ಬೆಂಗಳೂರು: ದೇಶದಲ್ಲೇ ಅತ್ಯುತ್ತಮ ಯೂನಿವರ್ಸಿಟಿಗಳಲ್ಲಿ ಒಂದಾಗಿರೋ ನಮ್ಮ ರಾಜ್ಯದ ರೇವಾ ಯೂನಿವರ್ಸಿಟಿಯಲ್ಲಿ ಇಂದು ಪದವಿ ಮುಗಿಸಿದ ವಿದ್ಯಾರ್ಥಿಗಳಿಗೆ ಬೀಳ್ಕೊಡುಗೆ ಕಾರ್ಯಕ್ರಮವನ್ನ ಆಯೋಜನೆ ಮಾಡಿತ್ತು.
ಕೊರೊನಾ ಕಳೆದ ಒಂದೂವರೆ ವರ್ಷದಿಂದ ಇಡೀ ವಿಶ್ವವನ್ನ ಕಾಡುತ್ತಿದೆ. ವಿದ್ಯಾರ್ಥಿಗಳು ತರಗತಿಯಲ್ಲಿ ಕುಳಿತು ಪಾಠ ಕೇಳುವ ಅವಕಾಶವನ್ನ ಈ ಮಹಾಮಾರಿ ಮೊಟಕುಗೊಳಿಸಿದೆ. ಕಾಲೇಜ್ ಡೇಸ್ ಗೋಲ್ಡನ್ ಡೇಸ್ ಅಂತಾ ಕರೆಯುತ್ತಾರೆ. ಕೊರೊನಾದಿಂದ ಕಾಲೇಜಿನ ಸಾಂಸ್ಕೃತಿಕ ಮತ್ತು ಕ್ರೀಡಾ ಚಟುವಟಿಕೆಗಳಿಗೆ ಬ್ರೇಕ್ ಬಿದ್ದಿದೆ.
ಫೈನಲ್ ಇಯರ್ ಮುಗಿಸಿ ಕಾಲೇಜಿನಿಂದ ಹೊರ ಹೋಗುವ ವಿದ್ಯಾರ್ಥಿಗಳಿಗೆ ಬೀಳ್ಕೊಡುವ ಕಾರ್ಯಕ್ರಮ ಮಾಡೋದು ವಾಡಿಕೆ ಮತ್ತು ಸಂಪ್ರದಾಯ. ಆದರೆ ಕೊರೊನಾ ಅದಕ್ಕೆಲ್ಲಾ ಅವಕಾಶ ನೀಡ್ತಿಲ್ಲ. ಹಾಗಾಗಿ ರೇವಾ ಯುನಿವರ್ಸಿಟಿಯವರು ಇಂದು ಡಿಜಿಟಲ್ ಪ್ಲಾಟ್ ಫಾರಂ ಮೂಲಕ ಫೇರ್ ವೆಲ್ ಪ್ರೋಗ್ರಾಂ ಮಾಡಿದ್ದಾರೆ. ವರ್ಚುವಲ್ ಫೇರ್ ವಾಲ್ ಪ್ರೋಗ್ರಾಂಗೆ ಯುನಿವರ್ಸಿಟಿಯ ಕುಲಪತಿ ಡಾ.ಪಿ ಶ್ಯಾಮರಾಜು ಚಾಲನೆ ನೀಡಿದ್ದಾರೆ.
ಪದವಿ, ಸ್ನಾತಕೋತ್ತರ ಪದವಿ, ಎಂಜಿನಿಯರಿಂಗ್ ಮುಗಿಸಿ ಕಾಲೇಜಿನಿಂದ ಹೊರ ಹೋಗ್ತಿರೋ ವಿದ್ಯಾರ್ಥಿಗಳಿಗೆ ಅರ್ಥಪೂರ್ಣವಾಗಿ ಬೀಳ್ಕೊಡುಗೆ ನೀಡಿದ್ದಾರೆ. ಇದೇ ಸಮಯದಲ್ಲಿ ವ್ಯಾಸಂಗದ ಜೊತೆ ಪಠ್ಯೇತರ ಚಟುವಟಿಕೆಗಳಲ್ಲಿ ಉತ್ತಮ ಸಾಧನೆ ಮಾಡಿದ 45 ವಿದ್ಯಾರ್ಥಿಗಳ ಅತ್ಯುತ್ತಮ ವಿದ್ಯಾರ್ಥಿ ಎಂದು ಪ್ರಮಾಣ ಪತ್ರ ನೀಡಿ ಅಭಿನಂದಸಿದ್ದಾರೆ. ಇದನ್ನೂ ಓದಿ: ರಾಮ, ಆಂಜನೇಯ ವಿಗ್ರಹಕ್ಕೆ ಪೇಜಾವರಶ್ರೀ ಅಭಿಷೇಕ- ಅರ್ಜುನ್ ಸರ್ಜಾ ಹರ್ಷ
ಕೊರೊನಾದಿಂದ ಕ್ಯಾಂಪಸ್ ಲೈವ್ ಮೀಸ್ ಮಾಡಿಕೊಂಡ ವಿದ್ಯಾರ್ಥಿಗಳಿಗೆ ಆನ್ ಲೈನ್ ಮೂಲಕವೇ ಸೆಂಡ್ ಆಫ್ ನೀಡಿ ಎಲ್ಲ ಕಾಲೇಜುಗಳಿಗೆ ರೇವಾ ಯುನಿವರ್ಸಿಟಿ ಮಾದರಿಯಾಗಿದ್ದಾರೆ.
