– ಇಂಟ್ರಸ್ಟಿಂಗ್ ಆಗಿದೆ `ಯೆಲ್ಲೋ ಗ್ಯಾಂಗ್ಸ್’ ಟೀಸರ್..!
`ಯೆಲ್ಲೋ ಗ್ಯಾಂಗ್ಸ್’ ಹೆಸರು ಸ್ಯಾಂಡಲ್‍ವುಡ್ ಅಂಗಳದಲ್ಲಿ ಬೇಜಾನ್ ಸದ್ದು ಮಾಡಲು ಶುರು ಮಾಡಿದೆ. ಟೈಟಲ್‍ನಲ್ಲಿ ಕ್ಯೂರಿಯಾಸಿಟಿ ಇರುವುದರಿಂದ ಚಿತ್ರದಲ್ಲಿ ಈ ಗ್ಯಾಂಗ್ ಹೇಗೆ ಕೆಲಸ ಮಾಡಿದೆ ಎಂಬ ಕುತೂಹಲವೂ ಈಗಾಗಲೇ ಚಂದನವನದಲ್ಲಿ ಮೂಡಿದೆ. ಇದರ ಬೆನ್ನಲ್ಲೇ ಆ ನಿರೀಕ್ಷೆಯನ್ನು ಹೆಚ್ಚು ಮಾಡಲು ಚಿತ್ರತಂಡ ಟೀಸರ್ ಮೂಲಕ ಸೋಶಿಯಲ್ ಮೀಡಿಯಾಗೆ ಎಂಟ್ರಿ ಕೊಟ್ಟಿದೆ. ಸಖತ್ ಇಂಟ್ರಸ್ಟಿಂಗ್ ಆಗಿ ಮೂಡಿ ಬಂದಿರೋ `ಯೆಲ್ಲೋ ಗ್ಯಾಂಗ್ಸ್’ ಟೀಸರನ್ನು ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್ ಮೆಚ್ಚಿ ಬಿಡುಗಡೆ ಮಾಡಿದ್ದಾರೆ.
`ಯೆಲ್ಲೋ ಗ್ಯಾಂಗ್ಸ್’ ಪ್ರಯೋಗಾತ್ಮಕ ಸಿನಿಮಾವಾಗಿದ್ದು, ಕ್ರೈಂ ಥ್ರಿಲ್ಲರ್ ಸಬ್ಜೆಕ್ಟ್ ಚಿತ್ರದಲ್ಲಿದೆ. ರವೀಂದ್ರ ಪರಮೇಶ್ವರಪ್ಪ ಸಿನಿಮಾದ ಸೂತ್ರಧಾರರಾಗಿದ್ದು ಕಥೆ ಹಾಗೂ ನಿರ್ದೇಶನ ಜವಾಬ್ದಾರಿಯನ್ನು ಹೊತ್ತುಕೊಂಡಿದ್ದಾರೆ. ಯೋಗರಾಜ್ ಭಟ್ ಸಿನಿಮಾಗಳಲ್ಲಿ ದುಡಿದ ಅನುಭವ ಇರುವ ರವೀಂದ್ರ ಪರಮೇಶ್ವರಪ್ಪ ಇದೇ ಮೊದಲ ಬಾರಿ ಸ್ವತಂತ್ರವಾಗಿ ನಿರ್ದೇಶಕರಾಗಿ ಬಡ್ತಿ ಪಡೆದಿದ್ದಾರೆ. ಶಿಷ್ಯನ ಸಿನಿಮಾ ಟೀಸರ್ ನೋಡಿ ಮೆಚ್ಚಿಕೊಂಡ ಯೋಗರಾಜ್ ಭಟ್ ಇಡೀ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ.
ದೇವ್ ದೇವಯ್ಯ, ಅರ್ಚನಾ ಕೊಟಗಿ, ಅರುಣ್ ಕುಮಾರ್, ಸತ್ಯಣ್ಣ, ನಾಟ್ಯರಂಗ, ಸುದೀಪ್ ಪೂಜಾರಿ ಸೇರಿದಂತೆ ಅನೇಕ ಕಲಾವಿದರು ಯೆಲ್ಲೋ ಗ್ಯಾಂಗ್ಸ್ ಅಡ್ಡಾದಲ್ಲಿ ಬಣ್ಣ ಹಚ್ಚಿದ್ದಾರೆ. ಕಳೆದ ವರ್ಷವೇ ಚಿತ್ರೀಕರಣ ಕಂಪ್ಲೀಟ್ ಮಾಡಿರುವ `ಯೆಲ್ಲೋ ಗ್ಯಾಂಗ್ಸ್’ ಸಿನಿಮಾ ಕೊರೋನಾ ಹೊಡೆತದಿಂದ ಮುಂದಿನ ವರ್ಷ ತೆರೆ ಮೇಲೆ ತರಲಿದೆ.
ಕ್ರೈಂ ಥ್ರಿಲ್ಲರ್ ಸಬ್ಜೆಕ್ಟ್ ಇರುವ `ಯೆಲ್ಲೋ ಗ್ಯಾಂಗ್ಸ್’ ಸಿನಿಮಾವನ್ನು ಖ್ಯಾತ ಛಾಯಾಗ್ರಾಹಕ ಸುಜ್ಞಾನ್ ಕ್ಯಾಮರಾ ವರ್ಕ್, ರೋಹಿತ್ ಸೋವರ್ ಸಂಗೀತ ನಿರ್ದೇಶನವಿದೆ. ವಿಭಿನ್ನ ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಾಣವಾಗಿದೆ. ಮನೋಜ್.ಪಿ, ಜಿಎಂಆರ್ ಕುಮಾರ್. ಡಿ.ಎಸ್. ಪ್ರವೀಣ್, `ಯೆಲ್ಲೋ ಗ್ಯಾಂಗ್ಸ್’ ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ.
