ಲಕ್ನೋ: ಎಮ್ಮೆಯೊಂದು 2 ತಲೆ ಇರುವ ಕರುವಿಗೆ ಜನ್ಮ ನೀಡಿದ ವಿಚಿತ್ರ ಘಟನೆಯೊಂದು ಉತ್ತರಪ್ರದೇಶದ ವಾರಣಾಸಿಯಲ್ಲಿ ನಡೆದಿದೆ.
ವಾರಣಾಸಿಯ ಕ್ಯಾಂಟ್ ಪ್ರದೇಶದ ಸಿಕ್ರೋಲ್‍ನ ಮೆನೆಯೊಂದರಲ್ಲಿ ಸಾಕಿದ್ದ ಎಮ್ಮೆ ಇಂದು ಬೆಳಗ್ಗೆ ಹೆರಿಗೆ ನೋವಿನಿಂದ ಒದ್ದಾಡುತ್ತಿತ್ತು. ಕರುವನ್ನು ಹೊರಗೆ ತೆಗೆಯಲು ನೆರೆಹೊರೆಯವರು ಕಷ್ಟ ಪಟ್ಟಿದ್ದಾರೆ ಆದರೆ ಕರು ಮಾತ್ರ ಹೊರಗೆ ಬಂದಿಲ್ಲ.
ಕರುವನ್ನು ಹೊರಗೆ ತೆಗೆಯಲು ಹರಸಾಹಸಪಟ್ಟಿದ್ದಾರೆ. ಈ ವೇಳೆ 2 ತಲೆ ಕಾಣಿಸಿಕೊಂಡಿದೆ. ಆಗ 2 ಕರುಗಳು ಇರಬಹುದು ಎಂದು ಆಶ್ಚರ್ಯದಿಂದ ನೋಡ ತೊಡಗಿದ್ದಾರೆ. ಕರು ಹೊರಗೆ ಬಂದಿದೆ. ಆಗ ಒಂದು ದೇಹ 2 ತಲೆ ಇರುವ ಕರುವನ್ನು ಕಂಡು ಜನರು ಆಶ್ಚರ್ಯ ಜೊತೆಗೆ ಭಯಗೊಂಡಿದ್ದಾರೆ.
ಈ ಸುದ್ದಿತಿಳಿಯುತ್ತಿದ್ದಂತೆ ಹಳ್ಳಿಯ ಸುತ್ತಮುತ್ತಲಿನ ಊರಿನವರು ಕರುವನ್ನು ನೋಡಲು ಬಂದಿದ್ದಾರೆ. ಎಮ್ಮೆ ಕರುವನ್ನು ನೋಡಿ ಸ್ಥಳಿಯರು ಆಶ್ಚರ್ಯ ಪಟ್ಟಿದ್ದಾರೆ. ಎಮ್ಮೆ ಮತ್ತು ಕರು ಆರೋಗ್ಯವಾಗಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.
