ಆನೆಗಳು ಬುದ್ಧಿವಂತ ಪ್ರಾಣಿಯಾಗಿದ್ದು, ಅವು ಜ್ಞಾಪಕ ಶಕ್ತಿಯನ್ನು ಸಹ ಹೊಂದಿರುತ್ತದೆ. ಆನೆಗಳು ಭೂಮಿಯಲ್ಲಿರುವ ಎಲ್ಲಾ ಪ್ರಾಣಿಗಳಿಗಿಂತಲೂ ಅತಿದೊಡ್ಡ ಮೆದುಳನ್ನು ಹೊಂದಿದ್ದು, ಮನುಷ್ಯರಿಗಿಂತ ಮೂರು ಪಟ್ಟು ನರಕೋಶಗಳನ್ನು ಹೊಂದಿವೆ.
ಸದ್ಯ ವಿಡಿಯೋವೊಂದರಲ್ಲಿ ಆನೆ ಬುದ್ಧಿವಂತ ಪ್ರಾಣಿ ಮತ್ತು ಮನುಷ್ಯರನ್ನು ಸುಲಭವಾಗಿ ಅನುಕರಣೆ ಮಾಡಬಲ್ಲವು ಎಂಬುವುದನ್ನು ತೋರಿಸಿದೆ. ಬಾಯಾರಿಕೆಗೊಂಡಿದ್ದ ಆನೆಯೊಂದು ನೀರು ಕುಡಿಯಲು ಯಾರ ಸಹಾಯವನ್ನು ಪಡೆಯದೇ ತನ್ನ ಸೊಂಡಿಲಿನಿಂದ ಹ್ಯಾಂಡ್ಪಂಪ್ನನ್ನು ಹೊಡೆಯುತ್ತದೆ. ನಂತರ ಪಂಪ್ನಿಂದ ನೀರು ಹೊರಬಂದ ತಕ್ಷಣ ನೀರು ಕುಡಿಯುತ್ತದೆ. ಈ ದೃಶ್ಯ ಅಲ್ಲಿದ್ದ ಜನರು ಅಚ್ಚರಿಗೊಳ್ಳುವಂತೆ ಮಾಡಿದೆ.
ವೈರಲ್ ಆಗುತ್ತಿರುವ ಈ ವೀಡಿಯೋ ಎಲ್ಲಿಯದು ಎಂಬುವುದು ತಿಳಿದು ಬಂದಿಲ್ಲ. ಆದರೆ ದೇಸಿ ಆನೆಯ ಸ್ಟೈಲ್ ನೆಟ್ಟಿಗರ ಗಮನ ಸೆಳೆಯುತ್ತಿದ್ದು, ಆನೆಯ ಬುದ್ಧಿವಂತಿಕೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
