ಬೆಂಗಳೂರು: ಯುವತಿಯರ ಜೊತೆ ಫೇಸ್ ಬುಕ್ ಚಾಟಿಂಗ್ ಮಾಡುತ್ತಿದ್ದ ಪತಿಯನ್ನು ಪ್ರಶ್ನಿಸದಕ್ಕೆ ಪತ್ನಿಯನ್ನೇ ಪತಿಯೋರ್ವ ಮನೆಯಿಂದ ಹೊರಹಾಕಿರುವ ಘಟನೆ ಬೆಂಗಳೂರಿನ ಶಿವಾಜಿ ನಗರದಲ್ಲಿ ನಡೆದಿದೆ.
ಭಾಸ್ಕರ್ ವಿಕ್ಟರಿ ಎಂಬಾತನೇ ತನ್ನ ಪತ್ನಿ ಇಶಾನಿ (ಹೆಸರು ಬದಲಾಯಿಸಿದೆ)ಯನ್ನ ಮನೆಯಿಂದ ಹೊರ ಹಾಕಿದ ಪತಿ. ಭಾಸ್ಕರ್ ತನ್ನ ಗೆಳತಿಯರ ನಡುವೆ ಫೇಸ್ ಬುಕ್ ಚಾಟಿಂಗ್ ಮಾಡ್ತಾಯಿದ್ದರು. ಇದ್ರಿಂದ ಕುಪಿತಗೊಂಡ ಇಶಾನಿ ಗಂಡನನ್ನು ಪ್ರಶ್ನೆ ಮಾಡಿದ್ದಾರೆ. ಇದ್ರಿಂದ ಕುಪಿತಗೊಂಡ ಭಾಸ್ಕರ್ ರಾತ್ರಿಯೇ ಇಶಾನಿ ಅವರನ್ನು ಮನೆಯಿಂದ ಹೊರ ಹಾಕಿದ್ದಾನೆ.
ಭಾಸ್ಕರ್ ಮತ್ತು ಇಶಾನಿ ಪ್ರೀತಿಸಿ ಮದುವೆಯಾಗಿ ಶಿವಾಜಿ ನಗರದಲ್ಲಿ ವಾಸವಾಗಿದ್ದರು. ಮನೆಯಿಂದ ಹೊರ ಬಂದ ಇಶಾನಿ ಪತಿಯ ವಿರುದ್ಧ ಶಿವಾಜಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
