ಬಾಲಿವುಡ್ (Bollywood) ಬ್ಯೂಟಿ ಎವೆಲಿನ್ ಶರ್ಮಾ (Evelyn Sharma) ಅವರು ಗಂಡು ಮಗುವಿಗೆ (Baby Boy) ಜನ್ಮ ನೀಡಿದ್ದಾರೆ. ಎವೆಲಿನ್ ಶರ್ಮಾ ಮನೆಯಲ್ಲಿ ಸಂಭ್ರಮ ಮನೆ ಮಾಡಿದೆ. ತಾಯಿ ಮತ್ತು ಮಗು ಆರೋಗ್ಯವಾಗಿದೆ. ಜುಲೈ 6ರಂದು ಮಗು ಜನಿಸಿದ್ದು, ಒಂದು ತಿಂಗಳ ನಂತರ ನಟಿ ರಿವೀಲ್‌ ಮಾಡಿದ್ದಾರೆ.
‘ಯೇ ಜವಾನಿ ಹೇ ದಿವಾನಿ’ ಸಿನಿಮಾ ಸೇರಿದಂತೆ ಬಾಲಿವುಡ್‌ನ ಹಲವು ಚಿತ್ರಗಳಲ್ಲಿ ನಟಿಸಿರುವ ಎವೆಲಿನ್ ಶರ್ಮಾ ಅವರ ಮನೆಯಲ್ಲಿ ಮುದ್ದು ಮಗನ ಆಗಮನದಿಂದ ಸಂಭ್ರಮ ಮನೆ ಮಾಡಿದೆ. ಎರಡನೇ ಮಗು ಜನಿಸಿರೋದರ ಬಗ್ಗೆ ನಟಿ ಸೋಷಿಯಲ್ ಮೀಡಿಯಾದಲ್ಲಿ ಅಪ್‌ಡೇಟ್ ಹಂಚಿಕೊಂಡಿದ್ದಾರೆ. 2ನೇ ಮಗುವಿಗೆ ಆರ್ಡೆನ್‌ ಎಂದು ಹೆಸರಿಟ್ಟಿದ್ದಾರೆ. ಇದನ್ನೂ ಓದಿ:ಎಂಗೇಜ್‌ಮೆಂಟ್ ಸಂಭ್ರಮದಲ್ಲಿ ನಿರ್ಮಾಪಕ ಅನುರಾಗ್ ಕಶ್ಯಪ್ ಪುತ್ರಿ ಆಲಿಯಾ
ಮೇ 15, 2021ರಂದು ತುಷಾನ್ ಜೊತೆ ಎವೆಲಿನ್ ಮದುವೆಯಾಗಿದ್ದರು. ನವೆಂಬರ್‌ನಲ್ಲಿ ಮೊದಲ ಮಗು ಜನಿಸಿತು. ಸಾಹೋ, ನೌಟಂಕಿ ಸಾಲಾ, ಯಾರಿಯಾನ್, ಇಶ್ಕ್ ಸೇರಿದಂತೆ ಹಲವು ಚಿತ್ರಗಳಲ್ಲಿ ಎವೆಲಿನ್ ನಟಿಸಿದ್ದಾರೆ.
ಇಬ್ಬರ ಮಕ್ಕಳ ತಾಯಿಯಾಗಿರೋ ನಟಿ ಎವೆಲಿನ್ ಅವರು ಸದ್ಯ ನಟನೆಯಿಂದ ದೂರ ಸರಿದಿದ್ದಾರೆ. ದಾಂಪತ್ಯ, ಇಬ್ಬರ ಮಕ್ಕಳ ಪಾಲನೆಯಲ್ಲಿ ನಟಿ ಬ್ಯುಸಿಯಾಗಿದ್ದಾರೆ.
