ಬೆಂಗಳೂರು: ಆರ್ಸಿಬಿಯ (RCB) ಬ್ಯಾಟಿಂಗ್ ಕೋಚ್ ಮತ್ತು ಮೆಂಟರ್ ದಿನೇಶ್ ಕಾರ್ತಿಕ್ (Dinesh Karthik) ಬೆಂಕಿ ಪೋಸ್ಟ್ ಮಾಡಿ ಫಿಲ್ ಸಾಲ್ಟ್ (Phil Salt) ಅವರಿಗೆ ವಿಶೇಷ ಗೌರವ ಸಲ್ಲಿಸಿದ್ದಾರೆ.
ತಂಡ ಜಯಗಳಿಸಿದ ಬಳಿಕ ದಿನೇಶ್ ಕಾರ್ತಿಕ್ ಅವರು ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ಜೇಕಬ್ ಡಫಿ, ನಾಯಕ ರಜತ್ ಪಾಟಿದರ್ ಅವರು ಇರುವ ಫೋಟೋವನ್ನು ಇನ್ಸ್ಟಾದಲ್ಲಿ ಅಪ್ಲೋಡ್ ಮಾಡಿದ್ದರು.
ಈ ಪೋಸ್ಟ್ಗೆ ಫಿಲ್ ಸಾಲ್ಟ್ “Nothing for the catch mastermind? Shame” ಎಂದು ಬರೆದು ಕಮೆಂಟ್ ಮಾಡಿದ್ದರು. ಇದನ್ನೂ ಓದಿ: ಬೌಂಡರಿ ಗೆರೆಯ ಬಳಿ ಪಲ್ಟಿಯಾಗಿ ಸಾಲ್ಟ್ ಕ್ಯಾಚ್ – ಸಿಟ್ಟಿನಿಂದ ಹೊರನಡೆದ ಕ್ಲಾಸೆನ್
ಈ ಕಮೆಂಟ್ ಓದಿದ ದಿನೇಶ್ ಕಾರ್ತಿಕ್ ಸಾಲ್ಟ್ ಬೆಂಕಿಯ ಚೆಂಡನ್ನು ಗಾಳಿಯಲ್ಲಿ ಹಿಡಿಯುವ ವಿಡಿಯೋವನ್ನು ಪೋಸ್ಟ್ ಮಾಡಿ ʻSafest hands in townʼ ಎಂದು ಕ್ಯಾಪ್ಶನ್ ಕೊಟ್ಟಿದ್ದಾರೆ. ಈ ಪೋಸ್ಟ್ಗೆ ಸಾಲ್ಟ್ ಧನ್ಯವಾದಗಳು ಡಿಕೆ ಬಾಯ್ ಎಂದು ಬರೆದು ಕೃತಜ್ಞತೆ ಸಲ್ಲಿಸಿದ್ದಾರೆ.
View this post on Instagram
ಸನ್ ರೈಸರ್ಸ್ ಸ್ಫೋಟಕ ಬ್ಯಾಟರ್ ಹೆನ್ರಿಕ್ ಕ್ಲಾಸೆನ್ ಮತ್ತು ಇಶನ್ ಕಿಶನ್ ಅವರ ಕ್ಯಾಚನ್ನು ಬೌಂಡರಿ ಗೆರೆಯ ಬಳಿ ಹಿಡಿದಿದ್ದರು. ಕಿಶನ್ 80 ರನ್(38 ಎಸೆತ, 8 ಬೌಂಡರಿ, 5 ಸಿಕ್ಸ್) ಹೊಡೆದಿದ್ದಾಗ ಸಿಕ್ಸ್ ಸಿಡಿಸಲು ಬಲವಾಗಿ ಹೊಡಿದ್ದರು. ಈ ವೇಳೆ ಓಡಿ ಬಂದ ಸಾಲ್ಟ್ ಡೈವ್ ಹೊಡೆದು ಒಂದೇ ಕೈಯಲ್ಲಿ ಕ್ಯಾಚ್ ಹಿಡಿದು ಅಭಿಮಾನಿಗಳನ್ನು ರಂಜಿಸಿದರು. ಈ ವಿಡಿಯೋವನ್ನು ಡಿಕೆ ಎಡಿಟ್ ಮಾಡಿ ಇನ್ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದನ್ನೂ ಓದಿ: ಮೊದಲ ಪಂದ್ಯದಲ್ಲೇ ದಾಖಲೆ ಬರೆದ ವಿರಾಟ್ ಕೊಹ್ಲಿ!
