ಹಾವೇರಿ: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕ್ವಿಂಟಾಲ್ ಬ್ಯಾಡಗಿ ಮೆಣಸಿನಕಾಯಿ 89 ಸಾವಿರ ರೂ. ದಾಖಲೆಯ ದರಕ್ಕೆ ಮಾರಾಟವಾಗಿದೆ.
ಸೋಮವಾರ (ಫೆ.16) ಮೆಣಸಿನಕಾಯಿ ಪ್ರತಿ ಕ್ವಿಂಟಾಲ್ಗೆ 89 ಸಾವಿರ ರೂ. ಹಾಗೂ ಕಡ್ಡಿ ಮೆಣಸಿನಕಾಯಿ 69 ಸಾವಿರ ರೂ. ಐತಿಹಾಸಿಕ ಬೆಲೆಗೆ ಮಾರಾಟವಾಗಿ ದಾಖಲೆ ನಿರ್ಮಿಸಿದೆ. ಇದನ್ನೂ ಓದಿ: AI Impact Summit 2026 – ಜಾಗತಿಕ ಶೃಂಗಕ್ಕೆ ಮೋದಿ ಚಾಲನೆ
ರೋಣ ತಾಲೂಕಿನ ಸವಡಿ ಗ್ರಾಮದ ರೈತ ವಿಜಯಕುಮಾರ ಪ್ರಕಾಶ ಸಜ್ಜನರ ಬೆಳೆದ ಬ್ಯಾಡಗಿ ಹಾಗೂ ಕಡ್ಡಿ ಮೆಣಸಿನಕಾಯಿಗೆ ಮಾರುಕಟ್ಟೆಯಲ್ಲಿ ಬರೋಬ್ಬರಿ 89 ರೂ. ಹಾಗೂ 69 ಸಾವಿರ ರೂ.ಗೆ ಮಾರಾಟವಾಗಿ ಹೊಸ ದಾಖಲೆ ಸೃಷ್ಟಿ ಮಾಡಿದೆ. ರೋಣ ತಾಲೂಕಿನಲ್ಲಿ ಒಣ ಬೇಸಾಯವೇ ಪ್ರಮುಖ, ಇಂತಹ ಪ್ರದೇಶದಲ್ಲಿಯೂ ಸಹ ಯಾವುದೇ ರಾಸಾಯನಿಕ ಬಳಸದೇ ಕೃಷಿಯಲ್ಲಿ ಸಾಧನೆ ಮಾಡಬೇಕು ಎನ್ನುವ ಹಂಬಲದಿಂದ ಕೃಷಿಗೆ ಕೈ ಹಾಕಿದ 23 ವರ್ಷದ ಪದವೀಧರ ಯುವ ರೈತ ವಿಜಯಕುಮಾರ ಸಜ್ಜನರ ಮೊದಲ ಪ್ರಯತ್ನದಲ್ಲಿಯೇ ಭರ್ಜರಿ ಇಳುವರಿ ತೆಗೆದು ಸೈ ಎನಿಸಿಕೊಂಡಿದ್ದಾರೆ.
ಮಾರುಕಟ್ಟೆ ಆರಂಭವಾದ ನಂತರ ಸುಮಾರು 60ಕ್ಕೂ ಹೆಚ್ಚು ವರ್ಷಗಳ ಇತಿಹಾಸದಲ್ಲಿ ಇ ಷ್ಟೊಂದು ದೊಡ್ಡ ಮೊತ್ತಕ್ಕೆ ಯಾವುದೇ ತಳಿಯ ಮೆಣಸಿನಕಾಯಿ ಮಾರಾಟವಾಗಿರಲಿಲ್ಲ, ಕಳೆದ ಹಲವು ವರ್ಷಗಳಿಂದ ಮಾರುಕಟ್ಟೆಯಲ್ಲಿ ಈ ತಳಿಯ ಬೆಲೆ 50ರಿಂದ 60 ಸಾವಿರ ಪ್ರತಿ ಕ್ವಿಂಟಾಲ್ಗೆ ಮಾರಾಟವಾಗುತ್ತಿತ್ತು. ಈ ವರ್ಷ ರೈತ ವಿಜಯಕುಮಾರ ಬೆಳೆದ ಮೆಣಸಿನ ಗುಣಮಟ್ಟದಿಂದಾಗಿ ಬಂಗಾರದ ಬೆಲೆ ದೊರೆತಿದೆ.
More Read
ಕಡ್ಡಿ ಮೆಣಸಿಗೂ ದಾಖಲೆ ದರ:
ಕೇವಲ ಡಬ್ಬಿ ಮಾತ್ರವಲ್ಲದೆ ತನ್ನ ಹೊಲದಲ್ಲಿ ಕಡ್ಡಿ ಮೆಣಸನ್ನು ಸಹ ಬೆಳೆದಿರುವ ರೈತ ವಿಜಯಕುಮಾರನಿಗೆ ಅದರಲ್ಲೂ ಬಂಪರ್ ದರ ದೊರೆತಿರುವುದು ಡಬಲ್ ಖುಷಿ ನೀಡಿದೆ. ಅವರು ಬೆಳೆದ ಕಡ್ಡಿ ಮೆಣಸಿನಕಾಯಿಗೆ 69 ಸಾವಿರ ರೂ. ಪ್ರತಿ ಕ್ವಿಂಟಾಲ್ಗೆ ಮಾರಾಟವಾಗಿದ್ದು ಸಹ ಮಾರುಕಟ್ಟೆಯಲ್ಲಿ ದಾಖಲೆ ಎನಿಸಿದೆ.
ಹಿಂದಿನ ವಾರವೂ ಇದೇ ಸವಡಿ ಗ್ರಾಮದ ರೈತ ಶರಣಪ್ಪ ಇಟಗಿ ಬೆಳೆದ ಮೆಣಸಿನಕಾಯಿಗೆ ನಮ್ಮ ಅಂಗಡಿಯಲ್ಲಿ ಪ್ರತಿ ಕ್ವಿಂಟಾಲ್ಗೆ 87.786 ಸಾವಿರ ರೂ. ದರ ದೊರೆತಿತ್ತು. ಮೆಣಸಿನಕಾಯಿ ಗುಣಮಟ್ಟ ಉತ್ತಮವಾಗಿದ್ದ ಕಾರಣ ಈ ವಾರವೂ ಸಹ ಅದೇ ಗ್ರಾಮದ ರೈತನಿಗೆ ಮತ್ತೆ ಭರ್ಜರಿ ದರ ದೊರೆತಿದೆ.ಇದನ್ನೂ ಓದಿ: ಆಟೋದಲ್ಲಿ ಮಹಿಳೆ ಕಳೆದುಕೊಂಡಿದ್ದ 29 ಸಾವಿರ ಪತ್ತೆಹಚ್ಚಿದ AI ಕ್ಯಾಮೆರಾ
