ಸಸ್ಯಾಹಾರದಲ್ಲಿ ಬಸ್ಸಾರು ರುಚಿ ನೋಡಿಯೂ ಇರುತ್ತೀರ, ಮಾಡಿಯೂ ಇರುತ್ತೀರ, ಆದ್ರೆ ನಾಟಿಕೋಳಿಯಲ್ಲಿ ಬಸ್ಸಾರು ಎಂದಾದ್ರೂ ಮಾಡಿದ್ದೀರಾ? ಹೋಟೆಲ್‌ನಲ್ಲಿ ಬಾಯಿ ಚಪ್ಪರಿಸುವ ನಾನ್‌ವೆಜ್‌ ಪ್ರಿಯರು ಮನೆಯಲ್ಲೇ ಸುಲಭವಾಗಿ ನಾಟಿಕೋಳಿ ಬಸ್ಸಾರು ತಯಾರಿಸಬಹುದಾಗಿದೆ. ಅದಕ್ಕೆ ನೀವು ಮಾಡಬೇಕಿರೋದು ಇಷ್ಟೇ….
ಬೇಕಾಗುವ ಸಾಮಗ್ರಿಗಳು
ಕೋಳಿ – 1 ಕೆಜಿ
ಹೆಸರುಬೇಳೆ – 250 ಗ್ರಾಂ
ಅರಿಶಿನ – 1/2 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಈರುಳ್ಳಿ – 3-4
ಬೆಳ್ಳುಳ್ಳಿ – 2
ಹಸಿಮೆಣಸಿನಕಾಯಿ – 10-15
ಶುಂಠಿ, ದಾಲ್ಟಿನ್ನಿ – 2 ಇಂಚು
ಲವಂಗ – 10-12
ಮೆಣಸು – 1 ಚಮಚ
ದನಿಯಾ – 4 ಚಮಚ
ಗಸಗಸೆ – 50 ಗ್ರಾಂ
ಹುರಿಗಡಲೆ – 1 ಚಮಚ
ತೆಂಗು – ಅರ್ಧ
ಎಣ್ಣೆ, ಕರಿಬೇವು – ಅಗತ್ಯಕ್ಕೆ ತಕ್ಕಷ್ಟು
ಮೆಣಸಿನ ಪುಡಿ – 1 ಚಮಚ
ಮಾಡುವ ವಿಧಾನ ಹೇಗೆ?
* ಒಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿ ಮಾಡಿದ ಬಳಿಕ ಬೆಳ್ಳುಳ್ಳಿ ಶುಂಠಿ ಹಾಕಿಕೊಳ್ಳಿ. ಬೆಳ್ಳುಳ್ಳಿ ಕಂದು ಬಣ್ಣಕ್ಕೆ ತಿರುಗುವವರೆಗೆ 3 ರಿಂದ 4ನಿಮಿಷ ಚೆನ್ನಾಗಿ ಹುರಿಯಬೇಕು. ನಂತರ ಈರುಳ್ಳಿ, ಹಸಿಮೆಣಸಿನಕಾಯಿ ಸೇರಿಸಿ.
* ಜೊತೆಗೆ ತೆಂಗು ಮತ್ತು ಕೊತ್ತಂಬರಿ ಸೊಪ್ಪನ್ನ ಸೇರಿಸಿ ಹುರಿಯಬೇಕು. ಕೆಲ ನಿಮಿಷಗಳ ಬಳಿಕ ಒಂದು ಕಪ್ ನೀರು ಬೆರೆಸುತ್ತಾ, ಎಲ್ಲಾ ಪದಾರ್ಥಗಳನ್ನು ಸಮರ್ಪಕವಾಗಿ ಮಿಶ್ರಣ ಮಾಡಬೇಕು. ಹದವಾದ ಪೇಸ್ಟ್ ಮಾದರಿಯಲ್ಲಿ ಎಲ್ಲವನ್ನೂ ಮಿಶ್ರಣ ಮಾಡಿಕೊಳ್ಳಬೇಕು.
* ನಂತರ ಒಂದು ಪ್ರತ್ಯೇಕ ಬಾಣಲೆಗೆ ಎಣ್ಣೆ ಹಾಕಿ, ಕರಿಬೇವು, ಈರುಳ್ಳಿ ಮತ್ತು ಟೊಮೆಟೊ ಎಲ್ಲವನ್ನೂ ಒಮ್ಮೆಗೇ ಹಾಕಿ. ಉಪ್ಪು ಅರಿಶಿನ ಪುಡಿ ಹಾಕಿ ಕೆಲ ನಿಮಿಷ ಹುರಿಯಿರಿ.
* ಬಾಣಲೆ ಮುಚ್ಚಿ ಮಧ್ಯಮ ಉರಿಯಲ್ಲಿ ಬೇಯಿಸಿ. ಮುಚ್ಚಳ ಮುಚ್ಚಿದ ನಂತರ ಒಳಗಿರುವ ಹಬೆಯಿಂದಾಗಿ ಟೊಮೆಟೋ ಬೇಗ ಬೇಯುತ್ತದೆ.
* ನಂತರ ಚಿಕನ್ ತೆಗೆದುಕೊಂಡು ಈಗಾಗಲೇ ಸಿದ್ಧವಿರುವ ಪೇಸ್ಟ್‌ನೊಂದಿಗೆ ಬೆರೆಸಿ. ನಂತರ ಕುಕ್ಕರ್‌ಗೆ ಚಿಕನ್ ಬೇಯುವಷ್ಟು ನೀರು ಸೇರಿಸಬೇಕು.
* ಅರ್ಧ ಗಂಟೆ ಕಡಿಮೆ ಉರಿಯಲ್ಲಿ ಚಿಕನ್ ಬೇಯಲು ಬಿಡಬೇಕು. ನಿಧಾನವಾಗಿ ಬೇಯಿಸುವುರಿಂದಾಗಿ ಚಿಕನ್ ಕರಿಯ ರುಚಿ ಹೆಚ್ಚಾಗುತ್ತದೆ.
* ಸರಿಯಾಗಿ 30 ನಿಮಿಷ ಕುದಿಯಲು ಬಿಡಬೇಕು. ಹೀಗೆ, ಸಿದ್ಧವಾದ ನಾಳಿ ಕೋಳಿ ಬಸ್ಸಾರು ಸಾರು ರಾಗಿ ಮುದ್ದೆ ಅಥವಾ ಅನ್ನದೊಂದಿಗೆ ಸವಿಯಲು ಸಿದ್ಧ.
