ಸ್ಯಾಂಡಲ್‌ವುಡ್ ನಟ ವಿಜಯ್ ರಾಘವೇಂದ್ರ (Vijay Raghavendra) ಅವರು ಪತ್ನಿ ಸ್ಪಂದನಾ(Spadana) ಅವರು ಹೃದಯಾಘಾತದಿಂದ ಆಗಸ್ಟ್ 6ರ ರಾತ್ರಿ ನಿಧನರಾಗಿದ್ದಾರೆ. ಕೆಲ ದಿನಗಳ ಹಿಂದೆ ಬ್ಯಾಂಕಾಕ್‌ಗೆ ಸ್ಪಂದನಾ ತೆರಳಿದ್ದರು. ವಿಜಯ್-ಸ್ಪಂದನಾ ಮದುವೆ ವಾರ್ಷಿಕೋತ್ಸವಕ್ಕೆ 19 ದಿನಗಳು ಬಾಕಿಯಿದ್ದು, ಈ ಬೆನ್ನಲ್ಲೇ ಈ ಆಫಾತಕಾರಿ ಘಟನೆ ನಡೆದಿದೆ.
ಕೆಲಸದ ಸಂಬಂಧವಾಗಿ 5-6 ಸ್ನೇಹಿತರ ಜೊತೆ ಬ್ಯಾಂಕಾಕ್‌ಗೆ ಸ್ಪಂದನಾ ತೆರಳಿದ್ದರು. ಆಗಸ್ಟ್ 6ರ ಸಂಜೆ ಸ್ಪಂದನಾಗೆ ಎದೆನೋವು ಕಾಣಿಸಿಕೊಂಡಿತ್ತು. ಇದೀಗ ವಿಜಯ್ ಪತ್ನಿ ನಿಧನರಾಗಿದ್ದಾರೆ. ಮಲೇಶ್ವರಂ ಸ್ಪಂದನಾ ತಂದೆ ಬಿ.ಕೆ ಶಿವರಾಮ್ ಮನೆಗೆ ಶ್ರೀಮುರಳಿ ದಂಪತಿ ಭೇಟಿ ನೀಡಿದ್ದಾರೆ. ಇದನ್ನೂ ಓದಿ:ವಿಜಯ್ ರಾಘವೇಂದ್ರ ಪತ್ನಿ ಸ್ಪಂದನ ನಿಧನ
ವಿಜಯ್ ಪತ್ನಿ ಸ್ಪಂದನ ಅವರು ಇತ್ತೀಚಿಗೆ ಬ್ಯಾಂಕಾಕ್ ಪ್ರವಾಸಕ್ಕೆ ತೆರಳಿದ್ದಾಗ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಅಪ್ಪು ನಿಧನದ ಶಾಕ್‌ನಿಂದ ಹೊರ ಬಂದಾಗಲೇ ಮತ್ತೊಂದು ಆಘಾತಕಾರಿ ವಿಚಾರ ಕುಟುಂಬಕ್ಕೆ ಶಾಕ್ ನೀಡಿದೆ. ಲೋ ಬಿಪಿ ಮತ್ತು ಹೃದಯಾಘಾತದಿಂದ ವಿಜಯ್ ಪತ್ನಿ ಸ್ಪಂದನ ವಿಧಿವಶರಾಗಿದ್ದಾರೆ.
ವಿಜಯ್ ಸ್ಪಂದನಾ ಮದುವೆ ವಾರ್ಷಿಕೋತ್ಸವಕ್ಕೆ ಕೇವಲ 19 ದಿನಗಳು ಬಾಕಿಯಿತ್ತು. ಈ ಸಂದರ್ಭದಲ್ಲಿ ವಿಧಿ, ವಿಜಯ್- ಸ್ಪಂದನಾ ಬದುಕಿನಲ್ಲಿ ಕ್ರೂರ ಆಟವಾಡಿದೆ. 2007ರಲ್ಲಿ ಆಗಸ್ಟ್ 16ರಂದು ರಂದು ವಿಜಯ್ – ಸ್ಪಂದನಾ ಮದುವೆಯಾಗಿದ್ದರು. 2004ರಲ್ಲಿ ಮಲ್ಲೇಶ್ವರದ ಕಾಫೀ ಡೇ ನಲ್ಲಿ ಮೊದಲು ಪರಿಚಯವಾಗಿತ್ತು. ಆ ಪರಿಚಯವೇ ಪ್ರೀತಿಗೆ ತಿರುಗಿತ್ತು. ಅದಾಗಿ 3 ವರ್ಷಗಳ ಬಳಿಕ ಮತ್ತೆ ಕಾಫೀ ಡೇ ನಲ್ಲಿ ಮರು ಭೇಟಿಯಾಗಿದ್ದರು. ಆಗ ವಿಜಯ್ ರಾಘುವೇಂದ್ರ ಸ್ಪಂದನರನ್ನು ಪರಿಚಯ ಮಾಡಿಕೊಂಡು ಮಾತಾನಾಡಿದ್ದಾರೆ. ಅದಾದ ಬಳಿಕ ಮದುವೆ ಮಾತುಕತೆ ನಡೆದು, ಎರಡು ಕುಟುಂಬದ ಒಪ್ಪಿಗೆ ಪಡೆದು ಮದುವೆಯಾದರು. ಈ ಜೋಡಿಗೆ ಒಬ್ಬ ಮಗನಿದ್ದಾನೆ.
ನಾಳೆ ಬೆಂಗಳೂರಿಗೆ ವಿಜಯ್ ಪತ್ನಿ ಪಾರ್ಥಿವ ಶರೀರ ಬರುವ ಸಾಧ್ಯತೆಯಿದ್ದು, ವಿಧಿ ವಿಧಾನ ಕಾರ್ಯವೆಲ್ಲ ಬೆಂಗಳೂರಿನಲ್ಲಿ ಜರುಗಲಿದೆ. ನಿವೃತ್ತ ಅಸಿಸ್ಟೆಂಟ್ ಪೊಲೀಸ್ ಆಫೀಸರ್ ಬಿ.ಕೆ ಶಿವರಾಮ್ ಅವರ ಪುತ್ರಿ ಸ್ಪಂದನ.
