ನಟ ದರ್ಶನ್ (Darshan) ಪುತ್ರ ವಿನೀಶ್ ಇಂದು 15ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಇಂದು ದರ್ಶನ್ ಅಭಿಮಾನಿಗಳು ಮತ್ತು ಕುಟುಂಬ ವಿನೀಶ್ (Vinesh) ಅವರ ಹುಟ್ಟು ಹಬ್ಬವನ್ನು (Birthday) ಆಚರಿಸುತ್ತಿದ್ದು, ಈ ಸಂದರ್ಭದಲ್ಲಿ ವಿನೀಶ್ ತಾಯಿ ವಿಜಯಲಕ್ಷ್ಮಿ ಪುತ್ರನಿಗೆ ವಿಭಿನ್ನವಾಗಿ ಶುಭಾಶಯಗಳನ್ನು ತಿಳಿಸಿದ್ದಾರೆ. ಚಾರ್ಟಡೆಡ್ ಫ್ಲೈಟ್ ಮುಂದೆ ವಿನೀಶ್ ನಿಂತಿರುವ ಫೋಟೋವನ್ನೂ ಅದರ ಜೊತೆ ಶೇರ್ ಮಾಡಿದ್ದಾರೆ.
‘ನನ್ನ ಲಿಟಲ್ ಬಾಯ್ ಗೆ 15 ತುಂಬುತ್ತಿದೆ. ಅವನು ಬೆಳೆಯುತ್ತಿರುವುದನ್ನು ನೋಡಿದಾಗ ಅವನೊಂದಿಗಿನ ಹಳೆ ನೆನಪುಗಳೆಲ್ಲ ಮರುಕಳಿಸುತ್ತಿವೆ. ಚುರುಕಾದ, ಹಾಸ್ಯ ಪ್ರಜ್ಞೆಯ ಮತ್ತು ಸುಂದರ ಮೊಗದ ಮಿಶ್ರಣದಂತೆ, ತರುಣನಾಗಿ ಬೆಳೆಯುತ್ತಿದ್ದಾನೆ. ಅವನ ಉತ್ಸಾಹವನ್ನು ಬಣ್ಣಿಸಲು ಸಾಧ್ಯವಾಗುವುದೇ ಇಲ್ಲ’ ಎಂದು ವಿನೀಶ್ ವ್ಯಕ್ತಿತ್ವವನ್ನು ಹಲವು ಸಾಲುಗಳಲ್ಲಿ ವಿಜಯಲಕ್ಷ್ಮಿ (Vijayalakshmi) ಬರೆದುಕೊಂಡಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲೂ ವಿನೀಶ್ ಕುರಿತಾಗಿ ಹಲವಾರು ಪೋಸ್ಟುಗಳು ಹರಿದಾಡುತ್ತಿವೆ. ದರ್ಶನ್ ಅಭಿಮಾನಿಗಳು ತಮ್ಮದೇ ಆದ ರೀತಿಯಲ್ಲಿ ವಿನೀಶ್ ಗೆ ಹುಟ್ಟು ಹಬ್ಬದ ಶುಭಾಶಯ ಕೋರುತ್ತಿದ್ದಾರೆ. ದರ್ಶನ್ ಜೊತೆ ಮತ್ತೆ ಮತ್ತೆ ಸಿನಿಮಾಗಳಲ್ಲಿ ನಟಿಸಲಿ ಎಂದು ಹಾರೈಸುತ್ತಿದ್ದಾರೆ.
Web Stories
