ಬಾಗಲಕೋಟೆ: ಕೃಷಿಯಲ್ಲಿ (Agriculture) ಇಂದು ಎತ್ತುಗಳನ್ನು ಬಳಸುವುದು ಅಪರೂಪ. ಹೀಗಿರುವಾಗ ಜಿಲ್ಲೆಯ (Bagalkot)ರೈತರೊಬ್ಬರು ಜೋಡೆತ್ತುಗಳ ಮೂಲಕ ಎರಡೂವರೆ ಗಂಟೆಯಲ್ಲಿ 9 ಎಕರೆ ಜಮೀನನ್ನು ಹರಗುವ (ಹದ) ಮೂಲಕ ಸಾಧನೆ ಮಾಡಿದ್ದಾರೆ.
ಘಟನೆಗುಳೇದಗುಡ್ಡ ಸಮೀಪದ ಬೂದನಗಡದ ಗ್ರಾಮದ ಭೀಮಪ್ಪ ಮಲ್ಲಪ್ಪ ವಾಲೀಕಾರ ಅವರ ಎತ್ತುಗಳು ಗುರುವಾರ ಎರಡೂವರೆ ಗಂಟೆಯಲ್ಲಿ 9 ಎಕರೆ ಜಮೀನು ಹರಗಿ ವಿಶೇಷ ಸಾಧನೆ ಮಾಡಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿವೆ.
ಗುರುವಾರ ಬೆಳಗ್ಗೆ 5 ಗಂಟೆಗೆ ಜಮೀನು ಹರಗಲು ಆರಂಭಿಸಿ 7:30 ಗಂಟೆಗೆ 9 ಎಕರೆ ಜಮೀನನ್ನು ಹರಗಿದವು. ಅಲ್ಲದೇ ಈ ಎತ್ತುಗಳು ಸಾಧನೆ ಮಾಡಿದ ಬಳಿಕ 36 ಕಿ.ಮೀ. ದೂರದ ಬಾದಾಮಿ ಬನಂಶಕರಿ ದೇವಸ್ಥಾನಕ್ಕೆ ತೆರಳಿ, ಅಲ್ಲಿಯ ಬನದೇವಿಗೆ ಪೂಜೆ ಸಲ್ಲಿಸಲಾಗಿದೆ. ಇದನ್ನೂ ಓದಿ: ಪ್ರಧಾನಿ ಮೋದಿಗೆ ಚಂದ್ರಯಾನ-3 ನೌಕೆ ಸೆರೆ ಹಿಡಿದ ಮೊದಲ ಫೋಟೋ ಉಡುಗೊರೆ
ಮಂಗಳಗುಡ್ಡದ ಮಂಗಳಾದೇವಿ ದರ್ಶನ ಪಡೆದು ಮಧ್ಯಾಹ್ನ ಮರಳಿ ಬೂದನಗಡ ತಲುಪಿದವು. ವಿಶೇಷ ಸಾಧನೆ ಮಾಡಿದ ಎತ್ತುಗಳಿಗೆ ಗ್ರಾಮಸ್ಥರು ಗುಲಾಲ್ (ಬಣ್ಣ) ಎರಚಿ ಸಂಭ್ರಮಿಸಿದ್ದಾರೆ.
Web Stories
