ವಾಷಿಂಗ್ಟನ್: ಇರಾನ್ ಯುದ್ಧದಲ್ಲಿ (Iran War) ತನ್ನ ಎರಡು ವಿಮಾನಗಳನ್ನೇ ಅಮೆರಿಕವೇ (USA) ನಾಶ ಮಾಡಿದೆ.
ಹೌದು. ಇರಾನ್ ನೆಲದಲ್ಲಿ ಇಳಿದಿದ್ದ ಎರಡು MC-130J ಕಮಾಂಡೋ II (Commando II) ವಿಶೇಷ ಕಾರ್ಯಾಚರಣೆಯ ವಿಮಾನಗಳನ್ನು ಅಮೆರಿಕದ ಸೈನಿಕರೇ ಸ್ವತಃ ನಾಶಪಡಿಸಿದ್ದಾರೆ.
ಇರಾನ್ನಲ್ಲಿ ಪತನಗೊಂಡಿದ್ದ ತನ್ನದೇ ಆದ F-15E ಯುದ್ಧ ವಿಮಾನದ ಪೈಲಟ್ ಅನ್ನು ರಕ್ಷಿಸುವ ‘ಸರ್ಚ್ ಅಂಡ್ ರೆಸ್ಕ್ಯೂ’ ಕಾರ್ಯಾಚರಣೆಗಾಗಿ ಅಮೆರಿಕದ ಈ ವಿಮಾನಗಳು ಇರಾನ್ನ ನೈಋತ್ಯ ಭಾಗದ ಗುಡ್ಡಗಾಡು ಪ್ರದೇಶದಲ್ಲಿ ಇಳಿದಿತ್ತು.
ವಿಮಾನಗಳು ಇಳಿದ ಜಾಗವು ಗಟ್ಟಿಯಾದ ನೆಲವಾಗಿರದೇ ಅತ್ಯಂತ ಮೃದುವಾದ ಮಣ್ಣು ಅಥವಾ ಮರಳಿನಿಂದ ಕೂಡಿದ್ದ ಪ್ರದೇಶವಾಗಿತ್ತು. ಗಾತ್ರದಲ್ಲಿ ದೊಡ್ಡದಾಗಿರುವ MC-130J ವಿಮಾನಗಳು ಸುಮಾರು 75,000 ಕೆಜಿಗೂ ಹೆಚ್ಚು ತೂಕವಿರುತ್ತವೆ. ಮೃದುವಾದ ನೆಲದ ಮೇಲೆ ಇಳಿದ ತಕ್ಷಣ, ವಿಮಾನದ ಭಾರಕ್ಕೆ ಅದರ ಚಕ್ರಗಳು ಮಣ್ಣಿನೊಳಗೆ ಆಳವಾಗಿ ಹೂತುಹೋಗಿದ್ದವು. ಇದನ್ನೂ ಓದಿ: Explained| ಇರಾನ್ ಅಮೆರಿಕದ F-15E Strike Eagle ವಿಮಾನವನ್ನು ಹೊಡೆದು ಹಾಕಿದ್ದು ಹೇಗೆ? ರಷ್ಯಾದ ಪಾತ್ರ ಏನು?
ಎಫ್-15 ಪೈಲಟ್ ರಕ್ಷಣೆ ಮಾಡಿದ ನಂತರ ಅಮೆರಿಕದ ಸೈನಿಕರು ಎಂಜಿನ್ ಶಕ್ತಿಯನ್ನು ಬಳಸಿ ಟೇಕಾಫ್ ಮಾಡಲು ಪ್ರಯತ್ನಿಸಿದ್ದಾರೆ. ಎಷ್ಟೇ ಪ್ರಯತ್ನಿಸಿದರೂ ಚಕ್ರಗಳು ಮಣ್ಣಿನಲ್ಲಿ ಮತ್ತಷ್ಟು ಹೂತುಹೋಗಿವೆ. ಶತ್ರು ಪ್ರದೇಶದಲ್ಲಿ ಹೆಚ್ಚು ಹೊತ್ತು ಇದ್ದರೆ ಇರಾನ್ ಸೇನೆಯ ದಾಳಿಗೆ ತುತ್ತಾಗುವ ಅಪಾಯವಿತ್ತು. ಇದನ್ನೂ ಓದಿ: ಇರಾನ್ನಲ್ಲಿ ಕಾಣೆಯಾಗಿದ್ದ US ವಾಯುಪಡೆಯ ಮತ್ತೋರ್ವ ಪೈಲಟ್ ರಕ್ಷಣೆ – ಹೇಗಿತ್ತು ಥ್ರಿಲ್ಲಿಂಗ್ ಕಾರ್ಯಾಚರಣೆ?
JUST IN: 🇺🇸🇮🇷 Footage shows wreckage of US Black Hawk helicopters and C-130 military transport aircraft destroyed by US forces before departing Iran. pic.twitter.com/uJv89NVfbj
— BRICS News (@BRICSinfo) April 5, 2026
ವಿಮಾನಗಳು ನಾಶವಾದರೂ ಪೈಲಟ್ ಸೇರಿದಂತೆ ಎಲ್ಲಾ ಸೈನಿಕರನ್ನು ಇತರ ಮೂರು ವಿಮಾನಗಳ ಮೂಲಕ ಸುರಕ್ಷಿತವಾಗಿ ಅಲ್ಲಿಂದ ಸ್ಥಳಾಂತರ ಮಾಡಿ ಅಮೆರಿಕ ತನ್ನ ನೆಲೆಗೆ ಕರೆತಂದಿದೆ. ಇದನ್ನೂ ಓದಿ: ಅಮೆರಿಕ ಪೈಲಟ್ ರಕ್ಷಣಾ ಕಾರ್ಯಾಚರಣೆ ವೇಳೆ ಐವರು ಸಾವು
ಇರಾನ್ ಈ ವಿಮಾನಗಳನ್ನು ತಾನೇ ಹೊಡೆದುರುಳಿಸಿರುವುದಾಗಿ ಹೇಳಿಕೊಂಡಿದ್ದರೂ ಅಮೆರಿಕದ ಅಧಿಕೃತ ಮೂಲಗಳು ತಾಂತ್ರಿಕ ಕಾರಣಗಳಿಂದಾಗಿ ಅಮೆರಿಕವೇ ಈ ಎರಡು ವಿಮಾನಗಳನ್ನು ನಾಶಪಡಿಸಿದೆ ಎಂದು ಹೇಳಿವೆ.
