ಕಲಬುರಗಿ: ಪ್ರಯಾಣಿಕರ ಬೇಡಿಕೆಯ ಮೇರೆಗೆ ಮತ್ತು ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿವಾರಿಸಲು ರೈಲ್ವೆಯು ಬೇಸಿಗೆ ರಜೆಯಲ್ಲಿ ಪಂಢರಪುರ-ತಿರುಪತಿ, ಬೆಂಗಳೂರು ಕಂಟೋನ್ಮೆಂಟ್-ಕಲಬುರಗಿ ಮತ್ತು SMVT ಬೆಂಗಳೂರು-ಬೀದರ ವಿಶೇಷ ರೈಲುಗಳ ಸೇವೆಯನ್ನು ಮುಂದುವರಿಸಲಿದೆ ಎಂದು ಕೇಂದ್ರ ರೈಲ್ವೆ ಸೋಲಾಪುರ ವಿಭಾಗದ ಸಾರ್ವಜನಿಕ ಸಂಪರ್ಕ ಇಲಾಖೆಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ರೈಲುಗಳ ಮುಂದುವರಿಕೆ ವಿವರ ಇಂತಿದೆ. ಪಂಢರಪುರ-ತಿರುಪತಿ ಸಾಪ್ತಾಹಿಕ ವಿಶೇಷ ರೈಲು ಸಂಖ್ಯೆ 07012 (1 ಟ್ರಿಪ್) ಈಗ ಪ್ರತಿ ಶನಿವಾರ (ಏ.11) ವರೆಗೆ ಮತ್ತು ರೈಲು ಸಂಖ್ಯೆ 07032 ಪಂಢರಪುರ-ತಿರುಪತಿ ವಿಶೇಷ ರೈಲು ಈಗ ಪ್ರತಿ ಭಾನುವಾರ (ಏ.12) ರವರೆಗೆ ಓಡಾಟ ಮುಂದುವರಿಸಿದೆ. ಇದನ್ನೂ ಓದಿ: ಮೈಸೂರು-ಜಲ್ಪೈಗುಡಿ ಜಂಕ್ಷನ್ ನಡುವೆ ವಿಶೇಷ ರೈಲುಗಳ ಸಂಚಾರ
ಬೆಂಗಳೂರು ಕಂಟೋನ್ಮೆಂಟ್–ಕಲಬುರಗಿ ಸಾಪ್ತಾಹಿಕ ವಿಶೇಷ ರೈಲುಗಳು 06207(6 ಟ್ರಿಪ್ಗಳು) ಈಗ ಪ್ರತಿ ಶನಿವಾರ (ಏ.25) ರವರೆಗೆ ಮತ್ತು ರೈಲು ಸಂಖ್ಯೆ 06208 ಕಲಬುರಗಿ–ಬೆಂಗಳೂರು ಕಂಟೋನ್ಮೆಂಟ್ ಸಾಪ್ತಾಹಿಕ ವಿಶೇಷ ರೈಲು ಈಗ ಪ್ರತಿ ಭಾನುವಾರ (ಏ.26) ರವರೆಗೆ ಓಡಾಟ ಮುಂದುವರಿಸಿದೆ. (ತಲಾ 3 ಟ್ರಿಪ್ಗಳು)
SMVT ಬೆಂಗಳೂರು-ಬೀದರ್ ದ್ವಿ-ವಾರಕ ವಿಶೇಷ ರೈಲು ಸಂಖ್ಯೆ 06539 (12 ಟ್ರಿಪ್ಗಳು) ಈಗ ಪ್ರತಿ ಶುಕ್ರವಾರ ಮತ್ತು ಭಾನುವಾರ (ಏ.26) ರವರೆಗೆ ಮತ್ತು ಓಡಲಿವೆ. (6 ಟ್ರಿಪ್ಗಳು ರೈಲು ಸಂಖ್ಯೆ 06540 ಬೀದರ್-SMVT ಬೆಂಗಳೂರು ದ್ವಿ-ವಾರಕ ವಿಶೇಷ ರೈಲು ಈಗ ಪ್ರತಿ ಶನಿವಾರ ಮತ್ತು ಸೋಮವಾರ (ಏ.27) ರವರೆಗೆ ಓಡಲಿದೆ. (6 ಟ್ರಿಪ್ಗಳು)
More Read
ಮೇಲೆ ತಿಳಿಸಲಾದ ರೈಲುಗಳಿಗೆ ಸಂಯೋಜನೆ ಮತ್ತು ನಿಲುಗಡೆಗಳಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. ವಿಶೇಷ ಶುಲ್ಕದ ಮೇಲೆ ವಿಶೇಷ ರೈಲುಗಳ ಮುಂದುವರಿದ ಪ್ರಯಾಣಕ್ಕಾಗಿ ಕಾಯ್ದಿರಿಸುವಿಕೆ ಎಲ್ಲಾ ಗಣಕೀಕೃತ ಮೀಸಲಾತಿ ಕೇಂದ್ರಗಳಲ್ಲಿ ಮತ್ತು ವೆಬ್ಸೈಟ್ www.irctc.co.in ನಲ್ಲಿ ಲಭ್ಯವಿರುತ್ತವೆ. ಇದನ್ನೂ ಓದಿ: ದಾವಣಗೆರೆಯಲ್ಲಿ ಪ್ರಚಾರಕ್ಕೆ ನಕಾರ – ಸಚಿವ ಜಮೀರ್ ಅಹ್ಮದ್ ಸೇರಿ ಮೂವರ ವಿರುದ್ಧ ಹೈಕಮಾಂಡ್ಗೆ ದೂರು
ಮೀಸಲಾತಿ ಇಲ್ಲದ ಬೋಗಿಗಳ ಬುಕಿಂಗ್ಗಳನ್ನು ನಿಲ್ದಾಣಗಳಲ್ಲಿನ ಬುಕಿಂಗ್ ಕೌಂಟರ್ಗಳು ಮತ್ತು ರೈಲ್ಒನ್ ಅಪ್ಲಿಕೇಶನ್ ಮೂಲಕವೂ ಮಾಡಬಹುದು. ಅನಾನುಕೂಲತೆಯನ್ನು ತಪ್ಪಿಸಲು ಪ್ರಯಾಣಿಕರು ಮಾನ್ಯ ಟಿಕೆಟ್ಗಳೊಂದಿಗೆ ಪ್ರಯಾಣಿಸಲು ವಿನಂತಿಸಲಾಗಿದೆ.
ಈ ವಿಶೇಷ ರೈಲುಗಳ ನಿಲುಗಡೆಗಳ ವಿವರವಾದ ಸಮಯಕ್ಕಾಗಿ ದಯವಿಟ್ಟು www.enquiry.indianrail.gov.in ಗೆ ಭೇಟಿ ನೀಡಿ ಅಥವಾ RailOne ಅಪ್ಲಿಕೇಶನ್ ಅಥವಾ NTES ಅಪ್ಲಿಕೇಶನ್ ಡೌನ್ಲೋಡ್ ಮಾಡಲು ಕೋರಲಾಗಿದೆ.
