ಸ್ಯಾಂಡಲ್‌ವುಡ್‌ನಲ್ಲಿ ಗಟ್ಟಿಮೇಳದ ನಾದ ಜೋರಾಗಿದೆ. ಇದೀಗ ಇನ್ನೋರ್ವ ಸೀರಿಯಲ್ ನಟಿಗೆ ಕಂಕಣ ಭಾಗ್ಯ ಕೂಡಿಬಂದಿದೆ. ಲಕುಮಿ, ಯಾರೇ ನೀ ಅಭಿಮಾನಿ ಧಾರಾವಾಹಿ ಖ್ಯಾತಿಯ ನಟಿ ಸುಷ್ಮಾ ಶೇಖರ್ ನಿಶ್ಚಿತಾರ್ಥ ನಡೆದಿದ್ದು, ಶುಭ ಸಮಾರಂಭದ ಫೋಟೋಗಳನ್ನ ತಮ್ಮ ಇನ್ಸ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
`ಲಕುಮಿ’ ಸೀರಿಯಲ್ ಮೂಲಕ ಜನಪ್ರಿಯತೆ ಮುದ್ದು ಮುಖದ ನಟಿ ಸುಷ್ಮಾ ಬಾಲನಟಿಯಾಗಿ ಬಣ್ಣದ ಲೋಕ ಪ್ರವೇಶಿಸಿದ್ದರು. ಲಕುಮಿ, ಯಾರೇ ನೀ ಅಭಿಮಾನಿ ಬಳಿಕ ಗಿಣಿರಾಮ ಸೀರಿಯಲ್‌ನಲ್ಲೂ ನಟಿಸಿದ್ದ ಸುಷ್ಮಾ ಕೊಂಚ ಬ್ರೇಕ್ ಪಡೆದಿದ್ದರು. ಇದೀಗ ಮದುವೆಯಾಗುವ ಸುದ್ದಿ ಕೊಟ್ಟಿದ್ದಾರೆ.ಇದನ್ನೂ ಓದಿ: ರಜನಿ-ಕಮಲ್ ಬಿಗ್‌ ಪ್ರಾಜೆಕ್ಟ್‌ನಿಂದ ಹೊರನಡೆದ ಖುಷ್ಬೂ ಪತಿ – ಕಾರಣ ಏನು?
ಮದುವೆಯಾಗೋ ಹುಡುಗನ ಪರಿಚಯ ಗುಪ್ತವಾಗೇ ಇಟ್ಟಿರುವ ಸುಷ್ಮಾ ನಿಶ್ಚಿತಾರ್ಥದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. He Asked, I Said Yes ಎಂದಿದ್ದಾರೆ. ಇತ್ತೀಚೆಗಷ್ಟೇ ನಟಿ ರಜನಿ ಸೇರಿದಂತೆ ಅನೇಕರು ಮದುವೆಯಾಗಿದ್ದರು. ಇದೀಗ ಬಹುಕಾಲದ ಗೆಳೆಯನ ಜೊತೆ ನಟಿ ಸುಷ್ಮಾ ಸಪ್ತಪದಿ ತುಳಿಯುವ ಹೊಸ್ತಿಲಲ್ಲಿ ನಿಂತಿದ್ದಾರೆ.
