ಚೆನ್ನೈ: ಚಾಲಕನ ನಿಯಂತ್ರಣ ತಪ್ಪಿ ಕಾರು ಒಂದು ಕಾಲುವೆಗೆ ಬಿದ್ದ ಪರಿಣಾಮ ಒಂದೇ ಕುಟುಂಬದ 6 ಜನ ಮೃತಪಟ್ಟ ಘಟನೆ ತಮಿಳುನಾಡಿನ ಕೊಯಮತ್ತೂರು ಜಿಲ್ಲೆಯ ಪೊಲ್ಲಾಚಿ ಬಳಿ ನಡೆದಿದೆ.
ಮಸಕ್ಕಳಿಪಾಳಯಂ ಪ್ರಕಾಶ್ (45), ಪತ್ನಿ ಚಿತ್ರಾ (40), ಪುತ್ರಿ ಪೂಜಾ (8), ಹಿರಿಯ ಸಹೋದರಿ ಎಸ್.ಸುಮತಿ (50), ಸಹೋದರ ಪನ್ನಿರ್ ಸೆಲ್ವಂ ಪತ್ನಿ ಲತಾ (42), ಇವರ ಪುತ್ರಿ ಧಾರಣಿ (9) ಮೃತ ದುರ್ದೈವಿಗಳು. ಮುರುಗನ್ ದೇವಸ್ಥಾನಕ್ಕೆ ಭೇಟಿ ನೀಡಿ ಮರಳುತ್ತಿದ್ದಾಗ ಪೊಲ್ಲಾ ಬಳಿಯ ಪಂಬಿಕುಲಂ ಅಲಿಯರ್ ಯೋಜನೆಯ ಕಾಲುವೆಯಲ್ಲಿ ತಡರಾತ್ರಿ 2 ಗಂಟೆಗೆ ಘಟನೆ ಸಂಭವಿಸಿದೆ.
Tamil Nadu: 6 members of a family died after the car they were travelling in fell into Parambikulam -Aliyar-Project canal near Pollachi in Coimbatore around 1.30 AM today. Their bodies have been kept at Pollachi General Hospital. Police have registered a case, investigation on. pic.twitter.com/JTmIHQz9X1
— ANI (@ANI) March 13, 2019
ಪ್ರಕಾಶ್ ಕಾರು ಚಾಲನೆ ಮಾಡುತ್ತಿದ್ದರು. ಉಡುಮಲೆಪೇಟ್-ಪೊಲ್ಲಾಚಿ ರಸ್ತೆಯಲ್ಲಿರುವ ಕೆಡಿಮೆಡು ಪ್ರದೇಶವನ್ನು ತಲುಪಿದಾಗ ಕಾರು ಪ್ರಕಾಶ್ ನಿಯಂತ್ರಣ ತಪ್ಪಿತ್ತು. ಪರಿಣಾಮ ಕಾರು ಕಾಲುವೆಯಲ್ಲಿ ಹರಿಯುತ್ತಿದ್ದ ನೀರಿಗೆ ಬಿದ್ದಿದೆ. ಇದರಿಂದಾಗಿ ಕಾರಿನಿಂದ ಹೊರಬರಲು ಸಾಧ್ಯವಾಗದೇ ಸ್ಥಳದಲ್ಲಿಯೇ 6 ಜನ ಮೃತಪಟ್ಟಿದ್ದಾರೆ.
ಘಟನೆ ಕುರಿತು ಮಾಹಿತಿ ಸಿಗುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಗೊಮಾಂಗಲಂ ಪೊಲೀಸರು, ಕ್ರೇನ್ ಸಹಾಯದಿಂದ ಕಾರನ್ನು ಮೇಲೆತ್ತಿದ್ದಾರೆ. ಬಳಿಕ ಅದರಲ್ಲಿದ್ದ ಮೃತ ದೇಹಗಳನ್ನು ಪೊಲ್ಲಚಿ ಸಾರ್ವಜನಿಕ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live ವೀಕ್ಷಿಸಲು ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
