ಐಪಿಎಲ್‌ ಮೆಗಾ ಹರಾಜಿನಲ್ಲಿ ಫಿಲ್ ಸಾಲ್ಟ್, ಜಿತೇಶ್‌ ಶರ್ಮಾ, ಜೋಶ್‌ ಹ್ಯಾಜಲ್‌ವುಡ್‌ ಆಟಗಾರರು ಆರ್‌ಸಿಬಿಗೆ ಬಿಕರಿಯಾಗಿದ್ದಾರೆ.
ಜೆಡ್ಡಾದಲ್ಲಿ ನಡೆದ ಹರಾಜಿನಲ್ಲಿ ಫ್ರಾಂಚೈಸಿ ಇಬ್ಬರು ವಿಕೆಟ್ ಕೀಪರ್-ಬ್ಯಾಟರ್‌ಗಳನ್ನು ಖರೀದಿಸಿದೆ. ಫಿಲ್ ಸಾಲ್ಟ್ 11.50 ಕೋಟಿ ರೂ., ಜಿತೇಶ್‌ ಶರ್ಮಾ 11 ಕೋಟಿ ರೂ., ಜೋಶ್‌ ಹ್ಯಾಜಲ್‌ವುಡ್‌ 12.50 ಕೋಟಿ ರೂ.ಗೆ ಆರ್‌ಸಿಬಿ ತಂಡ ಸೇರಿದ್ದಾರೆ.
ಇಂದು ನಡೆದ ಮೆಗಾ ಹರಾಜಿನಲ್ಲಿ ಆರ್‌ಸಿಬಿಗೆ ಮೊದಲು ಲಿಯಾಮ್‌ ಲಿವಿಂಗ್‌ಸ್ಟೋನ್‌ 12.20 ಕೋಟಿಗೆ ಬಿಡ್‌ ಆದರು. ಇಂಗ್ಲೆಂಡ್‌ನ ಸ್ಫೋಟಕ ಬ್ಯಾಟರ್‌ ಆಗಿರುವ ಲಿವಿಂಗ್‌ಸ್ಟೋನ್‌ ಈ ಬಾರಿಯ ಐಪಿಎಲ್‌ನಲ್ಲಿ ಆರ್‌ಸಿಬಿ ಪಾಲಾಗಿದ್ದಾರೆ.
ಈ ಬಾರಿ ಮೆಗಾ ಹರಾಜಿನಲ್ಲಿ ರಿಷಬ್‌ ಪಂತ್‌ ದಾಖಲೆಯ 27 ಕೋಟಿ ರೂ. ಮೊತ್ತಕ್ಕೆ ಲಕ್ನೋಗೆ ಸೇಲ್‌ ಆಗಿದ್ದಾರೆ. ಇತ್ತ 26.75 ಕೋಟಿಗೆ ಶ್ರೇಯಸ್‌ ಅಯ್ಯರ್‌, ಪಂಜಾಬ್‌ ಕಿಂಗ್ಸ್‌ ಪಾಲಾಗಿದ್ದಾರೆ.
