಡಿ ಉದ್ದದ ಕಾಳಿಂಗ ಸರ್ಪವನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ನಂತರ ಹಾವನ್ನು ಅಣಶಿ ಕಾಡಿಗೆ ಬಿಡಲಾಯಿತು.
